Page Text
________________
एलकांक्षकथानक न हु कोइ वि रयणीए उद्वित्ता मुंजई अओ देहि । पच्चक्खाणं मझं, दिन्नं तीए तओ पच्छा ॥ ३७ एत्तो य तीऍ गुणगणआवजियदेवया विचिंतेइ । 'कह वेलवेइ सड्डि मूढो ? ता अज्ज सासेमि' ॥ ३८ गेण्हित्तु वरपहेणगछलेण भोजं समागया सा उ । तप्पुरवत्थव्वाए भगिणीए तस्स रूवेण ॥ ३९ पभणइ य 'उट्ट भाउय! तुज्झ कए भोयणं मए सुरसं। आणीयं उवभुंजसु' सो वि य तं भोत्तुमाढत्तो॥ ४० भणिओ य सावियाए 'पञ्चक्खिय भुंजसे किमेयं ?' ति । 'तुब्भच्चएहि अम्हं किमालवालेहि' सो भणइ ॥ ४१ 'देवी वि तओ रुसिउं तलप्पहारेण दो वि अच्छीणि । भूमीए पाडेत्ता, खिसिय निययं गया ठाणं ॥ ४२ सड्डी वि 'मज्झ अयसो एसो' त्ति मणम्मि देवयं काउं । काउस्सग्गम्मि ठिया, समागया देवया पुण वि॥ ४३ जंपइ य 'जेण कजेण सुमरिया साविगे! तयं भणसु ।' सा भणइ 'अप्पविहियं अयसं अवणेहि मह एयं ॥ ४४ तत्तो य निप्पएसाणि ताणि नाऊण तस्स अच्छीणि। केण वि तक्खणमारियएलयसपएसअच्छीणि ॥ ४५ आणेऊणं देवी संजोइत्ता गया नियं ठाणं । इयरो वि य पञ्चसे पुच्छिज्जइ नगरलोगेहिं ॥ ४६ 'किं तुज्झ एलगस्स व अच्छीओ भद ! अज दीसंति ? । तेण वि तेसिं सव्वं कहियं रयणीऍ जं वित्तं ।। ४७ सो वि य तप्पभिईए जाओ सुस्सावगो गुणसमिद्धो । एसो वि य वुत्तंतो पयडो सव्वत्थ संजाओ॥ ४८ कोऊहलेण य जणा अन्नत्तो इंति पिच्छगा तस्स । 'कत्थ गमिस्सह ?' पुट्ठा, वयंति ते एलगच्छउरं ॥४९ एसा णामोप्पत्ती वियाहिया एलगच्छणगरस्स । तत्थ य गयग्गपयगो अत्थि नगो जिणघराइन्नो ॥ ५०
[गजाग्रपदपर्वतनामोत्पत्तिकथा] पुचि दसन्नकूडो णामं तस्साऽऽसि संपयं एयं । जह संजायं णामं तह भण्णंतं निसामेह ॥ ५१ तत्याऽऽसि पुरे राया सूरो 'वीरो पियंवओ सरलो । नीसेसकलाकुसलो सावगधम्मम्मि उज्जुत्तो ।। ५२ पणमंतभूरिसामंतमउलिमणिमसिणिऊरुपयवीढो । निद्दलियदरियसत्तू णामेण दसण्णभदो त्ति ॥ ५३ उवसंतडिंबडमरं सो पालइ कुलकमागयं रज्जं । उव्वहइ य अच्चतं गव्वं णियरिद्धिवित्थारे ॥ ५४ इत्तो य भरहवासे वराडविसयम्मि धण-जणसमिद्धो। णामेण धण्णपूरयगामो गुणसंजुओ अत्थि ॥ ५५ तत्थ य मयहरउत्तो निवसइ एगो समुज्जयसहावो । तन्भज्जा छिछइया डिंडियसइवेण सह वसइ ॥ ५६ अह अन्नया य जायं रम्मं णडपेक्खणं तहिं गामे । दिट्ठो य छिछईए कयवलणयपरिहणो णट्टो ।। ५७ तं 'पुरिसं' ति मुणेउं संजाओ तीई तम्मि अणुराओ। तो भणिओ अणुणट्टो 'जइ एस मए समं रमइ ॥ ५८ एएणं चिय वेसेण देमि दम्मट्ठसयमणूणं ते । सो वि तयं पडिवज्जिय भणइ 'तुहं पिट्ठओ चेव ॥ ५९ आगच्छइ एस, परं साहसु अम्हाण अप्पणो गेहं' । सा वि सचिंधं कहिउं गंतुं गेहम्मि रंधेइ ॥ ६० जोगं इमस्स खीरिं, पत्तो गट्टो वि, चलणसोयम्मि । विहियम्मि य उवविट्ठो, परिविट्ठा तीऍ तो खीरी ॥६१ घयगुलपुण्णं थालं दिन्नं जा नेय भुंजए ताव । संपत्तो सो सइवो, वुत्तो णट्टो तओ तीए ॥ ६२ 'एत्थ "तिलोयरगम्मी पविससु जा पट्ठवेमि एयं' ति। तत्थ पविट्ठो णट्टो, इयरो वि य भणइ 'किमियं ?' ति ॥६३ सा जंपइ 'भुंजाामें' पडिभणियं तेण 'चिट्ठ ताव तुमं । मुंजामि अहं' 'अच्चंतभुक्खिया हं' इमा भणइ ॥६४ उवविट्ठो सो वि बला, जावऽज वि गेय भुंजए ताव । संपत्तो से भत्ता, तीऍ तओ जंपिओ सइवो ॥६५ पविससु इत्थोवरए गंतव्यं णेय दूरभूमीए । जम्हा सप्पो चिठ्ठइ परओ अइकसिणतणुधारी ॥ ६६ सो वि पविट्ठो तत्तो, पइणा वि हु पुच्छिया इमा 'किमियं । तीए वि य संलत्तं 'जेमेमि छुहाइया णाह ! ॥६७
LA B देवीए तओ। 2 C D स्सइ। 30D धीरो। 4 CD तु, दसण्णभद्दो त्ति नामेण ॥ 50D चिराडविसयम्मि जण-धणस। 60D तीऍ तम्मि महिलासो। 70D भे। 8A B खीरं। 900 उ ।
10 C D तिलोवर । Jain Education inteमू शु. ३
For Private & Personal Use Only
www.jainelibrary.org
| SR No. | 001387 |
| Book Title | Mulshuddhiprakarana |
| Original Sutra Author | N/A |
| Author | Pradyumnasuri |
| Publisher | Prakrit Text Society Ahmedabad |
| Publication Year | |
| Total Pages | 248 |
| Language | Prakrit |
| Classification | Book_Devnagari, Ethics, Philosophy, & Religion |
| File Size | 21 MB |