Page Text
________________
पुहवीचंदचरिए पढमे संख-कलावईभवे
[१. २४७अह संलत्तं तीए 'नामुक्कसियाइं तुम्ह बहुयाई । अम्बं पि नत्थि पुग्नं, पम्हुसणं तेण देवस्स ॥ २४७ ॥ अणुभूयवेयणो च्चिय जाणइ परवेयणं जणो पायं। तं पिययम ! कयपुन्नो कहऽम्हऽनिटं वियाणासि ॥२४८॥ हियए धरिओ सि सया, नयणेहि वि पुलइओ सि तं बहुसो । अंगं पुण पिययमविरहचिचिणा नियं दड्डे' ॥२४९॥ एमाइविविहचडुकम्मरम्मकिलिकिंचियम्मि पारद्धे । बहुकामसत्थसंसियविचित्तकरणंगहारेहिं ।। २५० ॥ अइवल्लहो त्ति पुण दुल्लहो त्ति रंजिउमणाए देवीए । पोढत्तणओ परिहरिय हिरियमह रामिओ राया ॥२५१॥ विन्नाणविम्हिओ वि हु पगब्भयं तारिसं नियच्छंतो । पच्छिम जामे सहसा वियप्पिउं एवमाढत्तो ॥ २५२ ॥ 'किर एसा नवमहिला चरियं पुण पोढरमणिरमणीयं । एयं ददं विरुद्धं, किं मन्ने छिर्छई एसा ? ॥ २५३ ॥ अह विन्नाणपगरिसो एरिसया करणदच्छयाऽउन्या । कत्तो कुलनारीणं पढमम्मि समागमे पइणो ? ॥२५४॥
एवं विचिंतयंतो जलंतकोवानलो अजंपंतो । 'कह मारेमि सयं चिय नारि' त्ति सचेयणो मणयं ।। २५५ ॥ । 10 निक्खमिय वासभवणा सचिवं सदावि भणइ राया । 'कारेहि पाणनासं पच्छन्नमिमीए पावाए' ॥ २५६ ॥
अप्पडियारं को कलिऊण न तेण कारणं पुढे । 'आएसो' त्ति भणित्ता नीया ठविया य पच्छन्नं ॥ २५७ ।। चिंतियं च'मुंचंति साणुरायं, महंति सम्भावनेहपरिहीणं । गुणमवि मुगंति दोस कामग्गहमोहिया पायं ॥ २५८ ॥
मलिणंगी वि अणिंती रोयइ, इंती न उज्जलंगी वि । जूइयरस्स कवुड्डी रमणी पुण मयणवसयस्स ॥ २५९ ॥ 15 पेच्छइ खूणसयाइं अविजमाणाई हिययदइयाणं । संतं पि दोसजालं न नियइ इयराण रागंधो ॥२६०॥ तहा
विणयविणयाण थड्ढा, थड्हाण हवंति विणयविणयंगा। रागविसविधज्जासा सव्वे च्चिय कामुया पायं ॥२६॥ ता परिकप्पियदोसो अवगयरोसोऽणुतावजरविहुरो । पउणेयचो देवो एयं परमोसहिं दाउं' ॥ २६२ ॥ इय बुद्धिलद्धतत्तो कयंजली वारिऊण रुयमाणि । धीरविऊण य देविं पत्तो रायंतियं मंती ॥२६३ ॥
राया वि तीए चरियं समुबहंतो निरंतरं हियए । विम्हय-रोसवियकासंवलियरसं अणुहवन्तो ॥ २६४ ॥ 20 चिट्ठइ अत्थाणगओ अत्थाणगओ गुणो व्च विच्छाओ । मंदं निज्झायंतो विज्झायंतो पईवो च ॥२६५ ॥
दठ्ठण तमहसंतं मोणत्थं मुणिवरं व उवसंतं । छेएहिं समाढत्ता अब्भुयभूया विविहवत्ता ॥ २६६ ॥ तत्थ हसिऊण भणियं सुलट्ठकंठेण विट्ठवंठेण । 'चित्ताण परं चित्तं जं वित्तं संपई इहई ॥ २६७ ॥ 'भो भो ! कहेह किं तं ?, वट्टामो सत्रणलालसा धणियं । भणिओ संहासएहिं सहासएहिं कहइ एसो ॥२६८॥
[१. धणसेट्टिपुत्तचउकऽक्खाणयं ] आसि इह धननामो विउसो चाई पियंवदो सुयणो। सयलजणबहुमओ गयमओ य सेट्ठी गुणगरिठ्ठो ॥२६९।। तस्स य सिरियाएवीसमुभवा सयलजणमणाणंदा । धण-धणय-धम्म-सोमा अस्थि सुया विस्सुया चउरो ॥२७०॥ ते वि य जोव्वणपत्ता पावियअणुकूलकुलयसुकलत्ता। चिट्ठति जाव सुहिणो रंजियसुहिणो कलानिहिणो ॥२७१॥ ताव य देवनिओया बहुधण-धनस्स तस्स धन्नस्स । जायममंद मंदं गयजीयास जणपयासं ॥ २७२ ॥
१ सङ्केत:-"नामुक्कलियाई ति प्रयोजनानि" ॥ २ सङ्केत:-“पम्हसणं ति विस्मरणम्" ॥ ३ सङ्केत:-"चिन्चिणं(चिण) त्ति वहिना'॥४ सङ्केत:-"किलिकिंचियम्मि ति क्रोधाश्रु-हर्ष-भीत्यादेः सङ्करः, किलिकिंचित' ॥
५ सङ्केत:"छिछइ त्ति स्वैरिणी" ॥ ६ सङ्केतः-"मलिणंगी वि इत्यादि, अन्धिकबूते किल पञ्चवर्णाः पञ्च कपर्दिकाः पात्यन्ते, यस्य च दायोऽभ्येति स हारयति, अन्येषां घृत काराणामुहितं ददाति, मामता यदा मलिनाङ्गयपि कपर्दिका दायं तस्य च ददाति तदा रोचते, पराजयाभावात् : उज्ज्वलाङ्गयपि च दायं ददती नैव रोचते, पराजयात्' ॥ ७ "शुक्लादिवर्णपटे हि वर्णान्तरगुणः" जेटि० ॥ ८ संपर्य जे.विना ॥ १ सङ्केत:-"सहासपहि[सहासपहिं] ति सभासद्भिः सहासकैः" ॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |