Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 65

सटीक मूलशुद्धिप्रकरणम् तत्तो य संपयट्टो जिणवंदणवत्तियाए सयराहं । सिंगारियमुत्तुंगं, धवलगइंदं समारूढो ॥ २२९ तूररवोप्फुन्नदिसं तुट्ठो नगरीऍ निग्गओ राया । जंपाणजुग्गरहवरगएहिँ तुरगेहि परिगरिओ ॥ २३० थेवमि(१म)ह भूमिभागं तुरियं गंतूण गयवराओं तओ। ओइण्णो तियसकयं दट्टण महासमोसरणं ॥ २३१ हरिसवसपुलइयंगो तत्थ पविट्ठो य परियणसमेओ। दारेण उत्तरेणं दिट्ठो य जिणो जयक्खाओ ॥ २३२ दट्ठण जयपईवं जिणं तओ हरिसपुलगियसरीरो । भूलुलियभालकरकमलसंपुडो थुणियुमाढत्तो ।। २३३ अवि यमयणसरपसरवारण! वारणगइगमण ! मुणियतियलोय । लोयग्गपयपसाहय ! हयमय! मैयसरण ! रणरहिय!२३४
हियनीसेसोवद्दव! दववज्जिय ! जियकसाय ! अयपवर!। वरकर ! करणणिवारय ! रयमलजल! जलण! दुहतरुणो ॥ २३५ तरुणरविप्पह ! पहयंतरारिभडविसर ! सरण! पंणयाण । पंणयाण देसय! सया नमो नमो तुज्झ जिणइंद! ॥ २३६ इंदनमंसिय! सियवायपयडपयडियपयत्थसब्भाव! ।
भावनयस्स महामह ! मह सुक्खं सासयं देसु ॥ २३७ एवं थोऊण जिणं, गणहरमाई वि साहुणो णमिउं । इंदाइणो य कमसो, उर्वविट्ठो निययठाणम्मि ॥२३८ एत्थंतरम्मि भगवं जोयणणीहारिमहुरसद्देणं । संसारजलहिपोयं इय धम्म कहिउमाढत्तो ॥२३९ अवि यदुइंता इंदिया पंच संसाराय सरीरिणं । ते चेवं दमिया सम्मं निव्वाणाय भवंति हि ॥ २४० दुइंतेहिदिएहऽप्पा उप्पहं हीरए बला । दुदंतेहिं तुरंगेहिं सारही वा महाहवे ॥ २४१ इंदिएहिं सुदंतेहिं न संसरइगोयरं । विधेएहिं तुरंगेहिं सारही वा वि संजुगे ॥ २४२ पुव्वं मणं जिणित्ता णं चरे विसयगोयरं । विवेगगयमारूढो सूरो वा गहियाउहो ॥ २४३ जित्ता मणं कसाए य जो सम्मं कुणई तवं । संदिप्पए स सुद्धप्पा अग्गी वा हविसा हुए ॥ २४४ सम्मत्तनिरयं वीरं दंतकोहं "जियंदियं । देवा वि तं णमंसन्ति मोक्खे चेव परायणं ॥ २४५ आणं जिणिंदभणियं सव्वं सव्वण्णुगामिणीं । सम्मं जीवाभिणंदैन्ता मुच्चंती सव्वबंधणा ॥ २४६ वीयमोहस्स दंतस्स धीमओ भासियं जए । जे णरा णाभिणंदंति ते धुवं दुक्खभागिणो ॥२४७ जेऽभिणंदति भावेण जिणाणं तेसि सव्वहा । कल्लाणाई सुहाइं च रिद्धीओ *वि न दुल्लहा ॥ २४८ इय भणिऊणं जाए तुहिक्के तक्खणं जिणवरम्मि । परिसा कयंजलिउडा धणियं संवेगमावण्णा ॥ २४९ धरणिणमिउत्तमंगा 'इच्छामो सासणं'ति जंपंती । उन्नामियमुहकमला पुणो वि निययं गया ठाणं ॥ २५० तत्थ य केइ पवण्णा सम्मत्तं, देसविरइवयमण्णे । अण्णे उ चत्तसंगा जाया समणा समियपावा ॥ २५१ इत्तरम्मि रण्णा दिट्ठा देवी तहिँ समोसरणे । जाया य तस्स चिंता 'हंत ! कुओ इत्थ देवि ?' त्ति ॥ २५२ सरियं च मंतसिद्धस्स तेण तं पुव्यमंतियं वयणं । परािचंतियं च एयं पुच्छामि जिणं ति, किं बहुणा ? ॥२५३ 'किं उण मए कयं परभवम्मि जस्सेरिसो विवागो ? त्ति । भगवं! देवीसंगमजणियं सुहमासि महमउलं ॥२५४ पुल्वि, पच्छा य तओ तीए विरहम्मि दारुणं दुक्खं । अणुभूयमणन्नसमं णारगदुक्खस्स सारिच्छं?' ॥२५५ इय पुच्छिओ जिणिंदो कहिऊणं पुव्ववणियं चरियं । पभणइ 'जं निव! तइया सबरभवे वट्टमाणेण ॥२५६
1A B °गयंदं। 2 जगत्ख्यातः। 3 C D °यतइलो। 4 मृतशरण!। 5A B अइप। 6 प्रणतानाम् । 7 प्रणयानाम्-प्रकृष्टनयानाम् । 80 D उवविट्ठा। 9 C D °व नियमिया। 10 C D धीरं। 11 0 D जिइंदि । 12 A Bणंदित्ता। 130D य।