________________
चन्द्रलेखाविजयप्रकरणम्]
तृतीयोऽङ्कः
१६अणुमन्नसु जामि घरं दूमइ सव्वं पि मह मणं एयं ।
मा कह तुज्झ विउत्ता लहेमि दुक्खस्स वीसामं ।। १५ ।। (आया) विजयः- (तत्त्वप्रपञ्चनं प्रति) सखे ! इत्थमपि वदन्ती सुखयतितरामियमस्मान् परं
कथयामि किञ्चित् । लक्ष्मीः प्रेम च घटितं द्रव्येणैकेन वेधसा मन्ये ।
अत एवात्र द्वितये हृद्येऽपि हि चापलं तुल्यम् ॥ १६ ॥ (आया) तत्त्वप्रपञ्चन:- मैवम् ।
सर्वगुणेष्वप्यस्मिंश्चञ्चलता वहति परमसौन्दर्यम् ।
रसनिस्यन्दिपदेष्वप्युक्तेरिव वक्रता काव्ये ।। १७ ॥ (आया) चन्द्रलेखा- (गाढपरितापमनुभूय) १७कहं मज्झन्हसमओ वट्टदि ।
१"लुक्को पुव्वदिसाए एस रवी वहइ निबिडसंतावं ।
संपत्तो अवराए जइ कहमवि निव्वुदि लहइ ॥ १८ ॥ (आया) तत्त्वप्रपञ्चनः
ब्रह्मन् ! गगनमध्यमध्यासीनः सर्वतः परितापदुःसहः सहस्रांशुः । तदत्र प्रियङ्गुलतामण्डपान्तः स्थिताः कियन्तं समयमतिवाहयामः ।
[सर्वे प्रवेशं नाटयन्ति चन्द्रशिलातले उपविशन्ति च] विजयः- (चेटीवर्गोपनीतमृगमदमलयजरसादिसुगन्धिद्रव्योपभोगं प्रियया सममनुभूय)
प्रिये ! किमु निशि हिमपिण्डैरात्तमार्णालतन्तुविरचयति विरिश्चिः पाथसोऽन्तः प्रविश्य । मलयजरसमुख्यान्येष वस्तून्यमूनि प्रबलतरणितापं यत् क्षणेन क्षिपन्ति ॥ १९ ॥ (मालिनी)
अथ मृगमदेन भालतले प्रियाया अर्द्धचन्द्रं विरचय्य (तत्त्वप्रपञ्चनं प्रति) वयस्य ! दीयतां दृष्टिरत्र ।
१६. चन्द्र अनुमन्यस्व यामि गृहं दुनोति सर्वमपि मम मन एतत् ।
___ मा कथं तव वियुक्ता लभे दुःखस्य विश्रामम् ।। १७. चन्द्र. कथं मध्याह्नसमयो वर्तते ? । १८. लीनः पूर्वदिशि एष रविर्वहति निबिडसंतापम् ।
संप्राप्तोऽपरस्यां यदि कथमपि निर्वृतिं लभते ।।
५१
Jain Education International
For Private & Personal Use Only
www.jainelibrary.org
