Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 49

२६
सटीक मूलशुद्धिप्रकरणम्
अभिरं पविट्ठाण ताण सो मंदिरस्स उवरिम्मि । आरामो ठाइ लहुं दिव्वो देवाणुभावेणं ॥ ४१ इय एवं तीइ समं भुंजंतो विसयसोक्खमणवरयं । दोगुंदुगु व्व देवो गयं पि कालं न याणे ॥ ४२
1
ओ ती सवक्किणीए समुप्पन्ना धूया । जाया य जोव्वणत्था । तओ चितियं तीए 'जइ कर्हिचि सा आरामसोभा न भवइ तओ तीए गुणारत्तो मम धूयं पि परिणेइ राया, ता केणइ पओगेण तहा करेमि जहा सा न भवइ' । एवं चिंतिऊण भणिओ तीए भट्टो जहा 'किं न आरामसोभाए जोगं किंपि भत्तु लगाईयं पेसेसि ? । तेण भणियं 'पिए ! किमम्ह भत्तुल्लगेण ? तीसे किं पि ऊणं ?' । तीए भणियं 'सच्चं न किंचि ऊणं परं अम्हाण चित्तनिव्वुई न भवइ' । तओ तीसे आगहं नाऊण भणिया 'जइ एवं ता करेहि किं पि' । तीए वि हरिसुप्फुल्ललोयणाए कया सीहकेसरया मोयगा, संजोइया पभूयसंभारणदव्वेहिं, भाविया महुरगेणं । पक्खित्ता अव्यंगकुडगे भणिओ य तीए भत्ता जहा 'नेहि संयं चेव एए मोयगे, मा अवंतराले अण्णो को वि पच्चवाओ भविस्सइ' । तओ सो माहणो सरलसहावो तीए दुट्टभावमलक्खंतो सयं चेत्र एगागी लंछियं मुद्दियं काऊण तं घडयं सिरे समारोविऊण जाव पयट्टो ताव भणिओ तीए जहा एयं मम भत्तुल्लगं आरामसोहाए चैव समप्पियव्वं भणियव्वा य वच्छा जहा - एयं तर सयं चैव भुत्तव्यं, न अन्नस्स कस्सइ दाइव्वं, मा हं एयस्स विरूवत्तणेण
1
1
1
कुले हसणिज्जा भविस्सामि' | 'एवं होउ' त्ति भणिऊण पयट्टो एसो । तिसंज्ञं च पडियग्गमाणो, मुदं च संत्रातो, सुयणकाले य उस्सीसगमूले ठवयंतो, कमेण पत्तो पाडलिउर्त्तस्स नयरस्स बाहिं । तत्थ य उव्वाउ त्ति पत्तो एगस्स वडरुक्खस्स महयमहालयस्स हेट्टओ । कम्मधम्मसंजोगेण य तत्थ वडरुक्खकयकीलानिवासेण चिंतियं तेण तीए परिचियनागकुमारदेवेण 'हंत ! को एस पहिओ दीहरऽद्धाणलंघण परिस्समनिस्सहंगो सुवइ ता को पुण एसो ?' त्ति चिंतंतेण पसारियं नाणं, तेण य जाणिओ जहा - एसो सो आरामसोहाजणओ त्ति । ती पुण किं कारणं एसो इत्थ पट्टणे पविसिउकामो ?, किं वा एयस्स संबले चिट्ठइ ? एवं च जात्र णिरुवइ ताव पेच्छइ ते विसमोयगे। दट्ठूण य चिंतियमणेण जहा 'अहो से जणणीए दुट्टया !, ता किं मए विज्जमा मिचेवा विवज्जिसइ ?' त्ति परिभाविंतेण अवहडा ते विसमोयगा, पक्खित्ता अन्ने तत्थ अमयमोयगा । खणंतरेण य विबुज्झिऊण सो पविट्ठो नयरमज्झे । पत्तो रायभवणदुवारं । तओ पडिहारमुद्दिसिऊण भणियमणेण 'भद ! निवेहि राइणो जहा - आरामसोहाजणओ दुवारदेसे देवदंसणमणुकखइ' । पडिहारेण वि निवेइयं रण्णो । राइणा भणियं 'लढुं पविसेहि' । तव्त्रयणाणंतरं च पवेसिओ पडिहारेण । तेण वि उवसप्पिऊण 'तँ भूर्भुवः स्वस्ति स्वाहा वषड् इन्द्राय' इत्यादिमन्त्रपठनपूर्वकं समप्पियमुवायणं नरवइपच्चासन्नोवविट्ठाए आरामसोहाए । भणियं च जहा 'देव ! विन्नत्तं वच्छाजणणीए जहा एवं भत्तुल्लगं मए जं वा तं वा मायाहियएण पेसियं, अओ वच्छाए चेत्र समप्पणीयं, किं बहुणा ? जहा हं रायकुले हसणेजा ण भवामि तहा कायव्वं ' । तओ राइणा निरूवियं वयणं देवीर, तीए वि नियदासचेडीए हत्थे दाऊण नीयं सगेहे । आभरण-वत्था - ऽलंकारादाण कओ उवयारो माहणस्स । देवी वि सगिहं गया । उट्ठिए य अत्थाणे गओ राया देविमंदिरं । सुहासोविय विण्णत्तो तीए, अवि य
'देव ! मह कुण पसायं, नियदिट्ठि देह, जेण सो कुडओ । उग्धाडिज्जइ संपइ' इय सोउं जंपर राया ॥ ४३ 'देवि ! कुण मा वियप्पं, इमं पि" अण्णं पि जं तए विहियं । तं अम्हाण पमाणं, उग्घाडहि तो तयं झत्ति' ॥ ४४ तो एसा तं कुडयं उग्घाडइ जाव ताव सहस त्ति । निद्वाइ तओ गंधो जो दुल्हो मच्चलोमि ॥ ४५
1 CD से | 2 A B संपयं । 3AB रे काऊण जाव । 4 A B °यं भत्तु° । 5 A B रायस्स कुले । 60 D तनयरस्स । 7 CD महईम° । 8CD ता किं पुण कार° । 9CD 'हारं समुद्दि° । निय° । 11 OD 'डीहरथे । 12 AB पि एव (वं ) पिजं ।
10AB