Puhaichandchariyam

SR No.: 001370
Original Sutra Author: Shantisuri
Author: Ramnikvijay Gani
Publisher: Prakrit Text Society Ahmedabad
Publication Year: 2006
Total Pages: 323
Language: Prakrit, Sanskrit
Classification: Book_Devnagari & Literature
File Size: 9 MB

Page 72

१७६]
कुसंकिएण संखराएण कलावईए अरण्गम्मि छावणं । देवीभवणमागच्छंतो हसियसदमायन्निय 'किमयाओ मुविसत्यं जपंति ? ति सवियको गवक्खेणावलोइउं पयत्तो। पेच्छइ देवी भुयाअंगयाइं, ताव य सहीओ उदिस्स भणियं देवीए'अमयरसेण व सित्तं मह नयणजुयं इमेसि ईसणओ । अहवा सो चेव मए दिट्ठो एएहिं दिडेहिं ॥१५३॥ एएहिं परिहिएहि ओसत्तो नेहनिभरो स मए । मरिउं व जीवियं मे हिययं तन्नामगहणेण ॥ १५४ ।। अन्नं च उयह चोजं गयसेट्ठिसएण मग्गियं एयं । तह वि हु न तेण दिन्नं पाणपिओ सो विजं तस्स॥१५५॥ 5 भणियं सहीहिं 'सामिणि! तुमम्मि जं तस्स नेइसव्वस्सं। अन्नत्थ तारिसं किं संभवइ ? किमेत्थ किर चोजं? १५६॥ एवं अगहियनाम उल्लावं तासि बहुविहं सोउं । ईसावसेण राया गसिओ कुवियप्पसप्पेहि ॥१५७ ॥ 'हिययस्स कयाणंदो एयाए वलहोऽवरो कोइ । अयं विणोयमेत्तं वसीको कवडनेहाए ॥१५८॥ किं निहणामि इमं चिय?, किंवा घाएमि बल्लहमिमीए ?। का होज एत्थ दुई ?,संजोगो केण अह घडिओ? ॥१५९
एवं गुरुरोसजलणजालावलीकवलियविग्गहो अकहणीययाए कज्जस्स कं पि पुच्छिउमणिच्छंतो असंकणिज्जं 10 पि संकेतो नियत्तिऊण गओ सभवणं राया। तत्थ वि असंपत्तसुहेण कह कह वि दिवससेसमइवाहिऊण अत्यंगए पयंगमण्डले वियंभमाणे तिमिरनिउरुम्बे पच्छन्नं वाहरिऊण भणियाओ समइवियप्पियं सोयरियवहूओ । पडिवज्जिऊण य गयाओ ताओ। रन्ना वि समाणत्तो निकरुणो नाम नियभडो छन्नं । 'पच्चूसे चिय देवि उज्झसु अमुगत्यं रन्नम्मि' ॥१६०॥ अह सो पहायसमए पउणित्ता रहवरं तुरियतुरयं । पभणइ देविं 'आरुह रहम्मि एयम्मि अविलंबं ॥१६१॥ 15 कुसुमुज्जाणे रमिउं राया संपत्थिओ गयारूढो । तुह आणयणे सामिणि ! आएसो अम्ह संजाओ' ॥१६२॥ सरलसहावा एसा ससंभमा रहवरं समारूढा । तेणावि चोइया तक्खणेण तुरया पवणजवणा ॥१६३॥ 'केत्तियदरे राया?' 'सुंदरि! एसेस अग्गओ जाइ । एवं जपंताई ताई रन्नम्मि पत्ताई ॥ १६४॥ ताव पहाया रयणी विमलीभूयाई दिसिवहुमुहाई । रायाणमपेच्छंती देवी दढमाउला जाया ॥१६५ ॥ भणइ य'हा ! निकरुण ! किमेयं ?, न दीसई एत्य कत्थई राया। उज्जाणं पि न दीसइ, वेलविया कीस तुमए इं?॥१६६॥ न य सुबइ तूररवो, न जणरवो किंतु रन्नमेयं ति । सुविणमिणं मइमोहो किर्मिदयालं ?, कहसु सच्चं' ॥१६७॥ इय संभमप्पलावं देविं दीणत्तमागयं दटुं । निकरुणो वि सकरुणो न तरइ पडिउत्तरं दाउं ॥१६८॥ ओयरिय रहा तत्तो पुरओ कयकरयलंजली होउं । सोयभररुद्धकंठो रुयमाणो भणिउमारद्धो ॥ १६९ ॥ 'हद्धी ! धिरत्थु पावो देवि ! अहं सच्चमेव निक्करुणो । जेणेरिसम्मि कम्मे निओइओ हयकयन्तेण ॥ १७० ॥ 25 सो देवि ! वरमजाओ पावयरो पावचेडिओ दुट्ठो। सेवोवज्जियवित्ती धारइ जो जीवियं पुरिसो ॥१७१॥ जुज्झइ जणएण सम, विणिवायइ भायरं सिणिद्धं पि । सेवयसुणओ वैरओ पहुवयणा विसइ जलणं पि ॥१७२॥ ओयरिय रहवराओ ता निविससु एत्थ सालछायाए । एसो गयाएसो, अन्नं भणिउं न पारेमि' ॥ १७३॥ विज्जुनिवायब्भहियं तन्वयणं सुणिय मुणियतत्तत्था । ओयरमाणी मुच्छाबसेण धरणिं गया देवी ॥१७४॥ इयरो वि रहं घेत्तुं रुयमाणो चेव पडिगओ नयरं । पत्ता चिरेण कह कह वि चेयणं अह पुणो देवी ॥१७५ ।। 30 जा चिटइ रुयमाणी अइकरुण कुलहारस्स सरिऊण । ता पुन्बनिउत्ताओ पत्ताओ पाणविलयाओ ॥१७६॥
ताहिं च महारक्खसीहिं व कत्तियाकरालकराहिं निकारणकोवुब्भडभिउडिभंगभीसणाहिं 'हा दुट्टे ! अणि?१ “अस्तगते सूर्यमण्डले" भाटि० ॥ २ वरामो खं१ खं२ श्रा० ॥ ३ सङ्केत:-"पाणविलयाउ ति चण्डालस्त्रियः" ॥
20