Page Text
________________
१४
पुहवीचंदचरिए पढमे संख-कलावईभवे
[१. १७७
चेहे ! न याणसि माणिउं रायलच्छि, राइणो वि पडिकूलं वट्टसि, ता सहसु संपयमेव दुचरियफलं' ति फरुसवयणाहिं सहस त्ति छिन्नं से सकेजर-कडयाइभूसणं वाहुलयाजुयलं । तओ 'हा ताय ! हा माय !' त्ति भणंती विहलंघलगत्ता निवडिया एसा भूमितले, कह कह वि पावियचेयन्ना विलविउं च पवत्ता ।
कहं___ "हा देव्य ! कीस मज्झं एवं कुविओ सि निग्विणो होउं । जेण अतक्कियमेवं करेसि अइदारुणं दण्डं ?॥१७७॥
किं नत्थि तुज्झ गेहे मए समा का विवालिया पाव !? जेण न याणसि निटें हयविहि ! दिन्तो दुहमणिहँ॥१७८॥ हा अजउत्त! जुत्ता असमिक्खियकारिया न ते विउणो।दहिही अहियं हिययं अणुतावोधीर ! तुह वि उणो॥१७९॥ जाणंतीए न कओ नाह ! मए तुज्झ विप्पियलबो वि । अन्नाणकए पिययम ! जुत्तो न हु एरिसो दण्डो॥१८॥
कम्नेजवेण केणइ सिटं तुह किं पि, तं न याणामि । सद्दहमु मा हु सुमिणंतरे वि सीलस्स मालिन्नं ॥१८१॥ ___ सो नेहो, सो पणओ, सा पडिवत्ती, तयं मुहालवणं । एकपए चिय निग्षिण ! कह पम्हुटुं तुहेयाणि ? ॥१८२॥
'खणरत्त-खणविरत्ता नारी, पडिवनपालिणो मुयणा' । एसा वि जणपसिद्धी विवरीया अज संजाया ॥१८३॥ हा ताय ! माइ ! भाउय ! आसि अहं पाणवल्लहा तुम्ह । ता किं न परित्तायह मरमाणी दुक्खमरणेण ?" ॥१८४॥
एवं च पीडाउलमणाए विलवन्तीए सहस त्ति आउलीभूयमुदरं । तओ कलिऊण पर इसमयं लज्जाइसएण गया पच्चासन्ननइतीरसंठियवणगुम्मं । पयट्टा मूलवेयणा, पम्या महाकिच्छेण । मुच्छावसाणे नियच्छन्ती चलणंतरे 15 देवकुमाररूवं दारयं गहिया हरिस-विसाएहिं ।
जओआवइगयं पि सुहयइ, हासइ गुरुसोगगहियहिययं पि। मरमाणं पि जियावइ, अवच्चसंजीवणी जीवं ॥ १८५।। भणइ 'मुजायं पुत्तय ! होजमु दीहाउओ मुही सययं । वच्छ ! करेमि किमन्नं वद्धावणयं तुहाऽभग्गा ? ॥ १८६॥
एत्यंतरे सो दारओ चडप्फडंतो नईए सम्मुहो लुढिउमाढत्तो । तओ ससंभमा कह कह वि चलणेहिं धरि20 ऊण करुणं भाणउं पयत्ता
'हाहा कयंत निग्विण ! तुट्ठो सि न एत्तिएण किं पाव ! दाऊण पुत्तयंजं पुणो वि अवहरिउमारद्धो ? ॥१८७॥ भयवइ नइदेवि ! तुहं पणया पाएसु दीणवयणा हं । पणयपियंकरि ! करुणं करेहि, अवहीर मा एवं ॥ १८८ ।। जइ जयइ जए सीलं, जइ ता सीलं कलंकियं न मए । ता दिव्यनाणनयणे ! कुण बालयपालणोवायं' ॥१८९।। इय दीणं कंदंती कारुन्नगयाए सिंधुदेवीए । सोहणयरभुयलइया निरुया य कया खणेणेसा ॥ १९०॥ अमयरसेण व सित्ता अणुहविरी तणुमुहं अणणुभूयं । करयलजुएण घेत्तुं बालं संठवइ अंकम्मि ॥ १९१ ॥ "जय नंद देवि!, भदं निकारणवच्छलाए तुह होउ । जीवाविया अणाहा सामिणि ! तुमए सुदीणा ॥१९२॥ किं मज्झ जीविएणं एवंविहपरिभवग्गिभुग्गाए ?। किंतु न तरामि वच्छं मोत्तुमणाहं विसालच्छं ॥ १९३॥ किर काही सुयजम्मे राया नयरे छणं महच्छरियं । नवरं विहिपरिणामो एसो अइदारुणो जाओ ॥ १९४ ॥
रज्जति जाव कज्ज, कयकज्जा दुज्जण व दुर्मिति । जे ते कारिमनेहा हा हा ! धी निग्घिणा पुरिसा ॥१९५॥ ... 30 अवि य
खणदंसियरायरसा खणेण संजणियगुरुयसंतावा । दूरहिएहिं पुरिसाऽभिवंदणिजा दिणयर व ॥१९६॥ पियसाउल्लपिसल्लो जाण मणोमंदिरे न संवसिओ । निमिसंतरं पितासिं नमो नमो बालसमणीणं ॥ १९७ ॥ १ सङ्केत:-"पियसाउल्लपिसलो त्ति प्रियानुरागपिशाचः" ।
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |