Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 56

३३
आरामशोभाकथानकम् जिणमंदिरआरामो फल-फुल्लसमाउलो परमरम्मो । अणिमित्तेणं सुक्को, ण य होइ पुणण्णवो कहवि ॥ १५८ एएण कारणेणं अहिंगं चिंताउरो अहं जाओ' । 'मा कुणसु ताय ! खेयं एत्थत्थे' जंपए बाला ॥ १५९ 'जइ ण पुणण्णवमेयं करेमि णियसीलसाहसबसेण । तो ण वि पारेमि अहं आहारं चउपयारं पि' ॥ १६० इय निच्छयं विहेउं वारितस्सावि तस्स सेट्ठिस्स । उवविठ्ठा जिण वणे सासणदेविं मणे काउं ॥ १६१ तो तइयम्मि दिणम्मी रयणीए झत्ति होइ पच्चक्खा । सासणदेवी तीए, जंपइ ‘मा कुणसु तं खेयं ॥ १६२ अजं पभायकाले पुणण्णवो होहिई इमो मलओ । पडणीयवंतरोवद्दवाउ तुह सत्तिओ मुक्को ॥ १६३ इय भणिऊणं देवी सट्ठाणं झत्ति उवगया जाव । ताव विहाया रयणी, तिमिररिऊ उग्गओ सहसा ॥ १६४ कहिया ई रयणिवत्ता सव्वा सेट्टिस्स ताव एसो वि । हरिसुप्फुल्लियणयणो गओ तयं जिणहरारामं ॥१६५ अप्पुव्वपत्त-फल-फुल्लरेहिरं सजलमेहसमवण्णं । तं दणं तुरियं समागओ तीऍ पासम्मि ॥ १६६ पभणइ य 'पुत्ति! पुन्ना मणोरहा मज्झ तुह पभावेणं । ता उट्ट वच्च गेहं पारणयं कुण गुणविसाले ! ॥१६७ इय भणिऊणं सेट्ठी समत्थसिरिसमणसंघसंजुत्तो । तूरणिणाएण तयं णेइ गिहं लोगपञ्चक्खं ॥ १६८ जंपइ य तओ लोगो 'पेच्छह एयाएँ सीलमाहप्पं । तह सुक्को वि खणेणं आरामो कह पुणण्णविओ ! ॥ १६९ ता एसा कयउन्ना धन्ना सहलं च जीवियमिमीए । सन्निज्झं तियसा वि हु जीए एवं पकुव्वंति ॥ १७० अहवा इमो वि धण्णो सेट्ठी णामेण माणिभदो त्ति । चिंतामणि व्व एसा जस्स घरे णिवसए सययं' ॥१७१ एवं सयलजणेणं वण्णिजंती गिहम्मि संपत्ता । पडिलाहिउं चउब्धिहसंघ तो कुणइ पारणयं ॥ १७२ अह अन्नया कयाई रयणीए पच्छिमम्मि जामम्मि । सुत्तविउद्धा चिंतइ सरिऊणं पुचवुत्तंतं ॥ १७३ ते धन्ना इत्थ जए जे सव्वं पयहिऊण विसयसुहं । पवइउं निस्संगा करेंति तवसंजमोजोयं ॥ १७४ 'अहयं तु पुण अधन्ना लुद्धा जा इत्थ विसयसोक्खम्मि। न य पावाएँ तयं पि हु पत्थतीए वि संपड़इ ॥१७५ इत्तियमित्तेण पुणो धन्ना जं पावियं जिणिंदाणं । धम्म अणण्णसरिसं भवन्नवुत्तारणतरंडं ॥ १७६ ता एवं लणं जुत्तं मह सव्वविरइसामण्णं । घेत्तुं जे, किंतु अहं असमत्था तविहाणम्मि ॥ १७७ ता उग्गं तवचरणं करेमि नियंगेहसंठिया अहयं' । इय चिंतिउं पहाए आढवइ तमेव काउं जे" ॥ १७८ जाव तवसुसियदेहा जाया ता कुणइ अणसणं विहिणा । कालं काऊण तओ सोहम्मे सुरवरो जीया ॥ १७९ चइऊण तओ एसा बंभणदुहिया तुमं समुप्पन्ना । विजुप्पह त्ति णामं जाया दुहभायणं किंचि ॥ १८० सेट्टी वि माणिभद्दो देवो होउं तओ चुओ पढमं । पुणरवि मणुओ होउं णागकुमारो इमो जाओ॥१८१ मिच्छत्तमोहियाए पिउगेहठियाएँ किंचि जं विहियं । पावं तस्स विवागो जाओ दुहकारणं पढमं ॥ १८२ जं माणिभद्दगेहट्ठियाएँ विहियं तए सुकयकम्मं । तस्स पभावेणेम अणण्णसरिसं सुहं पत्तं ॥ १८३ जं तइया जिणमंदिरमलओ तुमए पुणण्णवो विहिओ । तं एस देवदिण्णो तए समं भमइ आरामो ॥ १८४ जं तइया जिणभत्ती तुमए विहिया अणण्णसारिच्छा । तं पत्तं रज्जमिणं समत्थसंसारसुहजणगं ॥ १८५ जं छत्तत्तयमउलं दिण्णं तुमए जिणिंदनाहस्स । तं छत्तच्छायाए भद्दे ! परिभमसि निच्चं पि ॥ १८६ जं तइया रच्छाई पूयंगाई बहुप्पगाराई । दिन्नाइं तं तुझं जायाँई भोगअंगाई ॥ १८७ इय जिणभत्तीऍ फलं जायं, देवत्तणम्मि वरसोक्खं । इहयं तु रजसोक्खं, कमसो सिद्धिं पि पाविहसि ॥१८८
1 GD जंपई। 2 0 D°सबलेण। 3 C D °भवणे। 4 0°रिवू। 5 CD य। 6 CD दटूण तुरियतुरियं । 700 पुत्त। 8-11, 'जे' पादपूरणे। 9 C D न समत्था । 10 C D गिहिधम्मसंठिया। 12 A B जाओ। 13 0 0 °वेण इम। 14 A B भमिसि। 15A B °ई अंगभोगाई। 160D इहई।
मू० शु० ५