Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 47

सटीक मूलशुद्धिप्रकरणम् तओ भणिओ तीए सो सप्पो जहा 'निग्गच्छाहि संपयं जओ गया ते नरिंदा' । नीसरिओ य एसो । तओ तेण तयऽहिट्ठायगनागकुमारदेवेण पञ्चक्खीहोऊण आवरिऊण य तं नागरूवं पयडिऊण सुररूवं भणिया एसा 'वच्छे ? तुट्ठो हं तुझ एएणं अणण्णसरिसेणं परोवयारकरणरसिएणं धीरत्तणचेट्ठिएणं, ता वरेहि वरं जेण तं पयच्छामि' । तओ चलमाणकुंडलाहरणं तियसमवलोइऊण भणियमेईए 'ताय! जइ एवं ता करेहि महच्छायं जेण सुहेण चेव गावीओ चारेमि, अन्नहा बाढं घम्मेण बाहेजामि' । देवेण चिंतियं 'अहो? मुद्धा वराइणी जा मह 'तोसे वि एवं पभणइ, ता करेमि अहं पि एईए उवयारं'ति चिंतिऊण कओ तीए उवरि महारामो । अवि य
नाणाजाइपहाणरुक्खनिलओ सब्बोउदिन्नप्फलो, निचं फुल्लपरागवासियदिसो मत्तालिसदाउलो। सव्वत्तो रविपायरुद्धपसरो चित्ताणुकूलो दढं, आरामो वरवण्ण-गंधकलिओ देवेण से निम्मिओ ॥ १८
भणिया य 'वच्छे ! महप्पभावेण एसो जत्थ जत्थ तुमं वच्चिहिसि तत्थ तत्थ तुज्झोवरिं ट्ठिओ गच्छिस्सइ, गेहाइ गयाए तुह इच्छाए सम्माइऊण तदुवरिं चिट्ठिस्सइ, आवइकाले पओयणे य मं सुमरिजसुत्ति भणिऊण गओ य सुरो । सा वि अमयफलासायणविगयतण्हा-छुहा तत्थेव ठिया जाव संजाया रयणी । तओ गावीओ घेत्तूण गया गेहं । आरामो वि ठिओ घरोवारं । 'भुंजसु'त्ति जणणीए भणियाए 'नस्थि छुह'त्ति उत्तरं दाऊण ठिया । रयणीपच्छिमजामे' य गावीओ घेत्तण गया अरणं । एवं दिणे दिणे कुणंतीए गयाणि कयवि वासराणि ।
अन्नया य अडविट्ठियाए आरामतलसुहपसुत्ताए समागओ तेणंतेणं विजयजत्तापडिनियत्तो पाडलिपुत्तपुराहिवो जियसत्तू णाम राया। दिट्ठो य तेण सो आरामो । भणिओ य मंती 'देसु एत्थेव रम्मारामे आवासं'। तओ मंतिणा वि 'आएसो'त्ति भणिय पहाणसहयारपायवतले दिन्नं राइणो सीहासणं । निविट्ठो तत्थ राया । तओ यबझंति तरुवरेसुं चंचलतुरयाण वरवलच्छीओ । पल्लाण-कवियमाईणि ओलइज्जति साहासु ॥ १९ महखंधदुमेसु तहा गाढं बझंति मत्तकरिनाहा । करभाइवाहणाणि य जहारुहं संठविज्जति ॥ २०
ईओ य खंधावाररवायण्णणेण उठ्ठिया सा बाला । दिट्ठाओ य तीए करिव।इभउत्तट्ठाओ दूरं गयाओ गावीओ । तओ पेच्छंतस्सेव मंतिणो पहाइया सा ताण वालणत्थं । तओ गओ सव्वो वि आरामो तुरंगमाईए घेत्तूण तीए समं । 'किं किमेयं ?' ति संभमुभंतलोयणो उढिओ नरनाहाइलोओ । तओ ''किमेयमिदयालं पिव दीसइ ?' त्ति पुच्छिओ मंती राइणा । मंतिणी भणियं 'देव ! अहमेवं वियक्केमि जहा--इमाओ पएसाओ निदाखयविबुद्धा उट्ठिऊण नियकरयलेहिं चमटती दो वि अच्छीणि उत्तट्ठलोयणा पहाइया एसा बालिया, एईए समं एसो वि पयट्टो आरामो, ता एईए पभावो को वि लक्खिज्जइ, न य एसा देवया अच्छिचमढणाओ संभाविज्जइ, ता सच्चवेमि एयं ति भणमाणेण पहाविऊण को तीए सहो । 'किं भणह? त्ति भणमाणी ठिया सा तत्य सहारामेण । 'इओ एहित्ति सदिया णेण । तीए भणियं 'मम गावीओ दूरं पट्टति।' मंतिणा वि 'अम्हे आणेमो'त्ति भणिऊण पेसिया आसवारा । आणियाओ गावीओ । सा वि समागया रायसमीवं । टिओ तह च्चिय आरामो । तओ रण्णा तीए तमइसयं दद्ण पलोइया सव्वंगं, लक्खिऊण य कुमारिं संजायाणुराएण पलोइयं मंतिवयणं । मंतिणा वि लक्खिऊण राइणो भावं भणिया विजुप्पहा, अवि य
____1A B तोसेण एवं। 2 C D °मि एवं पि, B°मि एईए। 3 तस्याः। 4 C D गओ असुरो। 50 D णीभणि°। 6A Bछुहा' उत्त। 7A B'मे गावी। 8 0 Dकइवयवास। 9 C D तओ। 10 C D तुरगाईए 11 A B किमेवामि। 12 A B °णा उ भणि। 130D तत्थेब स। 14 C D वच्चंति। 15A Bण कुमा।
ran Itep तुरगाईप