________________
[चतुर्थोऽङ्कः
तन्मुहूर्तमस्यामेव द्राक्षामण्डपतलान्तः स्थितहिमशिलायामुपविश्य एवं तापमुपशमयामि इहैव मित्रेण । ( प्रवेशं नाटयति सुहृदुपनीतशिशिराद्युपचारमनुभूय)
कुकूलतितरां तनौ मृदुमृणालिनीसंस्तरः स्फुलिङ्गति समन्ततः शिशिरशीकराडम्बरः । हलाहलति चन्दनं शबलमेणनाभीर
र्दवानलति शीतलाप्यहह सान्द्रचन्द्रद्युतिः ॥ १४ ॥
चन्द्रलेखाविजयप्रकरणम् ]
(तथैव चन्द्रातपव्यथां नाटयन्)
वैवर्ण्यं तनुते यदेतदुचितं दृष्टाऽपि कस्तूरिका सन्तापं तपनप्रिया कमलिनी दत्ते च तत्सम्मतम् । वैकल्यं बकुलः करोतु मधुना पूर्णोऽस्य यद्दोहदः स्वं धात्वर्थमतीत्य निर्दहति मां यच्चन्द्रिकेत्यद्भुतम् ॥ १५ ॥
-
चन्द्रिका - अवधारय ।
[ततः प्रविशति चन्द्रिका]
चन्द्रिका - कः कोऽत्र भोः ? निवेद्यताम् ब्रह्मवीराय विजयेन्द्राय यत् राज्ञ्याः श्रीचन्द्रलेखाया उपलब्धि गृहीत्वा वैताढ्यगिरेरुपेता चन्द्रिका द्वारि तिष्ठति । तत्त्वप्रपञ्चनः- ( श्रुत्वा सविस्मयं स्वगतम्) साधु संवृत्तमनयोपलब्ध्या अवश्यं यास्यति स्वास्थ्यमसौ । ( त्वरितपदं निष्क्रम्य चन्द्रिकां हस्ते गृहीत्वा प्रविश्य) ब्रह्मन् ! चन्द्रिकेयं प्रणमति तदनुगृह्यतां दृष्ट्या । विजयेन्द्रः- (निरीक्ष्योपलक्ष्य सहर्षम् ) अयि चन्द्रिके ! जीवति प्रिया ?
चन्द्रिका - (सविश्वासम् ) जीवति जीवति ।
विजयेन्द्रः- (औत्सुक्यं नाटयन्) कथमित्थं तापयसे माम् ? इयत्कालं यावत् यदि त्वत्संधारणया जीविता तदवश्यं जीविष्यत्येव सर्वं परित्यज्य तत्रायातमेव मां विद्धि, परं कथयतु भवती मयि प्रणयं विधाय कथं कथं गमयति दिनं कथं च रजनीम् ।
लीलागारे लिखितमसकुच्चित्रभित्तौ भवन्तं
सा पश्यन्ती गमयति दिनं विस्मृतत्वद्वियोगा ।
Jain Education International
७१
(पृथ्वी)
( शार्दूलविक्रीडित)
For Private & Personal Use Only
www.jainelibrary.org
