Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 63

सटीक मूलशुद्धिप्रकरणम् अब्भागयस्स मज्झं अच्चब्भुयविरियसत्तिजुत्तस्स । अचाहियं भविस्सइ मा तस्स महाणुभावस्स' ॥ १६९ इय भणिउं विमलक्खो राया आरुहइ रहवरं जइणं । चउरंगबलसमेओ खणेण पत्तो समरधरणिं ॥ १७० एत्थंतरम्मि जे ते दढविरियनिरूविया कुमारस्स । तलवग्गपवरसुहडा भग्गा परसेण्णपहरहया ॥ १७१ ते दट्टणं भग्गे विमलक्खणरिंदसंतियं सेण्णं । हक्कंतं वग्गंतं अभिट्ट इयरसेण्णम्मि ॥ १७२। दप्पुडुराण ताणं दोण्ह वि सेण्णाण विजयलुद्धाणं । सामिकजोज्जयाणं संजाओ घोरसंगामो ॥ १७३ अवि यपडहिं खुरप्पछिन्न धयचिंधयं, नच्चहिँ वग्गिरविविहकबंधयं । रडहिँ गइंद भिन्नकुंभत्थल, निवडहिँ छिन्नकरग्गह हत्थल ॥ १७४ अच्चिउ सिरकमलिहिं धरणीयलु, रुहिरपवाहहि हूएकज्जलु । निहयारोह तुरंगम हिंसहिं, कायर भयउकंपिर णासहि ॥ १७५ वायसगिद्धिहिँ अंबरु छाइउ, पेच्छइसुरहँ चमक्कउ लाइउ । आमिसलुद्धसिबहु फिक्कारहिं, चुणिज्जइँ रह मुग्गरघायहिं ॥ १७६ सत्त(त्थ)खणक्खणरविण सुरंगण, अवरुंडहिँ नियपइ भीयम्मण । तो विमलक्खह सेन्निण भग्गउ, इयरसेण्णु णासेवइ लग्गउ ॥ १७७ भजतं दट्टणं णियसेण्णं तक्खणेण अह राया । सूररहो मेहो इव वरिसइ सरनियरधाराहि ॥ १७८ तं दट्टणं कुमरो सीहकिसोरो व्व तस्स आवडिओ । ताणं च तओ जुद्धं संजायं देवभयजणगं ॥ १७९ बहुविहकरणेहि तओ नियसिक्खं दाविऊण कुमरेणं । लहुहत्थयाएँ बद्धो वसीकओ सूररहराया ॥ १८० मुत्तण कुसुमवरिसं कुमरोवरि तो भणेत्तु जयसदं । पेक्खयदेवा पत्ता विम्हइया णिययठाणेसु ॥ १८१ इत्थंतरम्मि परियाणिऊण कुमरं पयंपई बंदी । रोमंचंचियदेहो कलकोइलकोमलगिराहिं ॥ १८२ 'जयउ कुमारो णिजियपडिवक्खो रूवतुलियरइणाहो। सिरिकित्तिवम्मउत्तोणामेणं विजयवम्मोत्ति ॥ १८३ को वण्णिउं समत्थो गुणणियरं तुज्झ कुमर ! गुणणिलय !। जो ण वि सहस्सजीहो असंखवासाउओ णेय' ॥१८४ सोऊणेयं राया हरिसेण ण माइ णिययदेहम्मि। किल मह मित्तस्स सुओ एसो सो विजयवम्मो त्ति ॥१८५ रहसेणाऽऽलिंगे आइसिय पडिट्ठपुरिसवणकम्मं । छोडियसूररहेणं कुमरेण य सह उरं पत्तो ॥ १८६ वद्धावणगमहूसवमाइसइ णिवो समत्थणयरम्म । कुमरसमागमतुट्टो आणंदजलाविलऽच्छिजुगो ॥ १८७ पत्थावेण य पुट्ठो सूररहो किमिह तुज्झ कुमरेणं । सह संजायं वेरं?' सो भणइ ‘णरीसर! सुणेहि ॥१८८ जो एसो चउदसणो वरपीलू चंदसेहरो णाम । सो गुरुसमरं काउं अम्ह हढो कित्तिवम्मेणं ॥ १८९ तं वेरं सरिऊणं बलदरिसणणिग्गएण दट्टण । एगागि कुंभिजुयं कुमरं तो एयमायरियं' ॥ १९० पुट्ठो तओ कुमारो ‘एगागी वच्छ ! कह तुम जाओ' ।सो भणइ ‘ताय ! निसुणसु मम वयणं अवहिओ होउं ।।१९१ नियगेहे अच्छंतो अहयं कीलामि विविहकीलाहिं । हय-रह-करिमाई वि य वाहेमि निरंतरं मुइओ ॥ १९२ अन्नदिणे आरूढो कलावमापूरिऊण इत्थ गए । वुट्ठोदगगंधेण य अबसीभूओ इमो झत्ति ॥ १९३ हत्थिरयणं ति काउं करुणाए णेय घाइओ एसो । एयस्स य लोभेणं करणं दाऊण उत्तिण्णो ॥ १९४ मणपवणजइणवेगो पत्तो य इमो कमेण आतो । नयरबहिसंठियस्स 3 दिट्ठिपहं सूररहरण्णो । १९५
1 C D °सत्तजु°। 20 D °वग्गियवर । 3 C D °चिंधई। 4 C D °बंधई। 5 C D °च्छयसुर। 60D °जहिं रह। 7 A B सडखण। 8 C D इयरु से। 9A B कलकोमलकोइलगिराए। 10 C D मह। 11 A Bब ।