Page Text
________________
चउप्पन्नमहापुरिसचरिय । तो राइणा गरुयसंवेगावणहियएणं मंतिणो विमलमइस्स मुहं पलोइयं । तओ लद्धावसरेण भणिय मंतिणामहाराय ! णिसुयं जमणेण संसारसरूवं णिवेइयं ? । राइणा भणियं---किं सुएणं ?, पञ्चक्खं चेव दिट्ठमणुहविजइ य । तओ तमायणिऊण भणियं मंतिणा-देव ! सुणमु--
संसारमहाडइगरुयविसयमायण्हियाए णडिएहिं । इह अमुणियमुहयरसेहिं खिज्जियं जंतुहरिणेहिं ॥६९।। किंच
वियसंतदलउडुम्मिल्लमालईसवलकुंतलकलावो । किं नरयवडणधरणेकपञ्चलो जायइ पियाण ? ॥ ७० ॥ ईसीसिवलन्तद्धच्छिपेच्छियं सुंदरीण सवियारं । इह संभाविजइ कि कयाइ णरयग्गिणिव्यवणं ? ॥७१ ॥ जोव्यणमयणुम्मिल्लन्तपंडुगंडयलययणससिविम्बं । णिव्ववणकारणं किं कैयाइ णरयग्गितवियाण ? ॥ ७२ ।। कोमलमुणालवेल्लहलबाहुलइयाजुयं ससिमुहीणं । किं होइ कयाइ वि णरयपडणपडिरुम्भणसमत्थं ? ॥७३॥ उत्तत्तकणयकलसोरुमिलियचक्कलियथोरथणवट्ट । वीसामत्थामं किं कयाइ भवजलधिवुड्डाण ? ।। ७४ ।। मुवित्ततिवलिगंभीरणाहिमज्झो वि सुन्दरंगीण । णियकम्मपरिणईए ताणं मणयं पि किं कुणइ ? ॥७५ ॥ णवघडणकंचिदामोरुभूसिओ वियडरमणपन्भारो । अइघोरणरयपायालवडणरक्खक्खमो किं सो ? ॥ ७६ ॥ रंभोरुगन्भसच्छहजंघाजुयलं पि पंकयमुहीण । कम्मवसयं गरं किं धरेइ णरयम्मि निवडन्तं ? ।। ७७ ।।
इय पंकयदलचलणाओ सयलरुइरंगपत्तसोहाओ। किं होन्ति णरयसरणं भवम्मि नरनाह ! महिलाओ ? ॥ ७८ ।। अवि य--
देहमुहत्थं तम्मसि एसो पुण णेय पुच्छइ कयाइ। होइ विरसावसाणो विडम्बणेकवसिओ णेहो ॥ ७९ ॥ किंच
अइदुलहं मणुयत्तं विसमा कम्माण परिणइ दुरन्ता । लहिऊण विवेयमओ तं कीरउ जं असामण्णं ।। ८० ।। तओ सुणिऊण वियलियगुरुकम्मभारेण उम्मिल्लंतसुहविवेएणं भणियं राइणा-एवं कीरइ त्ति, किंतुअइविसमा पन्वज्जा विसया वियसंतविसतरुसरिच्छा । चित्तवियाराहारं आहारं ता णिरुंभेमो ॥ ८१ ।।
नओ गंतूण आयरियसमी, णिसुणिऊण जिणदेसियं धम्मं, काऊण अदिवसे सव्वाययणेसु अट्ठाहियामहिम, दाऊण अंध-किविणाइयाण महादाणं पडिकन्नो अणसणं ति । ठिओ बावीसई दिवसे पँवद्धमाणसंवेओ अणसणविहिणा । तओ कालं काऊण उप्पण्णो ईसाणे कप्पे सिरिप्पभे विमाणे सत्तपलिओवभाऊ ललियंगयाभिहाणो देवो ति । इयरो वि सुबुद्धी महारायमरणसोगसंवेगावण्ण हियओ सिद्धायरियसमीवे जहुत्तविहारं परिपालियसामायिओ कालं काऊण तत्थेव ईसाणे कप्पे समहियदोसागरोवमाऊ इंदसामाणियत्तणेण समुबवण्णो त्ति । ललिय गयस्स भवियव्ययाणिओएणं सयंपभा णाम महादेवी ठितीखएणं चुया। तथो सो दइयासोयमोहियमई परिचत्तणिययवावारो गुरुसोयसागरावगाढो परिदेवमाणो तेण पुव्वभवमंतिणा इंदसामाणियदेवेणमागंतूर्ण भणिओ जहा-भो महासत्त ! किमेवं महिलथचिंतापिसाइयाए अप्पा आयासिज्जइ ? । तओ तमायण्णिऊण भणियं ललियंगएण-"मित्त ! सुणमु, सयलसंसारसुहाण कारणं महिलाओ, अवि य--
दोगचं पि ण णज्जइ विहवे लीलाण कारणमणग्छ । सयलसुहाण णिहाणं पुण्णेहि जणो जणं लहइ ॥ ८२ ।। अण्णोष्णकज वइयरदूसहसंतावतावियं हिययं । णिव्वाइ णवर दइयासहर(रि?)समवलोयणजलेण ॥ ८३ ।। के व विलासा भुवणम्मि तस्स हिययस्स निव्वुई कत्तो । जस्स ण समसुहसुहिया पिया य घरिणी घरे वसइ ? ॥८४॥
१ इय जे । २ कया वि सू । ३ वट्ठ जे । ४ 'जलाह जे । ५ वे, सुणि सू । ६ ण माहादाणं सू । ७ पवड्ढमाण जे। - महा सामंत ! कि सू। ९ जणं जणोजे । १० वि सू । ११ 'सुहया सू ।
Jain Education International
For Private & Personal Use Only
www.jainelibrary.org
| SR No. | 001442 |
| Book Title | Chaupannamahapurischariyam |
| Original Sutra Author | Shilankacharya |
| Author | Amrutlal Bhojak, Dalsukh Malvania, Vasudev S Agarwal |
| Publisher | Prakrit Text Society Ahmedabad |
| Publication Year | 2006 |
| Total Pages | 464 |
| Language | Prakrit, English, Hindi |
| Classification | Book_Devnagari, Literature, & Story |
| File Size | 14 MB |