Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 85

सटीक मूलशुद्धिप्रकरणम् य अन्नेहिं वि दरिसणेहिं सुकरेण चेवाणुट्ठाणेणं मोक्खो, ता भगवं पि तहा चेव जइ उवइसंतो ता किमेत्थासोहणं हुँतं ?' । एवं' विइगिन्छ कुणंताणं समागओ अहाउयकालो । तओ "वितिगिच्छादोसेण दूसेऊण सम्मत्तं णिबंधिऊणाऽबोहिलाभाइपुव्वयं कम्मं मरेऊण उप्पण्णा वंतरसुरेसु । सेट्ठी वि कालं काऊण गओ सोहम्मे ।
तत्तो य चविऊण उप्पण्णो सोहंजणीए णगरीए सिरिदेवस्स सिट्ठिणो जसोहराए भारियाए कुच्छिसि पुत्तत्ताए । जाओ य कालक्कमेणं । कयं से णामं सीहो त्ति । कलाकलाबाईहि य परं पगरिसं उव्वहंतो पत्तो जोव्यणं । परिणाविओ य समाणकुल-सील-रूव-जोव्वण-लावण्णसंपण्णं रूविणी णाम कण्णयं । तीए य सह विसेसेण सयलिंदियाणंदमणहरं दोगुंदुगदेवं व्य विसयसुहमणुहवंतो गमेइ कालं । अन्नया य सो पाउससिरिसोहासमुदयावलोयणत्थं समारूढो पासायसिहरं । सा वि य रूविणी तयणुमग्गेण चेव समारुहंती अंतरीले चेव चड त्ति विजए णिवडिऊण पंचत्तं उवणीया । जाओ य हाहारवो। तओ सो सीहो तं तारिस दट्टण विलविउमाढत्तो । अवि य___ हा हा पिये! सुरुवे ! मह हिययाणंददायगे! सुहगे! । सारयपव्वणिससिसमवयणे! कंदोट्टदलणयणे ! ॥१७ मिउ-सहिण-कसिण-कुंचिय-दीहर-सुसिणिद्धकुंतलकलावे! । कत्थ गया मं मोत्तुं दुहियमणाहं गुणणिहाणे ! ॥१८
एत्थंतरम्मि णिव्वत्तियं सयणेहिं सयलं मयगकिच्चं । तयवसाणे य जाव सो सोगोइण्णो चिट्ठइ ताव ओयरिओ णहयलाओ एगो चारणरिसी। तं च दट्टण अव्भुट्ठिओ णेण। दिण्णमासणं । उवविठ्ठो य भगवं। पत्थुया धम्मदेसणाछलेण तस्साणुसट्ठी जहा-असारो एस संसारो जओ वियरइ सच्छंदप्पयारं इत्थ मञ्चू । भणियं च
हंदि ! जराधणुहत्थो वाहिसयविइण्णसायगो एइ । माणुसमिगतहवहं विहाणवाहो करेमाणो ॥ ४२ ॥ ण गणेइ पच्चवायं ण य पडियारं चिराणुवत्तिं वा । सच्छंदं हणइ जिए मञ्चू सीहो व्व हरिणउले ॥ ४३ ॥ बहुरोगफडाभासुरवसणविसाणुगयदीहौढस्स । कत्थ गओ वा चुका कयंतकण्हाऽहिपोयस्स ? ॥४४॥ न वि जुद्धं न पलायं कयंतहत्थिम्मि अग्घइ भयं वा । ण य से दीसइ हत्थो गेण्हइ य घणं अमोक्खाए ॥ ४५ ॥ जह वा लुणाइ“ सस्साइँ कासगो परिणयाइँ कालेण ।
इय भूयाइँ कयंतो लुणाइ जाया जायाइं ॥ ४६॥ ता मा कुणसु विसायं सुंदर ! एसा अणिच्चया सरिसा । मैं हु मचुदाढलीढं इंदो वि पहू णियत्तेउं ॥ १९
किंचसंपत्थियाण परलोगमेगसत्थेण सत्थियाणं व । जइ णाम कोइ पुरओ वच्चइ तो किं थ सोएण ? ॥२० कीरइ य णाम सोगो मओ य जइ तेण वल्लहो एइ। मरमाणो य धरिजइ, अह ण, तओ किं थ सोगेण ? ॥२१ इय उज्झिऊण सोगं सुंदर ! धम्मम्मि उजमं कुणसु । जेण इमं दुहपउरं लंघसि संसारकंतारं ॥ २२
10 D°वं च वि०। 20 D विहागंछा। 3A B°ऊणोप्पण्णो। 4 A B साहंजणीए। 50 पणवण(ग्ण)संप। 60 D °देवो व। 7AB °मुदाया। 8A B °णी चेव तयणुमग्गेण समा। 9 c D °रा चेव । 10 A B तयाव। 11 C D गाउण्णो। 120 व य ओं। 13 A B दाणस्स। 14 C D °इ सासाई कासवो। 15 C D न हि ।