Page Text
________________
१९
३०२ ]
अमियतेयसूरिदेस गाए पउमरायकहागयंतग्गयं धगसिद्धिपुत्तचउक्कऽक्खाणयं । तो संभासनिमित्तं आहूओ सयणपरियणो तेण । अन्नो वि नयरलोओ जहारिहं खामिओ तह य ॥ २७३ ॥ अह बंधवेहिं भणिओ सेट्ठी 'तुह सुटु धीरया हियए । मुठ्ठ को सम्माणो जणस्स, एकं तह वि भणिमो॥२७४ 'दीसंति जणयविरहे कलहन्ता अत्थकारणे णेगे। एक्कोयरा वि पायं जणएहिं अछिन्नसंबंधा ॥ २७५ ॥ ता अम्ह समक्खं चिय तहा निरूवेहि सममगो भागे। जह तुह न होइ अयसो नेहच्छेओ य एएसि' ॥ २७६ ॥ 'साहु भणियं ति भणिउं भणिया अह तेण नंदणा सव्वे । “समुदाए चिय सोहा जायइ सन्चस्स जियलोए॥२७७ । जं लोयणेहिं वयणं, वयणेण य लोयणाइं रेहेति । सौलेहिं पल्लवा, पल्लवेहिं साला विरायंति ॥२७८॥ तहाकड्दति गुरुं पि भरं समचित्ता मुरहिनंदणा दो वि । कड्ढो यड्ढिकरा पुण अवि जुत्ता किलम्मति ॥२७९॥ ता संघियाए पुत्ता ! बट्टे जह, एस मज्झ उवएसो । अह न वि वट्टह एवं ता सम्म सुणह मह वयणं ।। २८० ॥ चिट्ठति महाकलसा अग्गेयाइसु घरस्स कोणेमु । कमसो ते गिन्हेजह तूसेज्जह तेहिं सव्वे वि" ॥ २८१॥ इय भणिय मए जणए तणया काऊण तस्स किच्चाई । नेहनिरंतरहियया ठिया चिरं एगसंवासे ।। २८२ ॥ 10 घरिणिविसंवायाओ कयाइ जुयगेहकरणकामेहिं । खणिऊण तेहिं गहिया कमेण कलसा जणयमणिया ॥२८॥ तेसु य धणस्स कुंभे धृली, धणयस्स अढिसंघाओ । धम्मस्स उ वहियवडा, दिवा सोमस्स दीणारा ।। २८४ ॥ तो धणपमुहा तिम्नि वि वजेण व ताडिया महीबढे । पडिया झड ति मोहा, पञ्चागयचेयणा य पुणो ॥२८५॥ उर-सिरदिन्नपहारा हाहारवमिलियबंधवाण पुरो। विलवंति 'अहो ! पिउणा वीसत्था वंचिया अम्हे ॥ २८६ ॥ सोमस्स सम्बसारं दिन्नं, अम्हाण धूलि-हड्डाई । किं ताय ! तुम्ह जुत्तं एरिसमसमंजसं किचं ? || २८७ ॥ 15 इय बहुहा विलवंता भणिया मज्झत्थसयणवग्गेण । 'सव्वं पि चउम्भायं करेह किं एत्थ कलहेण ? ॥२८८ ।। सोमेण तओ भणियं “चउभागमिणं न होइ कइया वि । मं मारिऊण गिन्हह सव्वे तुम्भे तिहा काउं ॥ २८९ ।। जइ तुम्ह कम्मदोसा दव्वं पि हु धूलिमाइ पल्टुं । ता किमिह मज्झ दंडोज इच्छह मं पि फेडेउं ? ।। २९०॥ तं सच्चमिणं जायं विगत्तनासा डहेइ किर धूवं । विनवइ देवि ! पेच्छसु मए समं सबलोयं पि" ॥ २९१ ।। इयरेंहिं तो भणियं 'मुद्धय ! अइलुद्धओ सितं जेण । लूहसि मुहाई अम्हं एवं सव्वंगिलो होउं ॥ २९२ ॥ 20 ता कुणसु सयणवयणं, ववहारेण व विणिज्जिउं अम्हे । उवमुंजसु धणमेयं, तइओ पुण नस्थि इह मग्गो' ॥२९३॥ एवं ते विवयंता भणिया सयहिं 'कुणह ववहारं । मा अबरोप्परकलहा अणत्थसयभायणं होह ॥२९४॥ किं बहुणा ? छम्मासे धम्महिगरणं पि सेवियं तेहिं । न य तिनो छिन्नेउं ववहारो ताण केणावि ।।२९५।। पयड मिणं देवस्स वि इहं पि अत्थाणमंडवे जेण । नियबुद्धिविहवगन्धियमंतीहिं वि ते न संठविया ॥२९६ ।। तो ईसिहसियपुव्वं नरवइणा जंपियं 'कहसु भद !| छिन्नो न व त्ति केणइ ववहारो ताण वरयाण?' ॥२९७॥ 25 'जीव' त्ति भणंतेणं भणियं तेगावि 'देव ! तुम्भेहिं' । कारणिएहिं वि जाहे उवेक्खिया ताव सविलक्खा ॥२९८॥ नयरंतरं वयंता पत्ता पञ्चन्तगामदारम्नि । द₹ण सुहासीणं पसुवालं विस्ससालीढं ॥ २९९ ॥ कयजोकारा सव्वे उवविठ्ठा पुच्छिया य ते तेण । 'कत्तो कत्थ किमत्थं चलिया साहेह भो पहिया !? ॥३०॥ तेहिं वि 'सरलसहावो एसो जणओवमो' त्ति काऊण । सिटुं जहट्ठियं चिय निययं चरियं सनिव्वेयं ॥३०१॥ हसिऊण तेण भणियं 'किर नयरे पढियपंडिया लोया। एयारिस पि पयर्ड कह तेहिं न लक्खियंकजं?॥३०२॥ 30 अहवा
१ मणियं भणिया जे०॥ २ सबेत:-"सालेहिं ति शाखिभिः" ॥ ३ सङ्केत:-"संघियाप त्ति सजतत्त्वेन" ॥ ४ सर्वगिलः सर्वभक्षक इत्यर्थः ।।
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |