Page Text
________________
15
१५०] विणयंधरभजाणं अक्खोहसीलया सूरसेगसूरिदेसणाए विणयंधर-तब्भजाणं पुव्वभववण्णणं च । ३७
करहु रे ! नेयणइँ रंकंधणि, अजहु अन्जु सुसेउ । वलि वलि जोयहुं चोजकरु, इहु परमप्पा देउ' ॥ १२८ ॥ इय उल्लसंतसद्धो थोउं सामनभत्तिराएण । बहुमाणमुबहंतो जिणम्मि एसो गिहं पत्तो ॥ १२९ ॥ कुसलाणुबंधिकम्मोदएण अह तस्स भोयणावसरे । पत्तो तिलोयनाहो भिक्खट्ठा गिहदुवारम्मि ॥ १३०॥ . तं पेच्छिऊण बंदी आणंदरसुद्धमायसव्वंगो । पडिलाभेइ जिणिंदं परिवेसिय कामगुणिएण ॥ १३१॥ चिंतइ य 'अहं धन्नो सहलं मे जम्म-जीवियं अज्ज । जं भयवं दाणमिण पडिच्छए पाणिपुडएण' ॥ १३२॥ 5 एत्यंतरम्मि गयणे उच्छलिओ देवदुंदुहिनिनाओ । घोसिंति 'अहो दाणं ! अहो महादाण'मिइ विवुहा ॥१३३॥ जणजणियमहच्छेरं गंधोदय-पुप्फवरिसणं जाय । उक्कोसा वसुहारा पडिया य घरंगणे सहसा ॥ १३४ ॥ अवि यनर-नरवइ-असुर-सुरा बंदित्तं बंदिणो वि से पत्ता । किं वा सुपत्तदाणा जायइ अञ्चब्भुयं न जए ? ॥ १३५॥ इय पयडं माहप्पं पेच्छंतो सुद्धदाणधम्मस्स । भेत्तूण कम्मगंठिं ईसणसड्ढो इमो जाओ॥ १३६ ॥ 10 विणिओइऊण वित्तं पवित्तपत्तेसु दूरियदुरासो । चइऊग पूइदेहं पत्तो पढमं अमरगेहं ॥ १३७ ॥ भोत्तण चिरं भोए सुरसुंदरिविसरवड्ढियामोए । चविउममरालयाओ एसो विणयंधरो जाओ ॥ १३८ ॥ जाओ जहत्थनामो इमेण जाएणे रयगसारिभो । जणणी वि हु पुनजसा पुन्नजसा चेव संपन्ना ॥ १३९ ।। रूवं कलाकलावो लच्छी कित्ती कलंकनिम्मुक्का । अंतेउरं सुतारं सब्बं दाणस्स फलमेयं ॥ १४०॥ अवि यदाणं पुन्नतरुस्स मूलमणहं पावाऽहिमंतक्खरं, दालिदुमकंदलीवणदवो दोहग्गरोगोसहं ।। सोवाणं गुरुसग्गसेलचडणे मोक्खस्स मग्गो वरो, ता दायव्वमिण जिणुत्तविहिणा पत्ते सुपत्ते सया ॥१४॥ विगयधरपुब्धकयं सिहं नरनाह ! तुम्ह संखित्तं । संपइ सुण एगग्गो वुत्तंतं एयघरणीण ॥ १४२ ॥
अत्थि कलाविकुलड्ढं कइविसरविरायमाणघणसालं । साएयपुरं गिरिकाणणं व सच्छंदरायसुयं ॥ १४३॥ तत्थ य हैय-गयनाहो उन्नामियकेसरो अइकरालो । विप्फुरियपोरुसो केसरि च नरकेसरी राया ॥ १४४ ॥ 20 कमला इव कमलकरा तस्स पिया कमलसुंदरी देवी । रइसुंदरी य दुहिया रइ व्य रूवेण सुपसिद्धा ॥ १४५ ॥ अह बुद्धि-रिद्धि-सुइसंपयाहि गुरुंधणय-थेरसाहुँलया। मंति-महेन्भ-पुरोहा संति पसिद्धा तहिं नयरे ॥१४६॥ सिरिदत्त-सुमित्त-सुघोसनामया बहुमया महीपहुणो। रयणायर व ते उण नियनियमेरं न लंघंति ॥ १४७॥ तेर्सि लक्खण-लच्छी-ललियाघरिणीण कुच्छिखाणीसु । उप्पन्नमणग्धेयं कन्नारयणत्तियं अस्थि ॥१४८ ॥ ता बुद्धि-रिद्धि-गुणपुबसुंदरीनामधेयपयडाओ । उवहसियसुरवहूओ तिन्नि वि लायन-रूवेहिं ।। १४९ ॥ 25 गिन्हंतीण कलाओ तासिं एगत्थ लेहसालाए । रइसुंदरीए सद्धिं जाया पीई समगुणाणं ॥ १५० ॥
१ नयण खं१ विना ।। २ संकेत:-"रंकधणि त्ति रङ्कधाणिः" । "रङ्कतृप्तिः" जेटि. ॥ ३ पहु ख२ भ्रा० ॥ ४ “परिपूर्ण" जेटि० ॥ ५ “अर्द्धत्रयोदशकोटिरूपा" जेटि० ॥६ संकेत:-"अस्थि कलावीत्यादौ [गिरिकाननपक्षे] कलापिन:-मयूराः [साकेतपुरपक्षे] कलाविदश्च । [साकेत०] कोविदाः, [गिरि०] कव(प)यश्च । [गिरि०] शाला:-वृक्षाः, [साकेत.] शालाश्च-गृहाणि । [गिरि॰] राजशुकाः, [साकेत०] राजसुताश्च" ॥ ७ संकेत:-"[केसरिपक्षे] हता गजनाथा येन, [राजपक्षे] हय-गजानां नाथश्च । [केसरि०] उद्भटीकृतकेसरसटः, [राजपक्षे] उन्नामिताः-अतिसमृद्धीकृता ईषदीश्वरा येन । [के.] कराल:-भीषण', [रा०] मनोज्ञश्च" ॥ ८ संकेत:-कमलापक्षे] कमलकर (रा), [राज्ञीपक्षे] कमला(ले) [इव] करौ च यस्याः" ॥ ९ "बृहस्पति कुबेर-ब्रह्मसदृशाः" जेटि. ॥ १० संकेत:-"साइलय ति सदृशाः" ॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |