________________
विईओ संधि
[१०] कुमारेण सउरीपुरी-सामिएणं मउम्मत्त-मायंगिणी-भामिएण वला बंदिओ देव-देवो जिणिदो अणिंदो सुरिंदो य वंदाहिवंदो तिलोयग्ग-गामो तिलोयस्सवणाहो अराओ अकामो अडाहो अवाहो सुहं केवलं केवलं जस्स गाणं महादेव-देवत्तणं च पहाणं ४ असोय-हमो जस्स दिण्णोवसोहो पहा-मंडलं दुंदुही चामरोहो मइंदासणं आमरी पुप्फवासा ति-सेयायवत्ताई दिव्वा य भासा ण चिंधेहिं एएहिं तं देव-देवो णराणं वि दोसति कोवाबलेवो तुमम्मि पसण्णम्मि मा होंतु ताणं ण चिधाई एयाई सव्वामराणं ८ .
घत्ता वंदेवि परम-जिणिंदु स-फलत्तउ गउ वसुएउ घरु । णं स-करेणु करेणु पइसरइ मणोहरु कमल-सरु ॥
[११] तहिं काले कुमार-कएण वाल ण पवंधइ णिय-सिरे कुसुम-माल ण पसाहइ अंगु पसाहणेण णं दीविय विरह-हुवासणेण जरु डाहु अरोचकु खासु सोसु। पासेउ खेउ पसरइ अ-तोसु संतावइ चंदण-लेउ चंदु मलयोणिलु दाहिणु सुरहि मंदु ४ परिपेसिय दुई जाहि माए लग्गेज्जहि सुहयहो तणए पाए चुच्चइ अणंग-रूवाणुकारि परिणिज्जउ विज्जाहर-कुमारि णीलंजस-णामें पइ-मि दिट्ठ मायगिणि-वेसे पुरे पइट्ट ण समिच्छइ जइ तो तं करेहि णिय-विज्जा-पाणे हरेवि एहि ८
घत्ता जाएवि दूयडियाए सामिणि-केरउ आएसु किउं । सुहु सुत्तउ-जि कुमार वेयट्ठ-महीहरु णवर णिउ ॥९
Jain Education International
For Private & Personal Use Only
www.jainelibrary.org
