Page Text
________________
१ रिसहसामि-२ भरहचक्कवट्टिचरिय । जस्सऽणुकूला पियदंसाँ [य] मियु-मंजुभासणसयोहा । सयलगुणाहाणं घरसिरि व्व घरिणी सुहं तस्स ॥ ८५ ॥ हिययट्टियदइयवसेण दुग्गओ णेइ दीहरं दियहं । रयणीए पिययमालावमुइयहियओ सुहं सुयइ ॥८६॥ किं बहुणा ? सव्वं चिय संसारसुहं समत्तजियलोओ। महिलायत्तं पत्तियसु मित्त ! मह तेण अणुबंधो ॥ ८७॥ लल्लक्कणिरयवियणाउ घोरसंसारसायरुत्वहमं । जीय कएण तुलिजंति जयइ सा पिययमा लोए ॥८८ ॥
इय णिब्भरगुरुसब्भावपसरवीसम्भवड्ढियमुहल्ली । अण्णोण्णपिएंहिं वि जयम्मि मिहुणाई पावंति ॥ ८९ ।। __ता मित्त ! कत्थ मए एरिसं रइकेलिकुलहरं सयलसुहणिहाणं महिलारयणं पावियचं ? " ति । तओ इंदसामाणिएणं उवओगं दाऊण भणियं-मित्त ! मा विसायं वच्चसु, लद्धा मए तुहं महिला । ललियंगएण भणियं-कहं चिय?। इंदसामाणिएण भणियं-सुणसु,
धायइसंडे दीवे पुचविदेहे वासे गंदिग्गामे णाइलो णाम गहबई । सो य अचंतदुग्गओ सयलजणपरिभूओ उयरभरणेकवावारपरायणो परिवसइ । तस्सेव भारियाए उवरोवरिं कुरूवाओ सयलजणाणिहाओ पयईए बहुभक्खिरीओ छ धूयाओ जायाओ । तओ य सो दारिदेणं बहुधृयाजम्मेण सयलजणपरिहवेण य अचंतदुहिओ चिंतेइ-किं करेमि ?, कत्थ वच्चामि ?, किं कयं सुकयं हाँइ ? ति मण्णमा(ण्णुम)णो चिट्ठति । अण्णया य कम्मपरिणइवसेणं आवण्णसत्ता भारिया संवुत्ता । तो तेण चिंतियं-जइ पुणरविध्या इमीए होज्जा तो मए इमीए णाममेत्तेणावि वावारो ण कायदो। जाव य सो एवं चिंतापरायणो चिट्ठइ ताव य पसूया भज्जा। णिवेइयं तस्स धृयाजम्म त्ति । तओ सो वज्जवडणाइरित्तसंपाउप्पित्थहियो णिग्गंतूण घराओ देसन्तरं गओ। णागसिरी[ए] वि पुणरुत्तधृयाजम्मदुक्खियहिययाए पइगमणसोयमोहियमणाए य सा धृया ण सम्म पडियरिज्जति, ण य तीए तँस्सा णामं पि कयं । तओ सा आउसेसयाए संवढिया अच्चन्तक्खिया णिण्णामिय त्ति लोए पसिद्धिं गया। दुहिया य दुहियकम्मकारिणी सयलजणपरिभूया जगणीए वि णयण-मणुव्वेयकारिणी संवुत्ता।
अण्णया य सयज्झियाधूयाए हत्थे मोयए पेक्खिऊणं णियजणणी जाइया । तीए भणियं-कय पुण्णा सि तुम, भक्खिहिसि मोयए ?, पिया वि ते एवंविहो चेव सुहिओ आसि, ता मंदभाइणि ! वच्च रज्जु गहाय अंबरतीरं( तिलयं) पन्चयवरं, तत्थ कट्ठाइं समुच्चिणंती पाविहिसि मोयए । तओ सा अकयपुण्णा गिरासा पियवयणमेत्तेणावि अणासासियपुब्बा ओरुण्णमुही गलियवाहसलिला रज्जु घेत्तूण णिग्गया गेहाओ । तओ दीहुण्हणीसासे मुयन्ती तण-कट्ट-पत्तहारेहिं समेया संपत्थिया, पत्ता य तं पव्वयवरं । तस्स य सिहरे जुगंधरस्स अणगारस्स एगराइयं पडिममभुवटियस्स मुहपरिणामस्स मुविसुद्धलेसस्स अपुबकरणाम्हणक्कमेण खवियघणघाइचउक्कस्स उप्पण्णं तीया-ऽणागयर्वत्थुब्भासगं दिव्वं केवलणाणं ति । अहासण्णिहियदेवयाए य पत्थुया केवलमहिमा । समागओ पव्वयासण्णगामणगरजणवओ। तओ सा णिण्णामिया सह तेण जणवएणं तं पचयवरं समारूढा । वंदिओ य भयवं केवली सह जणेणं । भगवया पत्थुया धम्मदेसणा। निदिजइ विसयमुह, पयडिज्जइ संसारासारत्तणं, दंसिजति णरय-तिरिय-मणुय-देवलोयदुक्खाई । तओ लद्धावसराए गरुयदुक्खोहपीडियाए भणियं णिण्णामियाए-किं भयवं ! मज्झ वि सयासायो अण्णो दुक्खिययरो कोइ अत्थि ? । भयवया भणियं-कि तुज्झ दुक्खं ?, तुमं ताव सच्छंदपयारिणी, अण्णे उण सत्ता कम्मपरिणइवसेण सव्वदा परायत्तमहावेयणाभिभूयविग्गहा ण जाणन्ति रत्तिं ण दियहं, परायत्ता एवं कालं गति । एवं बहुप्पयाराओ णरय-तिरियवेयणाओ समायण्णिऊण संवेगमुंवगया। भिष्णो कम्मगंठी, अब्भुवगयं सम्मत्तरयणं, पडिवण्णो भावओ जिणदेसिओ धम्मो, गहियाई जहासत्तिं अणुव्वयाणि । गहियकट्ठा, गया णिययगेहं, कयं तत्कालोचियमाहाराइयं । तओ पवड्ढमाणपरिणामा चिट्ठइ, सरइ य कालो, चरइ य णाणाविहं तवोकम्मं । सा य अञ्चन्तदुभगा कुरूवा य ण य केणेति पत्थिया, पत्ता य जोव्वणं । तओ तीए गरुयसंवेगमावण्णाए पुणरवि अम्बरतिलयं पव्वयं समागयस्स जुगंधराणगारस्स समीवे पडिवण्णमणसणं ।
५ मिड जे । २ 'एहिम्बि सू । ३ तुम जे । ४ होउ ? ति जे । ५ 'परिणयव सू । ६ जम्मं ति जे। ७ तस्याः । ८ गुन्वेवका जे । ९ उपण्णन्तीया सू । १० वत्थुभासगं जे । ११ मुवागया जे । १२ केणइ जे।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |