Page Text
________________
३६
पुहवीचंदचरिए बीए कमलसेण-गुणसेणाभवे
[२. ९९जह रुट्ठो जीयंतं करेइ ता सुछ सुंदरो एस । अखलियसीलाण जओ जणयइ मरणं पि सुहमेव ॥ ९९ ॥ करिमरिगहणेण परित्थियाओ भुजंति नेह भिल्ला वि । लंघियकुलमज्जाओ तओ वि अहमो इमो जाओ' ॥१०० इच्चाइवयणनिभच्छियाहिं चेडीहिं साहियं रनो । 'उचिडइ न वको कह वि देव ! फलिहामलसिलामु ॥१०१
नाऊण निच्छयं नरवई वि चिंताउरो दढं जाओ। तत्तपुलिणम्मि मीणो न न हु रइं लहइ सयणीए ॥१०२ 5 अवि य
सुयइ मुहं गयराओ घणकंटयसंगए वि सयणीए । रागी उ हंसतूलीगओ वि निदं न पावेइ ॥ १०३ ॥ चिंतग्गिसंपलित्तो रयणि संवच्छरोवमं गमिउं । कयसिंगारो सूरोदयम्मि तासिं गओ पासं ॥ १०४॥ अब्भुटिओ न ताहि, तुच्छ पि नियच्छिओ न य तहा वि। ईसरसिरिं व रोरो व पेच्छिउं ताण सो रुवं ॥१०५॥
अह पेच्छइ सघाओ हुयवहजालोलिकविलकेसाओ । अइचिब्बिरनासाओ जरचीवरमलिणवेसाओ ॥१०६॥ 10 मजारलोयणाओ दंतुरलंबोहवंकवयणाओ । परिगलियजोवणाओ तुच्छंगुलिपाणि-चलणाओ ॥ १०७॥
अइसयबीभच्छाओ रागीण वि रागहरणदच्छाओ । दठ्ठण ता नरिंदो चिंतइ धणियं निराणंदो ॥१०८॥ 'कि एस दिटिबंधो मइमोहो सुविणयं व पेच्छामि ? । किं वा दिवपओगो ? किं वा पावप्पभावो मे ? ॥१०९ हंहो ! महन्तमेयं अच्छेरमदिट्ठनिसुयमेत्ताहे । कत्थ गयं एयासिं खणेण तं तारिसं रूवं? ॥ ११०॥
अह जाणियवुत्ता.सहसा तत्थाऽऽगया महाएवी । पायडियपेमकोवा पयंपिउं चेवमारद्धा ॥ १११ ॥ 15 'हद्धी अणज्ज ! रज्जसि विलीण-हीणासु एरिसित्थीसुः । अमुणियपत्तविसेसो अवगनसि रायदुहियाओ ॥११२॥
न कलेसि कुलकलंक, विरज्जमाणं जणं न लक्खेसि । एवं निम्मज्जाओ कह ठावसि परजणे मेरं? ॥ ११३॥ एवं बहुप्पयारं उवलद्धो पत्थिवो पिययमाए । लज्जोणओ विसज्जइ सज्जो विणयंधरपियाओ॥११४ ॥. दटुं विसज्जियाणं रूवं साहावियं पुणो तासि । कारणजिन्नासाए चिट्ठइ चिंताउरो निच्चं ॥ ११५ ॥
आयनियमनदिणे सूरी सभाणसंपयानिलओ । नयरुजाणे रम्मे ओसरिओ सूरसेणो त्ति ॥ ११६॥ . चलिओ पमोयकलिओ सपउरभिच्चो तो पुरीनाहो । उवविठ्ठो य मुहिट्ठो तयंतिए वंदणापुव्वं ॥ ११७॥ पारद्धा य भयवया धम्मकहा मोहकंदनिदलणी । लद्धावसरेण तओ पुच्छियमेयं पुहइपहुणा ॥ ११८॥ 'भयवं ! किं कयमसमं सुकयं विणयंधरेण पुत्रभवे । जं विजियसुरवहूओ कंताओ णेण पत्ताओ? ॥ ११९॥ कत्तो वा सुकयाओ एयासिं रूवमेरिसमपुव्वं ? । केण पओगेण तया विरूवया दुत्ति संजाया ? ॥१२०॥
इय नरवाणा पुढे पउरा विगयंधरो सह पियाहिं । सव्वे सकोउयमणा गुरुवयणमुवट्ठिया सोउं ॥ १२१॥ 25 अह सुरदुंदुहिघोसो परिसायणजणियवहलपरिओसो । वज्जरइ परहिएसी जहट्ठियं केवलिमहेसी ॥ १२२ ॥
आसीह भरहवासे गयसीसे पुरवरम्मि सुपयासे । राया वियारधवलो रजधुरावहणधुरधवलो ।। १२३ ॥ तस्स वरो वेयाली उदारचित्तो दयाइगुणसाली । सययं परोवयारी आसि दढं पावपरिहारी ॥ १२४ ॥ सो पुण उदारयाए निचं असणाइयं मणुनं पि । विस्साणिऊण कस्सइ उवियं उवभुत्तवं नियमा ॥ १२५॥
अह अन्मदिणे दिट्टो ओसप्पिणिनवमजिणवरो तेण । बिंदुजाणे पडिमाए संठिओ मेरुथिरमुत्ती ।। १२६ ॥ 30 दट्टण तस्स रूवं उवसमलच्छि च चारु तवचरियं । असमप्पमोयवसओ पढिउमिणं सो समारदो ॥ १२७॥
'बप्पु सुंदर अंगविनासु, कटरि]! मणहर तेयसिरि कटरि कटरि!लायन्नु वयणहँ, अइ! उवसमु लोयणहँ अइय अइय बलि धम्मचरणहें। १ "बंदिणी" खं१टि• ॥ २ “शीघ्रम्" जेटि• ॥ ३ तिदुजाणे भ्रा० ॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |