Page Text
________________
285
इग्गहंसि उ अभिक्खणं २ अणुग्गहणसीले अदिन्नं गिहिना, निग्गंथे उग्गहंसि उग्गहियंसि अभिक्खणं २ उग्गहणसीलपत्ति चउत्था भावणा । अहाबरा पंचमा भावणा-अणुवीइ मिउग्गहजाई से निग्गंथे साहम्मिएसु, नो अणणुवीई मिउग्गहजाई, केवली यूया-अणणुवीइ मिउग्गहजाई से निग्गंथे साहम्मिएसु अदिन्नं उगिहिज्जा अणुवाइमिडग्गहजाई से निग्गंथे साहम्मिगसु नो अणणुवीइमिउग्गहजाती इइ पंचमा भावणा, एतावया तच्चे मव्वए सम्म० जाव आणाए आराहए. यावि भवइ, तचं भंते ! महब्बयं ॥ अहावरं चउत्थं महव्वयं पक्खामि सव्वं मेहुणं, से दिव्वं वा माणुस्सं वा तिरिक्खजोणियं वा नेव सयं मेहुणं गच्छेना तं चेवं अदिनादाणवत्तव्वया भाणियव्वा जाव वोसिरामि, तस्सिमाओ पंच भावणाओ भवंति, तत्थिमा पढमा भावणा-नो निग्गंथे अभिक्खणं २ इत्थीणं कहं कहित्तए सिया, केवली बूया-निग्गंथे णं अभिक्खणं २ इत्थीणं कहं कहेमाणे संतिभेया संतिविभंगा संतिकेवलीपन्नत्ताओ धम्माओ भंसिज्जा, नो निग्गंथे णं अभिक्खणं २ इत्थीणं कहं कहित्तए सियत्ति पढमा भावणा १ । अहावरा दुच्चा भावणा-नो निग्गंथे इत्थीणं मणोहराई २ इंदियाई आलोइत्तए निज्झाइत्तए सिया, केबली चूया-निग्गंथे णं इत्थीणं मणोहराई २ इंदियाई आलोएमाणे निज्झाएमाणे संतिभेया संतिविभंगा जाव धम्माओ भंसिजा, नो निग्गंथे इत्थीणं मणोहराई २ इंदियाई आलोइत्तए निज्झाइत्तए सियत्ति दुचा भावणा २ । अहावरा तच्चा भावणा-नो निग्गथे इत्यीण पुवरयाई पुव्वकीलियाई सुमरित्तए सिया, केवली बूयानिगंथे णं इत्थीणं पुवरयाई पुवकीलियाई सरमाणे संतिभेया जाव भंसिजा, नो निग्गंथे इत्थीगं पुवरयाई एव्वकीलियाई सरित्तए सियत्ति तच्चा भावणा ३ । अहावरा चउत्था भावणा-नाइमत्तपाणभोयणभोई से निग्गंथे न पणीयर
मा. सू. ७२
श्रीआचाराङ्गवृत्तिः (शी०)
श्रुतस्क०२ चूलिका ३ भावनाध्य.
॥४२७॥
॥४२७॥
सभोयणभोई से निग्गंथे, केवली वूया-अइमत्तपाणभोयणभोई से निग्गथे पणियरसभोयणभोई संतिभेया जाव भंसिजा. नाइमत्तपाणभोयणभोई से निग्गंथे नो पणीयरसभोयणभोइत्ति चउत्था भावणा ४ । अहावरा पंचमा भावणा-नो निगथे इत्थीपसुपंडगसंसत्ताई सयणासणाई सेवित्तए सिया, केवली बूया-निग्गंथे णं इत्थीपसुपंडगसंसत्ताई सयणासणाई सेवेमाणे संतिभेया जाव भंसिजा, नो निग्गंथे इत्थीपसुपंडगसंसत्ताई सयणासणाई सेवित्तए सियत्ति पंचमा भावणा . एतावया चउत्थे महब्वए सम्म कारण फासेइ जाव आराहिए यावि भवइ, चउत्थं भंते! महब्वयं ॥ अहावरं पंचम भंते ! महब्वयं सव्वं परिग्गहं पञ्चक्खामि से अप्पं वा बहुं वा अणुं वा धूलं वा चित्तमंतमचित्तं वा नेव सयं परिग्गहं गिहिज्जा नेवन्नेहिं परिग्गहं गिहाविजा अन्नंपि परग्गहं गिण्हतं न समणुजाणिज्जा जाव वोसिरामि, तस्सिमाओ पंच भावणाओ भवंति, तत्थिमा पढमा भावणा-सोयओ णं जीवे [मणुन्ना]मणुनाई सद्दाई सुणेइ मणुनामणुनहिं सहेहि नो सजिजा नो रजिज्जा नो गिझेजा नो मुज्झि(च्छे)जा नो अज्झोववजिजा नो विणिघायमावज्जेजा, केवली बूया-निग्गथे णं मणुनामणुन्नेहिं सद्देहिं सज्जमाणे रजमाणे जाव विणिघायमावजमाणे संतिभेया संतिविभंगा संतिकेवलिपन्नत्ताओ धम्माओ भंसिज्जा, न सका न सोउ सहा, सोतविसयमागया । रागदोसा उ जे तत्थ, ते भिक्खू परिवजए ॥१॥सोयओ जीवे मणुनामणुनाई सद्दाई सुणेइ पढमा भावणा १ । अहावरा दुच्चा भावणा-चक्खूओ जीवो मणुनामणुन्नाई रूवाई पासइ मणुनामणुन्नेहिं रूवेहिं सज्जमाणे जाव विणिघायमावजमाणे संतिभेया जाव भंसिजा, न सका रूवमद्दव, चक्खुविसयमागय । रागदोसा उ जे तत्थ, ते भिक्खू परिवजए ॥ १ ॥ चक्खूओ जीवो मणुमा २ रूवाई पासइ, दुधा भावणा । अहावरा तथा भावणा-याणो जीवे मणुन्ना २ इं गंधाई अग्घायइ मणुन्नामणुनेहिं गंधेहिं नो सजिजा नो रजिजा जाव नो विणिघायमावजिज्जा केवली बूया-मणुनामणुन्नेहिं गंधेहिं सज्जमाणे जाव विणिघायमावजमाणे संतिभेया जाव भंसिजा, न सका गंधमग्घाउं, नासाविसयमागयं । रागदोसा उ जे तत्थ, ते भिक्खू परिवजए ॥१॥ घाणो जीवो मणुन्ना २ ई गंधाई अग्घायइत्ति तच्चा भावणा ३ । अहावरा चउत्था भावणा-जिन्भाओ जीवो मणुना २ई रसाई अस्साएइ, मणुनामणुन्नेहिं रसेहिं नो सन्निजा जाव नो विणिघायमावजिजा, केवली बूया-निग्गंथे णं मणुनामणुन्नेहिं रसेहिं सज्जमाणे जाव विणिघायमावजमाणे संतिभेया जाव भंसिज्जा,-न सक्का रसमस्साउं, जीहाविसयमागयं । रागदोसा उ जे तत्थ, ते भिक्खू परिवजए ॥ १॥ जीहाओ जीवो मणुन्नारई रसाई अस्साएइत्ति चउत्था भावणा ४ । अहावरा पंचमा भावणा-फासओ जीवो मणुना २ ई फासाई पडिसेवेएइ मणुनामणुन्नेहि फासेहिं नो सजिजा जाव नो विणिघायमावजिजा, केवली बूया-निग्गंधे णं मणुनामणुन्नेहिं फासेहिं सज्जमाणे जाव विणिघायमावजमाणे संतिभेया संतिविभंगा संतिकेवलीपन्नत्ताओ धम्माओ भंसिज्जा,-न सका फासमवेएउं, फासविसयमागयं । रागहोसा० ॥ १॥ फासओ जीवो मणुन्ना २ई फासाई पडिसंवेएति पंचमा भावणा ५। एतावता पंचमे महन्वते सम्म अवट्ठिए आणाए आराहिए यावि भवइ, पंचमं भंते ! महब्वयं । इश्चेएहिं पंचमहव्वएहिं पणवीसाहि य भावणाहिं संपन्ने अणगारे अहासुयं अहाकापं अहामग्गं
सम्म काएण फासित्ता पालित्ता तीरित्ता किट्टित्ता आणाए आराहित्ता यावि भवइ ।। (सू०१७९) भावनाऽध्ययनम् ॥२-३॥ 'इरिया समिए' इत्यादि, ईरणं गमनमीर्या तस्यां समितो-दत्तावधानः पुरतो युगमात्रभूभागन्यस्तदृष्टिगामीत्यर्थः,
Jain Education Interational
For Private & Personal Use Only
www.jainelibrary.org
| SR No. | 001423 |
| Book Title | Acharangasutram Sutrakrutangsutram Cha |
| Original Sutra Author | N/A |
| Author | Sagaranandsuri, Anandsagarsuri, Jambuvijay |
| Publisher | Motilal Banarasidas |
| Publication Year | 1978 |
| Total Pages | 764 |
| Language | Prakrit, Sanskrit |
| Classification | Book_Devnagari, Agam, Canon, Conduct, agam_acharang, & agam_sutrakritang |
| File Size | 26 MB |