Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 86

पृथ्वीसार-कीर्तिदेवकथानकम् संपेसिओ य अहयं सुगहियणामेण धम्मघोसेण । तुह वयदाणणिमित्तं केवलणाणेण णाऊण ॥ २३ । ता मा कुणसु विलंब, गेण्हसु मुणिसेवियं इमं दिक्खं । सयलदुहाचलचयचूरणग्मि बलसूयणऽत्थं व ॥ २४
इमं च सोऊण संजायचरणपरिणामेण मोयावेऊण जणणि-जणए गहिया तस्स अंतिए दिक्खा । गओ य तेण सह गुरुसमीवे । गहिया य तेण सिक्खा । जाओ य गीयत्थो । णिवेसिओ य गुरुणा णिययपए । सुक्कझाणाणलेण य डेहेऊण घणघायकम्मेंधणं उपाडियं केवलणाणं । विहरंतो य पत्तो इत्थ सो य अहयं ति । ते य दो वि वीरचंद-सूरचंदा वंतरेहिंतो चइऊणोप्पण्णा इत्थेव सिरिउरणयरे ।
जाव इत्तियं जंपइ भगवं ताव मुच्छावसेण दो वि कुमारया पडिया धरणिवठे। तओ सित्ता चंदणजलेण, वीइया वत्थंचलाइणा, खणंतरेण य जाया सत्था। पुच्छिया य राइणा 'वैच्छा! किमेयं ?' ति । कुमारएहिं भणियं 'ताय ! अइदुरंतं महामोहविलसियं, जओ अम्हाण पडिबोहणत्थं अम्ह चेव संतियं भगवया इमं चरियमाइक्खियं, पञ्चक्खीभूयं च सव्वमम्हाणं जाइस्सरणाओ।
अहह परलोयचिंतियदुक्कडकम्मस्स इत्तिओ जाओ। विरसो अम्ह विवागो चिंतिज्जतो वि दुव्विसहो ॥२५ अहवा अम्ह सरिच्छो पाविट्ठो' एत्थ णत्थि को वि जिओ। सव्वण्णुणो वि वयणे जेहिं विगिच्छा कया एवं ॥२६ अह भणइ कित्तिदेवो 'महमोहविभोहिएण ताय! मए । विदुगुंछाए अप्पा कह खेत्तो दुक्खमज्झम्मि?॥२७ णिस्संग-णिम्ममाणं णिरहंकाराण गुणसमिद्धाणं । विदुगुंछाए अहवा कित्तियमेयं फलं ताय!? ॥ २८ जम्हा विदुगुंछाए बहुविहदुक्खाणि घोररूवाणि । अणुहवमाणा जीवा भमंति संसारकंतारे ॥ २९
ता संपाडेसामो संपयं भयवओ तुम्हाणं च जमभिमयं' ति । राइणा भणियं 'जाय ! धम्मपडिवत्तिकरणमेव अम्हाणमभिमयं' । तओ वंदिऊण भयवंतं विण्णत्तं तेहिं 'भगवं! आइससु संपयं जमम्हेहिं कायव्वं'। भगवया वि तज्जोगयं" णाऊण उवइट्ठो तेसिं सावगधम्मो । पडिवण्णो य तेहिं भावसारं । एत्थंतरम्मि य करकमलमउलं उत्तमंगे काऊण विण्णत्तं णरणाहेण 'भयवं ! जाव कुमारे रज्जे अहिसिंचामि ताव तुब्भं पायमूले सव्वसंगपरिच्चारण सफलीकरेस्सामि करिकणसरिसं मणुयत्तणं' । भगवया भणियं 'देवाणुप्पिया ! मा पडिबंध करेज्जासि' । तओ 'इच्छं' ति भणिऊण गओ णरवई णियगेहे । आपुच्छेऊण मंति-सामंताइणो तयणुमएण य कओ पुहइसारस्स रज्जाभिसेओ, कित्तिदेवस्स य* भगवओ पहावेण धम्मसामत्थेण य अवगयरोगस्स जुवरज्जाभिसेओ । अण्णं पि सव्वं रजसुत्थं काऊण महाविभूईए निक्खंतो" राया । पालिऊण य अहाउयं जाव णिकलंकं सामण्णं अंतगडकेवली होऊण गओ सव्वदुक्खविमोक्खं मोक्खं ति।
__ इयरे वि जाया पयंडसासणा महारायाणो । तओ तिवग्गसंपायणपराणं रजसुहमणुहवंताणं वच्चए कालो। अन्नया य राईए चरमजामेसु दक्खजागरियं जागरमाणाणं जाया चिंता जहा 'जम्मंतरकयविगिंछाकम्मविवागं दट्टण वि हा ! कहमियाणिं अणेगावायकारए दुग्गइगमणपउणमग्गे आयास-किलेसावासे पमायपरममित्ते असुहज्झवसाणणिबंधणे रज्जे गिद्धिं काऊण ठिया एत्तियं कालं ?, ता संपयं पि भयवओ पायमूले गहेऊण दिक्खं करेमो संजमाणुट्ठाणे उज्जमं' । एयावसरम्मि य ताण परिपागसमयं णाऊण समवसरिओ भगवं संजमसिंहसूरी। तप्पउत्तिवियाणयमुहाओ य णाऊण भगवओ समागमणं हरिसभरणिब्भरा गया भगवओ वंदणत्यं । वंदेऊण य भावसारं उवविठ्ठा तदंतिए । निसुओ य धम्मो । तओ गुरुणो णिययाभिप्पायं णिवेइऊण पविट्ठा
1 D दहिऊण घणघाइकम्मिध। 20 D अहं ति। 3 C D चविऊ। 4 C D वच्छ !। 50 D इयं । 60 परिचिंतियस्स वि, दुक्क। 7 C D°ट्ठो नत्थि एत्थ। 80 दुहसमुइम्मि। 9A B मेत्तं । 10 C D यं आव जाइ ! ध। 11 C D यं गई नाऊण। 12 C D पणचंचलं माणुसत्तणं । 13 C D गेहं, आपुच्छिऊण य मंति। 14 C D वि। 15 C D तो। पालि। 16 A B °क्खं ति। 17 C D परं । 18 0 D अ। 19 0 D°मसूरी।