Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 64

शिखरसेनकथानकम् एत्तो परं तु विइयं तुम्हाणं' जाव जंपई एवं । तावाणुमग्गलग्गो पत्तो सिरिकित्तिवम्मणिवो ॥ १९६ तं णाऊणं सव्वे अम्मोगइयाएँ निग्गया झत्ति । महया विच्छड्डेणं पविसेइ णिवो तहिं नगरे ॥ १९७ आणंदमुव्वहंतो जा चिट्ठइ तत्थ कईवइदिणाणि । ता पत्थावं णाउं विमलक्खेणं इमो भणिओ ॥ १९८ 'अब्भागयस्स तुझं कुमरकरणं मए इमा दिण्णा । धूया गुणसंपन्ना णामेणं चंदवम्म' त्ति ॥ १९९ तेण वि पडिच्छिया सा, तत्तो सोहणदिणे विभूईए । वत्तं पाणिग्गहणं कन्नाए सह कुमारस्स ॥ २०० उचिओवगारउव्वं विसजिया तेण दो वि रायाणो । णियणगरेसुं पत्ता भुंजंति जहिच्छिए भोए ॥ २०१ अह अन्नया कयाई मुणिवइदेविंदपायमूलम्मि । निक्खमइ कित्तिवम्मो रजं दाऊण कुमरस्स ॥ २०२ चरिऊण तवमुयारं, अट्ठ वि कम्माणि निद्दलेऊण । 'संपत्तविमलणाणो पत्तो सो सासयं ठाणं ॥ २०३ इयरो वि विजयवम्मो साहेत्ता मंडलंतरे बहुए । अणुहवइ भोगलच्छि तीए सह चंदवम्माए ॥ २०४ जम्मंतरनिव्वत्तियसिणेहसंबंधबद्धरागाए । तीऍ समं अच्छंतो गयं पि कालं ण याणेइ ॥ २०५ अह अन्नया कयाई अत्थाणे संठियस्स णरवइणो । सा चंदवम्मदेवी इत्थीरयणं ति काऊण ॥ २०६ मंतविहाणणिमित्तं हरिया केणावि मंतसिद्धेण । अंतेउरमज्झगया णिवचित्तमयाणमाणेण ॥ २०७ कहिओ य तस्स एसो वुत्तंतो कह वि विजयदेवीए । सोऊण य मोहाओ गओ य राया महामोहं ॥ २०८ परिवीजिऊण तत्तो चंदणरससित्ततालियंटेहिं । पडिबोहिओ य दुक्खं से चिरेणं वारविलयाहिं ॥ २०९ गहिओ य महादुक्खेण सो जहा तीरए ण कहिउं पि । तह दुक्खत्तस्स य से बोलीणा तिन्नऽहोरत्ता ॥ २१० नवरं चउत्थदियहे समागओ तिव्वतवपरिक्खीणो । भूइपसाहियगत्तो जडाधरो मंतसिद्धो त्ति ॥ २११ भणियं च तेण 'णरवइ ! कजेण विणाऽऽउलो तुमं कीस ?। मंतविहाणणिमित्तं णणु जाया तुह मए णीया ॥२१२ कप्पो य तत्थ एसो जेण तुमं जाइओ ण तं पढमं । न य तीऍ सीलमेओ जायइ, देहस्स पीडा वा ॥ २१३ ता मा संतप्प दढं छम्मासा आरओ तुमं तीए। जुजिहिसि णियमओ च्चिय' भणिऊणादसणो जाओ॥२१४ राया वि गओ मोहं, तहेव आसासिओ परियणेणं । हा! देवि ! दीहविरहे ! कत्थ तुम ? देहि पडिवयणं २१५ मोहवसगाण जे जे आलावा होति तम्मि कालम्मि । परिचत्तरजकज्जो चिट्ठइ सो तेहिं विलवंतो ॥२१६ दगुण भवणवावीरयाइँ विलसंतहंसमिहुणाई । परियणपीडाजणगं बहुसो मोहावयइ मोहं ॥ २१७ किं बहुणा ? णरयसमं तस्स तया दुक्खमणुहवंतस्स । बोलीणा पलिओवमतुलिया मासा कह वि पंच ॥२१८ कइवयदिणेहिँ मुक्को नवरं अणिमित्तमेव दुक्खेण । परियणजणियाणंदो जाओ य महापमोओ से ॥२१९ जाया य तस्स चिंता 'अण्णो च्चिय णूणमंतरप्पा मे। जाओ पसन्नचित्तो ती पुण किं कारणं एत्थ ? ॥२२० इत्यंतरम्मि सहसा सिढे वियसंतलोयणजुगेणं । वद्धावरण तस्स 3 'समागओ देव ! तित्थयरो' ॥२२१ सोऊण इमं वयणं, हरिसवसपयट्टेबहलपुलगेणं । वद्धावयस्स रहसा दाऊण जहोचियं दाणं ॥ २२२ गंतूण भूमिभागं थेवं पुरओ जिणस्स काऊण । तत्थेव नमोक्कार, परियरिओ रायविंदेहिं ॥ २२३ दाऊण य आणत्तिं 'करेह करि-तुरग-जुग्ग-जाणाई । सयराहं सज्जाई वच्चामो जिणवरं नमिउं ।। २२४ भूसेह य अप्पाणं वत्था-ऽऽभरणेहिँ परमरम्मेहिं । सयमवि य जिणसगासं संजाओ अह गमणसज्जो ॥२२५ भुवणगुरुणो य ताव य निम्मवियं तियसनाहभणिएहिं । देवेहि समोसरणं तिहुयणलच्छीइ गेहं व ॥ २२६ अइअच्चन्भुयभूयं तिलोगनाहत्तसूयगं तुंगं । जिणपुनकुरुडं पिव पुरी' पुव्वुत्तरदिसाए ॥ २२७ तं तस्स समोसरणं सिटुं तत्तो समागएणेव । कल्लाणएण अवरं देवी तत्थेव दिट्ठ त्ति ।। २२८
1 C D पविसरइ निवो। 2 C D °इवयदि। 30 D इम। 4 C D °रे संपत्ता। 50 D रज कुमरस्स दाऊण। 60D कम्माई। 7A B संपण्णवि। 80D सवेविरं वार। 90 D°हिँ नवरं मक्को अणि । 1000 तो किं पुण का। 11 C D उ जहाऽऽगओ। 120 D°दृपयडपु। 13 0 D परिगहिओ।