Mulshuddhiprakarana

SR No.: 001387
Original Sutra Author: N/A
Author: Pradyumnasuri
Publisher: Prakrit Text Society Ahmedabad
Total Pages: 248
Language: Prakrit
Classification: Book_Devnagari, Ethics, Philosophy, & Religion
File Size: 21 MB

Page 39

सटीक मूलशुद्धिप्रकरणम् परिहरह मोहजालं, राग-दोसारिणो णिसुंभेह । चयह कसाए, इंदियतुरंगमे दमह दुईते ॥ ९ चइऊण घरावासं असेसगुरुदुक्खसंतइनिवासं । पंचमहव्वयजुत्तं विवज्जियं राइभत्तेण ॥ १० तिहिँ गुत्तीहिँ सुगुत्तं पंचहिँ समिईहिँ संवुडमुयारं । खंताइदसपगारं पडिवजह 'साहुवरधम्मं ॥ ११ जइ णवि सक्कह एवं काउं तो पंचऽणुव्वयसमेयं । तिगुणव्वय-चउसिक्खाकलियं पालेह गिहिधम्मं ॥ १२ रिद्धीओं जोव्वणं जीवियं च खणभंगुराणि णाऊण । जेणोज्झिय संसार संसारं जाह सिद्धिउरं ॥" १३ इय सोऊणं सव्वा परिसा संवेगमागया धणियं । तो वसुभूई जंपइ पणमित्ता सूरिपयकमलं ॥ १४ 'भगवं! जं तुब्भेहिं आइटुं तत्थ नत्थि संदेहो । किंतु जईणं धम्मं ण समत्थो दुक्करं काउं ॥ १५ ता पसिऊणं देजउ गिहत्थधम्मो इमो महं नाह ! ।' 'एवं' ति होउ गुरुणा भणिए, घेत्तूण गिहिधम्मं ॥ १६ नियगेहे गंतूणं तं धम्म कहइ सयणवग्गस्स । सो जाव ण पडिवजइ ता गंतुं गुरुसमीवम्मि ॥ १७ पभणइ कयंजलिउडो 'जिणधम्मो एस मे समक्खाओ। सयणाण किंतु तेसिं मम वयणेणं ण परिणमइ ॥ १८ ता तेणुवरोहेणं गंतूणं तत्थ पहु ! समुद्धरह । भवजलहिम्मि पडते नियदेसणजाणवत्तणं" ॥ १९ अजसुहत्थी वि तओ पडिवज्जिय तग्गिहम्मि गंतूण । अक्खिविय देसणाए जा देइ अणुव्वए ताव ॥ २० अज्जमहागिरि भगवं जिणकप्पविहाणओ विहरमाणो। संपत्तो दटुं ता सहसा अब्भुट्टिओ सूरी ॥ २१ तं दट्टणं सेट्ठी पभणइ 'तुम्भं पि किं गुरू अन्नो ? ।' सूरी वि आह 'आमं, एसो भगवं गुरू अम्ह ॥ २२ दुक्करकिरियानिरओ करेइ अइदुक्करं तवच्चरणं । पेयवणाइसु पडिमं ठाइ सरीरम्मि निरवेक्खो ॥ २३ बहुविहउवसग्गसहो बावीसपरीसहे पराजिणइ । दसपुव्वमहासुर्यनीरनाहपारं परं पत्तो ॥ २४ उन्झियहम्मं गेण्हइ भत्तं पाणं च जं न कायाई । वंछंति दूरदेसट्ठिया विधीसंजुओ धीरो ॥ २५ एवं तग्गुणनिगरं वण्णेत्ताऽणुव्वयाइँ तेसिं च । दाऊण गओ सूरी, सेट्ठी वि य भणइ नियवग्गं ॥ २६ 'जइया एसो भगवं भिक्खट्ठा एइ तइय भत्ताई। छड्डेजह "जइ कह वि हु लेइ तओ होइ बहु पुण्णं ॥' २७ तत्तो य बीयदिवसे तमउव्वं पेच्छिऊण भगवं पि । उवओगपुव्वयं जाणिऊण तत्तो च्चिय णियत्तो ॥ २८ आवस्सयावसाणे जाव सुहत्थी वि वंदए गुरुणो।ता भणिओ 'किं अज्जो ! अणेसणा अन्ज मह विहिया ? ॥ २९ सो आह 'कहं ?' भगवं पि भणइ 'अब्भुट्ठिओ जओ कल्लं ।' णाऊण इमं तत्तो खामइ परमेण विणएणं ॥३० तत्तो णिग्गंतूणं उजेणि पुरवरिं गया तत्थ । जीवंतसामिपडिमं भत्तिब्भरणिभरा णमिउं ॥ ३१ तत्तो गयग्गपयनगवरस्स नमणत्थमेलॅगच्छम्मि। संपत्ता, तं च पुरं कह जायं एलगच्छं? ति ॥ ३२
[४. एलकाक्षकथानकम् । ] तं आसि दसण्णपुरं तत्थाऽऽसी साविगा गुणसमिद्धा । धणसत्थवाहधूया रूववई धणसिरी णाम ॥ ३३ उत्तमसम्मत्तधरी अणुवयसिक्खावरहिँ परिकलिया। मिच्छादिट्ठिगिहम्मी परिणीया देव्वजोएण ॥ ३४ चियवंदणं विहेउं वियालवेलाऍ पइदिणं सा उ । गेण्हइ पच्चक्खाणं हसइ तओ तीए भत्तारो ॥ ३५ 'पच्चक्खामि अहं पि य' अन्नम्मि दिणम्मि तेण सा भणिया। 'भंजिहिसि तुम' तीए भणिओ पडिभणइ सो एवं ॥ ३६
1A B साह जिणधम्म । 2 A B काउं पंचवडणुव्व। 3 शोभनः सारः यस्मिन् तत् संसारं सिद्धिपुरम् । 4 A B देसिं। 5A Bणवइ। 60 D °त्तो ता दटुं। 7 A B°यहरना। 80 Dधिइसंजुओ। 90D °नियरं ।
10A B जह। 110D उ। 12 A B गपओगे जा । 13 C D वंदई। 14 A B °लमच्छिम्मि । 15 A B दिट्रीगेहे।