Page Text
________________
२०३] विणयंधरपढमभजाए पुचभवे रइसुंदरीनामाए जम्मो पाणिग्गहणं रूवक्खित्तमहिंदसीहरायमग्गणं च।
३९
जओ
.
उप्पाडिओ वि तुम्भेहिं अक्तूलं व एस हेलाए । तवचरणभरो अम्हं भासइ गिरिरायगरुययरो ॥ १७४ ॥ ता मोहविणडियाणं पडियाण पमायरुंदरेणीए । हत्थालंबसमाणं देहि गिहत्थोचियं धम्म" ॥ १७५ ।। कलिऊण जोग्गयं मग्गसाहणे साहुणीपहाणाए । दिन्नं तासि विसुद्धं सम्मत्तं निम्ममत्ताए ॥ १७६ ।। भणियं च 'जइ न सकह सव्वाणुच्चय-गुणवए धरिउं । तह वि परपुरिससंगे अकरणनियमं ददं कुणह ॥१७७॥ 5 पावं सयं न कीरइ, विणियत्तिज्जइ परो वि पावाओ। मइविहवा नयनिउणं अकरणनियमस्सरूवमिणं ॥१७८॥ एत्तो वित्थरइ जए विमला आचंद-सूरियं कित्ती । एत्तो कल्लाणपरंपरेण पाविजए मुत्ती ॥ १७९ ॥ वदंति वसे तियसा, चिंतियमेत्ताइं सबकजाई । संपज्जति जियाणं एत्तो एत्थेव जम्मम्मि' ॥ १८०॥ 'उचियं कुलंगणाणं परलोयसुहावहं च तुब्भेहिं । आइटमोसहं जह मिटुं गुरुरोगहरणं च ॥१८१॥ इय जंपिरीहिं हरिमुल्लसंतगत्ताहिं ताहिं सहस त्ति । गुरुवहुमाणपहाणो पडिवनो एस वरनियमो ॥ १८२॥ 10 लंतीण य एयं जिणगुरुसत्कारकरणनिरयाणं । जिणमयसुइरसियाणं सुहेण कालो गओ कोइ॥१८३ ॥
अह नंदणम्मि नयरे चंदनरिंदेण नियययाओ। रूवाइसओ रइसुंदरीए निसुओ हिययहारी ॥१८४ ॥ अणरायरसाइसया तेण निउत्तो तयत्थणे मंती। लद्धा य तेण पडिवत्तिनिउणमइमग्गमाणेण ॥१८५॥ तओविच्छड्डेण सुमहया विसज्जिया राइणा मुहमुहुत्ते । लच्छिन्न पुग्ननिहिणो सयंवरा तस्स सा पत्ता ॥ १८६॥ 15 अह वासरे पसत्थे वत्ते वीवाहमंगले रम्मे । बद्धावणयाणंदो नंदणनयरे पवित्थरिओ।। १८७॥ 'किं एसा सग्गवहू ? किंवा पायालकनया धना ? । लच्छी गोरी विजाहरिब मयणप्पिया किं वा ? ॥१८८ पइभवणं पइहई पइमग्गं पइसहं पइनिवाणं । सुव्वंति तम्मि नयरे इय नर-नारीगणुल्लावा ॥ १८९ ॥ कालेण निक्कलंको चंदो चंदो न तीए जुन्हाए । जाओ जयम्मि पयडो संपत्तविसुद्धपक्वाए ॥ १९० ॥ ___अन्नदिणे कुरुवइणो महिंदसीहस्स संतिओ दूओ। चंदनराहिवपुरओ संपत्तो भणिउमाढत्तो ।। १९१॥ 20 'संदिटुं मह पहुणा अम्हं तुम्हं च पुन्धपुरिसाणं । इयरजणाऽसामन्नो आसि दढं नेहपडिबंधो ॥ १९२ ॥ ते चिय सुया सुजाया चिट्ठति धय न निययवंसग्गे । दुबायहया वि न जे मुयंति पुघिल्लसंबंधं ॥ १९३ ॥ सायर-निसायराण मेह-सिहंडीण मिहिर-नलिणीणं । दूरे वि वसंताणं पडिवण्णं नऽन्नहा होइ ॥ १९४ ॥ किं वा भन्नउ अन्नं ? अन्न यसोजन्नमुबहंतस्स । सव्वं पओयणं मे कहियव्यं सबहा तुमए ॥ १९५॥ अन्नं च नवोढा ते सुबइ रइसुंदरी पिया देवी । तं अम्हं पाहुणिगं पेससु सम्माणिमो जेग ॥ १९६ ॥ 25 जो मन्निजइ सयणो तस्स कलत्तं पि गउरवट्ठाणं । जम्हा पोत्तम्मि पिए होइ पियं पोत्तवेढणयं ॥ १९७॥ सोऊण यवयणं भणियं चंदेण ईसि हसिऊण । “सबस्स जणियपणया भण कस्स न वल्लहा सुयणा ? ॥१९८॥ मित्ती परोक्यारो सुसीलया अज्जवं पियालवणं । दक्खिन्न-विणय-चाया सुयणाण गुणा निसग्गेण ।। १९९॥ ता दूध ! जुत्तमेयं संदिटं अम्ह तुह नरिंदेणं । उत्तमजसा हु सुयणा नियकुलमेरं न लंघेति ॥ २०० ॥ अम्हाण वि कहियव्वं पओयणं सबमेव जं उचियं । देवीए पेसणे पुण अन्ज वि न हु अवसरो कोइ ॥२०१॥ 30 वायापडिवत्तीए वि कलिओ नेहो महिंदसीहस्स । किं बज्झगोरवेणं पहंति खलु पंडिया जेणं ॥ २०२॥ बझंति मुक्खविहगा नेहविहणेण बज्झदाणेणा । छेयाण बंधणं पुण नन्नं सब्भावभणियाओ ॥ २०३ ॥ १ सङ्केतः- रुंदरेणीप ति महापड़े" ॥
Jain Education International
For Private & Personal Use Orily
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |