Page Text
________________
३४३]
अमियतेयरिदेसणाए कविलसोत्तियऽक्खागयं । तत्तो राया आणंदनिभरो खणविसट्टमुहकमलो । भगइ 'जइ मित्त ! एवं ता जीयं मह तुमे दिन्नं ' ॥३३३॥ किं बहुणा ? . आणाविया पओसे अणुणीया खामिया य नरवइणा । तप्पभिइ ताग पेमं निरंतरं चेव संवुत्तं ॥ ३३४ ॥
[पउमरायकहाणयं समत्तं. १]
10
जह तेण पउमरना तुलाए आरोवियं पुरा जीयं । कोहुग्गभुयंगमसंगदोसओ तह तुमे इण्हि ॥ ३३५ ॥ तह वि न जुत्तं मरणं धम्म पडिवज सयलदुहहरणं । अन्नं न अस्थि सरणं आवसमाणाण भवसरणं" ॥३३६॥
एयमायन्निऊण जंपियं नराहिवेण 'भयवं! सोहणो धम्मो, परमच्चंतमहन्तदुक्खदावानलपज्जलियहियो न सकुणोमि पाणे धारिलं ति करेमि ताव पारद्धं, एयकालोचियं च देहे मे परभवपत्थयणं' । आयरिएहिं भणियं "महाराय ! सुण
दुक्खस्स विनिम्महणो धम्मादनो न विज्जइ उवाओ। अहिययरदुहफलं चिय कम्मं तुमए समारद्धं ॥३३७॥ एत्थ वि सुणाहि एगमक्खाणयं
[२. कविलसोत्तियऽक्खाणयं] अस्थि कोदंडदंडेहिं व विमुद्धवंसुब्भवेहिं सरलसहावगुणड्ढेहि य, मऊरेहिं व संपत्तगुरुकलावेहि मणोहरालावेहि य, अणुमग्गलम्गाणेगचट्टेहिं विउसभडेहिं 'टिविडिक्किए पच्चासनमाईरहीनीरे गंगातीरे सन्निवेसे अंगीकय- 15 जयण-जायणायारो अच्चंतसोयसारो पहाणअग्गिहोत्तिओ कविलो नाम सोत्तिओ । सो उण अइसोयवायविनडिओ कयाइ एवंविहे चिंतासंकडे पडिओ "किर एत्थ अग्गाहारे अनिवारियज॑णंगमविहारे रच्छाविरोलंतजरचीरखंडनियरे निरंतरोवलम्भमाणकुडियकुलालसयलपयरे अनिवारियतुस-कुकुसाइसंचरे चंडालकर-चरणसंफरिसियधन्न-फुल्ल-फलविसरे अंतयछुत्तवियरंतचउप्पर परिहारागोयरीभूयपभूयासुगंधए वेयविहियायारसारो केरिसो नाम सोयववहारो?। किंच
नर-सारमेय-जंबुय-मज्जाराईण काइयुच्चारा । वासजलवाहवूढा नई-तलाएमु निवडंति ॥ ३३८ ॥ ता जइ कहिंचि माणुस-पसुरहिए जलहिमज्झदीवम्मि । कीरइ वासो ता सोयसंभवो, नऽन्नहा मन्ने" ॥३३९॥ उप्फालियं च पुच्छंतयस्स निजामएण केणावि । 'पुंडुच्छुभरियमभयं दीवं दिदं मए भट्ट !' ॥ ३४० ॥ सोऊण तस्स वयणं महानिहाणं व लद्धमूससिओ । पभणइ कविलो 'भद्दय ! नेहि ममं सत्रहा तत्थ' ॥३४१॥
किं बहुणा ? सो एवं सोयवायविसविमोहिओ बहुसो वि विउसेहिं विबोहिओ नेहाइसयविहियरुंभणे अव- 25 गन्निऊण सयले वि सयणवंभणे कूडाहिमाणपत्रणपेल्लिो निजामएण सद्धिं संचल्लिओ।
पत्तो य नीरनिहिणो संसारस्स व अणोरपारस्स । मज्झे आसासकरं माणुसजम्मं व तं दीवं ।। ३४२ ॥ विसए व महुरसाए तहियं दद्रुण उच्छुणो वरओ । मोत्तुं पोयं धम्मं व पाविओ सो ठिओ मुइओ ॥३४३॥
खणिओ य तेण तडे वियरओ । तत्थ तिसंज्झं कयन्हाणो उच्छुभक्खणधरियदेहो कालं गमेउमारदो। नवरमइउच्छुचवणाओ छिन्ना से छोइयाहिं दो वि ओट्टा । तओ चधणे अक्खमो वियप्पिउं पवत्तो 'अहो ! 30 सुंदरं हुंतं जइ एयाण उच्छृण फलसंपया हुंता । अवि य
१देहि जे० ॥ २ सङ्केत:-"टिविडिक्किए ति मण्डिते" ॥ ३ "ब्राह्मणस्थाने" जेटि० ॥ ४ सङ्केत:-"जणंगम त्ति । विभूषाप्रियतयाऽतीवजुगुप्सितद्वेषी" । "मातङ्ग" जेटि० ॥
20
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |