Page Text
________________
४०
पुहवीचंदचरिए बीए कमलसेण-गुणसेणाभवे
[२. २०४
तहा
वाया सहस्समइया सिणेहनिज्झाइयं सयसहस्सं । सब्भावो सज्जणमाणुसस्स कोडिं विसेसेइ" ॥ २०४॥ अह भणइ पुणो दूओ "देवीदसणसमूसुओ देवो । ता न हु जुत्तं तुम्हं तव्वयणं अन्नहाकाउं ॥ २०५॥ ताव सुहओ गईदो जा मजायं धरेइ हिययम्मि । अण्णह रुट्ठो दारुणभयंकरो कस्स नो होइ ? ॥ २०६॥ तुह चेव हियं भणिमो, कीरउ सामेण तस्स आरसो। अण्णह बलिमड्डाए गहिउमणो सो मए कलिओं" ॥२०७॥ ताव कयभिउडिभंगो पभणइ चंदो "अहो ! कुलायारं । पालिउमिच्छइ स निको मग्गंतो परकलत्ताई ॥२०८।।
5
अहवा--
20
जं छम्नं आयरियं तइया जगणीए जोव्वणमरण । तं पयडिज्जइ इण्डिं सुएहिं सीलं चयंतेहिं ॥२०९॥
किं दूय ! घडइ एयं जीवंतो नियपियं मुयइ कोइ ? । अप्पेइ पन्नगो किं जीवंतो मत्थयाभरणं ? ॥२१० ।। 10 मिति नरिंदा छुप्यते चंद-दिणयरकरेहिं । निययकलते जे ते कह तं पेसिति परगेहं ?" ॥२११ ।।
पुणरवि दूओ जंपइ "नरवइ ! निसुणेहि सत्थपरमत्थं । 'आया हु रक्खियव्यो सवपयत्ता' जओ भणियं ॥२१२ भिच्चेहिं धणं रक्खह, दारं रक्खह धणेण भिच्चेहिं । नियजीवियं तु रक्खह धणेण दारेण भिच्चेहिं" ॥२१३॥ इय सो समुल्लवंतो नरवइभिच्चेण चंडसीहेण । निब्भच्छिऊण हत्थं निच्छूढो अद्धयंदेण ।। २१४ ॥
गंतूण तेण सिढे कुविओ धणियं महिंदसीहो वि । चलिओ निम्मज्जाओ जलही वा पलयपवणेण ॥ २१५॥ ___ अवि य
करिवरगुरुकल्लोलो फुरंतघणपुंडरीयडिंडीरो । पैसरंतपउरवाहो अइभीमो खुहियजलहि व्य ।। २१६॥ सोऊण तमासनं चंदनरिंदो विवड्वियामरिसो । विष्फुरियरणुच्छाहो पत्तो सवडम्मुहो तुरियं ॥ २१७ ॥ नियनियसामियकज्जुज्जयाण जसलालसाण तो सहसा । दोन्हं पि अणीयाणं पयट्टमाओहणं भीमं ।। २१८॥ मुहडेहिं समं सुहडा जुडिया, तह साइणो वि साईहिं । रहिएहिं महारहिणो, निसाइणो पुण निसाईहिं ॥२१९ खित्तं च खणेण पडिप्पहेण चंदस्स सेन्नमियरेण । थेवं बहुणा सरियाजलं व जलनाहनीरेण ॥ २२० ॥ अह पवणजवणउत्तुंगतुरयजुत्तं रहे समारूढो । रोसानलदुप्पेच्छो सयमेव समुडिओ चंदो ॥ २२१॥. तो कुंताहयकुंजरविरसियभजतसेसदोघटुं । मोग्गरपहारछुज्जंतरहरवुत्तहहयथट्ट ।। २२२॥ अणवस्यवाणधोरणिविज्झंतपलायमाणपायालं । वित्तं तेण रिउबलं केसरिणा हरिणजूहं व ॥ २२३॥
ता उढिओ सुरुटो महिंदसीहो चि जीवियनिरीहो । जायं च वणगयाण व तेसिं दोण्ह वि चिरं समरं ।। २२४ ॥ 25 कह कह वि गयाघायाऽऽसाइयमुच्छो छलं लहेऊण । भवियब्धयानिओया बद्धो चंदो महिंदेण ॥२२५॥
'भो साहु साहु सुपुरिस ! नियडिओ अज ते सुहडवाओ' । इय जंपिरेण मंतिस्स अप्पिओ जीयरक्खत्थं ॥२२६॥ गंतूण तओ तुरियं पलायमाणम्मि चंदसेन्नम्मि । हाहारवं कुणंती गहिया रइसुंदरी तेण ॥ २२७ ।। मोयाविऊण चंदं रईसुंदरिलाभवड्ढियाणंदो। पत्तो नियम्मि नयरे भणिउं च तई समाढत्तो ॥ २२८ ॥
'सुंदरि ! सुयमेत्ताए अणुराओ मे तुमम्मि संजाओ। तव्वसएण य विहिओ संरंभो एत्तिओ एस ।। २२९ ।। 30 ता एस पयासतरू साहल्लं लहउ तुह पसाएण । पडिवज्जसु नणु संपइ कुरुजणवयसामिसालित्तं' ।। २३०॥
तो चिंतइ चंदपिया "घिरत्थु संसारविलसियं पावं । रूवं पि मज्झ एवं अणत्थमूलं जओ जायं ॥ २३१॥
१ 'हि पत्थ परमत्थं जे० ॥ २ सङ्केत:-"पसरंतपउरवाह ति [जलधिपक्षे] वाहाः-प्रवाहाः, [महेन्द्रसिंहपक्षे] अश्वाश्च" ॥ ३ सङ्केत:-" पायालं ति पदातीनां समूहः पादातम्" ॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |