Page Text
________________
5
.
९८] मइवरणमंतिसिट्ठसिरिकेउवित्तंते विणयंधरस्सोवरि कवडदोसारोवणं तब्भजाणमंतेउरछुहणं च। ३५
इय निच्छिऊण पच्छन्नमेव भणिओ पुरोहिओ तेण । 'विणयंधरेण सद्धिं कुण मेत्तिं कवडनेहेण ॥ ७१॥ तत्तो वि भुज्जखंडे एवं गाहं लहुं लिहावित्ता । पच्छन्नमेव मज्झं उवणेहि अजाणिओ तेण ॥ ७२॥ सा पुणपेसयच्छि ! रइवियक्खणि ! अजमभव्वस्स तुह विभओए मे। सा राई चउजामा जामसहस्सं व वोलीणा ॥७३॥ बडएण तहेच कए रना पउराण पेसियं भुजं । 'किर देविगंधपुडए पहियं विणयंधरेणेयं ॥ ७४ ॥ ता भो ! लिचीपरिच्छं काऊण विणिच्छयं कहह मज्झ । मा पच्छा वि भणीहह अजुत्तमेयं कयं रना' ॥ ७५॥ तेहिं वि 'न हुति दुद्धे पूयरया तह वि सासणं पहुणो । कायव्यं' ति भणं तेहिं लिविपरिच्छा कया हत्थं ॥७६ ।। दछु लिवीसंवायं भणियं पउरेहिं सुठ्ठ सविसायं । “अत्थि लिवीसंवाओ, न य घडइ इमं तु एयाओ॥ ७७॥ अवि य
जो चरइ मणभिरामे दक्खारामे सुहं विगयसको । सो कंटइयसरीरे करी करीरे कहं रमइ ? ॥७८॥ अन्नं च
जो चिट्ठइ गोट्ठीए मुहुत्तमेत्तं पि तस्स धन्नस्स । वंजुलसंगेण विसं व पन्नगो मुयइ सो पावं ॥७९॥ ता परिभावउ देवो सम्मं परमत्थमेत्थ वत्थुम्मि । अघडन्तयं पि घडियं एयं पिमुणेण केणावि ॥ ८॥ सच्छं पि फलिहरयणं उवहाणवसा कलिज्जए कालं । इय खलखोलाओ खलु खलियं अक्खलिक्चरियस्स" ॥८१ इय जपते पउरे पडियारे कुंजरो व अगणितो। वियलियमेरालाणो पकओ असमंजसं राया ॥ ८२॥ 13 पभणइ पुरिसे 'रे रे ! आणेह बला वि तस्स जायाओ । मुद्देह मंदिरं लहु निद्धाडिय परियणं दूरं ।। ८३ ॥ तुब्भे पुण नायरया ! विरुद्धयारिम्मि पैक्खवाइल्ला । तं कारवेह सुद्धिं मम पुरओ जेण मुंचामि' ॥ ८४ ॥ एवं ते फरुसगिरं पउरा पउरा खणेण विमुहाऽऽसा। किवणेण मग्गणा इव गेहाओ धाडिया रना॥८५॥ एत्थंतरम्मि ताओ विगयंवरभारियाओ चउरो वि । छिवणभयाओ पुरओ ठियाओ पत्तीण पत्ताओ॥८६॥ दट्टण ताण रूवं अप्पडिरूवं पचिंतिओ राया। 'सचं न संति अमरालए वि एवं विहबहूओ ।। ८७ ।। 20 अणूकूलो मज्झ विही नूणं जं किर सुयाओ दिट्ठाओ। पत्ताओं य गिहं मे एयाओ अमयकूवीओ ।। ८८ ॥ कह नाम पुण इमाओ नवनेहरसेण पुलइयंगीओ । लग्गिस्संति सयं मे कंठे उकंठियमणाओ ॥ ८९॥ भुजंतीओ वि बला न मयणरसकारणं जओ इंति । तयभावे किमिह मुहं जायइ मयरमणिरमणे व ?॥९०॥ अहवा सहेमि कालं परिणामे सिज्झिही इमं सव्वं । भुक्खियवसेण पचंति उंबरा, नेह कइया वि' ॥ ९१ ।। इय चिंतिरेण तुरियं ताओ अंतेउरम्मि खित्ताओ । सयणासणाइ सव्वं दवावियं चंगभोगंगं ।। ९२॥ 25 तं पुण विसं व गणिउं ताओ गुरुदुहदवग्गितवियाओ । उपविट्ठाओ धरणीयलम्मि सुद्धम्मि सुद्धाओ ॥१३॥ भणियाओ य सविणयं रायनिउत्ताहिं चाडजुत्ताहि । चेडीहिं निउणमेवं 'देवीओ ! मुयह उव्वेवं ॥ ९४ ॥ फलियं तुम्हाण फुडं पुनज्जियपुग्नपायवेणऽज्ज । जे एस अम्ह सामी वट्टइ अच्चंतमणुकूलो ॥ ९५ ॥ जस्स पसज्जइ एसो तस्स हु चिंतामणि व्व सुहहेऊ । रुट्ठो जमो न जीयंतकारओ होइ नियमेण ॥ ९६ ॥ ता एयस्स पसाया भुंजह भोएऽवइझियविसाया । मुंचह मणसंतावं, कुणह कयत्थं जुवइभावं' ।। ९७॥ 30 इय जंपिरचेडीओ भणियाओ सुट्ठ निठुरमिमाहिं । 'उव्वेवयरेण हला ! अलाहि हलबोलकरणेणं ॥९८॥
१ पसियच्छि जे. खं२ ॥ २ “वंजुल:-अशोकवृक्षः" जेटि०॥ ३ "उपाधिवशात्" जेटि० ॥ ४ "खलः-दुर्जनः स एव खोलोलघुस्तुच्छ इति यावत् तस्मात्" खरटि• जेटि० ॥ ५ "पक्षपातिनः" जेटि• ॥ ६ “पदातीनाम्" जेटि० ॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |