Page Text
________________
__15
पहवीचंदचरिए पढमे संख-कलावईभवे
[१. ३०३किं कुणउ पढिय-सुणियं मइविहवविवज्जियाण पुरिसाण ?। अंधाण पुरो तेउज्जलो वि किं दीवओ कुणउ?" ॥३०॥ इयरेहिं पुणो वुत्तं 'निचिन्ना मो विवायवायाओ । ता ताय ! कयपसायं छिंदसु ववहारमम्हाणं' ॥३०४॥ आह तओ पसुवालो "पुत्ता ! सो तुम्ह संतिभो ताओ । आसि अइपंडिओ नणु एगंतहिओ य तुम्हाणं ॥३०५॥ जं जस्स हियं जं जस्स धारिणं परिणईए सुहफलयं । तं तस्स तेण दिनं उवएसपहाणमेयं तु ॥३०६॥ जस्स कलसम्मि रेणू दिनाई तस्स तेण छेत्ताई । 'किसिकम्मं चिय फलयं तुह' त्ति एसो य उवएसो ॥३०७॥ अट्ठीणि दितएणं दिन्नं गो-महिसि-तुरय-करहाई । तह एयपोसणं चिय उवइ सुट्ठ मुहजणयं ॥ ३०८ ॥ वहियादाणेण पुणो सिहं तं रायलेहओ होज । अहवा वि हटवणिओ गिन्हेज्ज धणं धुराहिंतो॥ ३०९ ॥ एस पुण सबलहुओ किसिकम्माईण वाहमसमत्थो । गहियदीणारदयो कलंतराजीवओ होज्जा ॥ ३१० ॥
इय तुम्ह जहाजोगं विइन्नमइवच्छलेण तारण । अप्पबहुत्तं पि इहं थेवविसेसं ति तक्केमि ॥ ३११ ॥ 10 तुब्भे सुसिक्खिया किर लक्खिस्सह एत्तियं सयं चेव । इय जणएण विमन्ने विसेसओ किं पि नो भणिया॥३१२॥
ता तुच्छधणस्स कए मा निन्नेहा परोप्परं होह । संभरह जणयभणियं, सहोयरा दुल्लहा लोए ॥३१३॥ अवि यअइलालिया वि अइपालिया वि बिहडंति सेसया सयणा । हुंति सहेज्जा विहुरे कुविया वि सहोयरा चेव" ॥३१४॥ इय थेरमंतियं पयडजुत्तियं सुणिय मुणियतत्तेहिं । बाहनलोल्लियलोयणजुएहि सव्वेहिं सहस त्ति ॥ ३१५ ॥ आलिंगिऊण भणिओ सोमो 'वच्छय ! अनायतत्तेहिं । संताविओ सि सुइरं तं खमियन्वं तए सव्वं ।। ३१६॥ इयरेण वि पडिवुत्तं 'मए वि अन्नाण-लोहमूढेण । जं अविण एण भणिया मरिसेजह संपयं तं पि ॥३१७ ॥ पसुवालो वि पवुत्तो सम्वेहि वि 'अम्ह तायचत्ताणं । करुणारसिएग तए सुटु कयं अज तायत्तं ॥३१८॥ इय कयबहुसंभासं 'हिजो गेहागरहिं तुद्वेहिं । पुरजगजणियाणंद बद्धावणयं कयं तेहिं ॥ ३१९ ।। ता एत्थ इमं चोजं अदिट्टनयरेण मुक्खथेरेण । इय गिउगनीइसारं ववहारो एरिसो छिन्नो ॥ ३२० ॥
[धणसेट्ठिपुत्त चउक्कविवायछेयगप सुवालऽक्खा णयं समत्तं. १ ___ अह सम्भेहिं स भणिओ 'सञ्चं सच्चं, महंतमच्छरियं । अइविसमो ववहारो कह छिन्नो गामगोहेण ? ॥३२१॥ आयग्निऊण एवं राया मउलंतवयणसरसिरुहो । हिययखुडुकियदुक्खो वियप्पिउं एयमाढत्तो॥ ३२२॥ "जइ ता निरक्खरस्स वि गामेल्लपमुस्स एरिसं नाणं । सत्थत्थकोवियाए ता तीए किं न संभवइ ? ॥३२३॥ सत्थे वि भणियमेयं 'सुरए पागब्भमन्नया लज्जा । छज्जइ वरंगणाणं' किं न मुणइ सा फुडं विउसी ?॥३२४॥ ता सव्वहा अणज्जो निल्लज्जो कुगइसंगमे सज्जो । निब्भग्गो भग्गो हं तारिसरयणस्स य अजोग्गो" ॥३२५॥ सुइरं हियए पैरिचिंतिऊण दीणाणणो भणइ मंतिं । 'भो मंति ! कयं पावं मए महंतं अउन्नेण ॥ ३२६ ॥ अच्छंती जणयघरे सा वरई विहुयचिंतसंतावा । हा! कह मए अणत्थं निकारणवेरिणा गमिया ॥ ३२७॥ ता सबहा न सत्तो पाणे दाणि मुहुत्तमवि धरिउं । पउणीकरेहि जलगं जेण विसोहेमि अप्पाणं' ॥ ३२८॥ इय कयनिच्छयमचंतदुक्खियं लक्खिऊण तं मंती । काऊण रहं पभणइ 'सामि ! निसामेहि परमत्थं ॥ ३२९॥
केरिसओ सो भिन्चो हिया-ऽहियं सामिणो न जो मुणइ । सुपरिच्छियं खु कजं परिणाममुहावहं होइ ॥३३०॥ 30 भणियं च
पढम चिय रोसभरे जा बुद्धी होइ सा न कायया । अह कीरइ ता नूणं न सुंदरो तीए परिणामो ॥ ३३१॥ ता सुपरिच्छियहेऊ अच्छइ सा रक्खिया मए ताव । आइसउ फुडं देवो जं संपइ तीए कायव्वं ॥ ३३२ ।। १ कुणह खं१ भ्रा० ॥ २ सङ्केत:-"हिजो त्ति द्वितीयदिने" ॥ ३ परिजूरिऊण जे०विना ॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |