Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 46

आरामशोभाकथानकम् इओ य अस्थि तत्थ गामे रिउवेयाइपाढगो अग्गिसम्मो नाम 'बभणो। तस्स जलणसिहा नाम बंभणी । ताणं च विसयसुहमणुहवंताणं जाया एगा दारिया । कयं च से नाम विजुप्पह त्ति । सा य अईवरूवाइगुणगणोवेया, अवि यरूवोहामिय जीऍ सुरंगण, गइ-वयणेहि य वरहंसग्गण। चंदलेह सोमत्तणि नजइ, गोरि नाइ सोहरिंग छज्जइ ॥ ५ दक्ख विणीय गुरूयणभत्ती, इत्थिपसत्यकलागमजुत्ती। सच्चसोयसीलेहिँ अलंकिय, सरलसहाव कया वि अवंकिय ॥
तीसे य जाव अइक्ताणि अट्ठ वरिसाणि ताव य रोग-जराकिलेसदाढाकरालं पविट्ठा मच्चवयणं से जणणी । तओ सा चेव सव्वं गिहवावारं काउमाढत्ता, अवि य--
उद्वित्त पभायम्मि करेइ गोदोहणं तओ पच्छा । छाणुवलेवण-बोहारणाइ सव्वं विहेऊण ॥ ७ जाइ गोरक्खणत्थं, पुणो वि मज्झण्हकालसमयम्मि । आणेउं गावीओ करेइ गोदोहणं पुण वि ॥ ८ जणयस्स भोयणविहिं काऊण सयं पि भुंजिउं बाला । गावीण रक्खगत्थं जाइ पुणो एइ सायम्मि ॥ ९ सव्वं पओसकिच्चं काऊणं निदमोक्खणं कुणइ । एवं घरकम्मेणं णिच्चं उब्भज्जए बाला ॥ १०
तओ अन्नम्मि दियहे अच्चंतपराभग्गाए लज्जं मोत्तण भणिओ जणओ 'ताय ! तहा करेसु जहा मह माया भवइ, जओ हं गिहकम्मं करती पराभग्गामि' । तओ जणएण 'सोहणं भणइत्ति मण्णमाणेण संगहिया का वि । सा वि तीसे चेव भारं निक्खिविऊण ण्हाण-विलेवण-विभूसाइवावडा चेट्ठइ । तओ विजुप्पभाए चिंतियं जहा 'सुहनिमित्तं मए एयं कारियं जाव दुगुणयरो मह संतावो जाओ' । तओ जा पभाए निग्गच्छइ सा अइक्कते भोयणसमये समागच्छइ, तत्थ य जं किंचि उव्वरियगाइ भोत्तूण जा जाइ सा पुणो रयणीए समागच्छङ् । एवं च महया किलेसेणं अइक्कंताणि दुवालसवरिसाणि । अन्नदियहम्मि य गावीसु चरंतीसु चेव छायाअभावाओ पसुत्ता सा खडमञ्झे । इत्थंतरम्मि य समागओ तमुद्देसं एगो विसहरो, अवि य
अइकसिणमहाकाओ रत्तच्छो चवलजमलजीहालो । विहियफडो तुरियगई भयभीओ तीऍ पासम्मि ॥ ११ सो नागकुमारसुराहिट्ठियदेहत्तणेण जंपेइ । माणुसभासाऍ तओ कोमलवयणेहिँ उट्ठवइ ॥ १२ तो उट्ठियं तयं जाणिऊण अह भणइ विसहरो एवं । 'वच्छे ! भयभीओ हं समागओ तुझ पासम्मि॥१३ एए मह पुट्ठीए जम्हा धावंति दुट्ठगारुडिया । मा एयाण करंडयपिंडियदेहो दुही 'होवं ॥ १४ ता बाले ! नियखोलाइ ढक्किडं उवरिमेण वत्थेण । रक्खेहि ममं भीयं मा पुत्ति ! बहुं विमालेहि ॥ १५ अहयं नागकुमाराहिट्ठियदेहो न चेव एएसिं । मंतस्स देवयाए सक्केमिह लंघिउं आणं ।। १६ ता मा बीहेहि तुमं मह वयणं कुणसु निधियप्पेणं' । इय भणियाए तीए छूढो कोलाएँ सो नागो ॥ १७
इत्थंतरम्मि य ओसहिवलयगहियकरयला समागया ते गारुडिया। पुच्छिया य तेहिं सा 'किं वच्छे ! दिट्ठो को वि तए एएण मग्गेण वच्चंतो महानागो ?' । तीए भणियं 'अहमुवरिल्लछइयवयणा इह सुत्ता ठिया, ता किं ममं पुच्छह ?' । तओ तेहिं भणियं 'अरे बाला खु एसा, महानागं दट्टण कूवंती पणट्ठा हुँता, जइ एईए दिट्ठो ढुंतो, ता निच्छयं न एयाए दिट्ठो अग्गओ पलोएह' । ते वि अग्गओ पिट्ठओ य पलोइऊण कत्थ वि तमपिच्छेता 'अहो कहं पेच्छंताणं चेव पणट्ठो सो ?' विम्हउष्फुल्ललोयणा जहागयं पडिगया ते गारुडिया ।
10 D विप्पो । चंडरुद्दा नाम से भारिया । ताणं। 2 A B °गुणोवेया। 3 C D कुणंता भजामि । 40D
। तमो। 5A B °म्मि गावी। 6A B तओ उद्दि। 70 D होई। 8 C D नियकोलाएँ। 900 मह भणियं। 10A B°या गारु।