Page Text
________________
१३८]
जयसेणकुमार-संखरायाणमालावो कलावईए दाणं परिणयणं च । सबहा वनणाईयगुणरयणभरियं निहाणमिवाऽऽणंदयारि देवस्स चरियं । अन्ज कयदेवावलोयणेहिं कयत्थीभूयमम्ह लोयणेहि, देववयणसवणा सफलीभूया सवणा"। ताहे दत्तेण संलत्तं 'महापसाओ अम्ह जमियाणि पि पत्तिभो सि । ताव य ससिणेहमालत्तो कुमारो राइणा 'सुंदर ! अइसज्जणो तुमं जो एत्तिएण वि घेप्पसि, अहवा
घेप्पंति सुहेणं चिय सहावविमलाइं सुयणहिययाई । पडिबिंबिज्जइ अप्पा किर केण न दप्पणुच्छंगे?॥ १२६॥ जं विजयरायतणओ तेण तए एरिसेण होयव्वं । सहयारपायवाओ न होइ कइया वि किंपायं ॥ १२७॥
एत्यंतरे पढियमवसरपाढएण'अह सो सकरचुन्नमज्झि घयपुन्नु विलोट्टइ, खंडुम्मीसियसत्तुकुंडि घयवाहु पलोट्टइ
चाउज्जायउं कढियदुद्धि ल्हसि हत्थह पडियउं, जं दइविं सज्जणकुडुम्बु एरिसु संघडियउं; कहिं गुणसायरु संखपहु?, विजयराउ कहिं संवसइ ?। दीवंतरह वि रयणु विहि, जोग्गि जोग्गु जोइविनसइ' ॥१२८॥
तो 'साहु साहु त्ति भणंतेहिं पाढगस्स सव्वेहि वि कओ पसाओ। एवं च विउसगोट्ठोए चिट्ठिऊण 10 कयजहोच्चियपरोप्परसम्माणा अन्नोन्नासामन्नसोजन्नवन्नवाइणो गया सव्वे नियनियहाणेसु । किं बहुणा ?, एवं मुहमच्छंताण समागओ विवाहदियहो । तओ
वजंतचित्ततूरं तूररवारद्धवारवहुनढें । नट्टायड्ढियलोय लोयमणो नयणकयतोस ।।१२९॥ तोसभरमिलियकामिणिमुहपंकयरीरियंगणाभोयं । भोयणविभत्तिभावियनायरनर-नारिकयवन्नं ॥१३०॥ वन्नंतचित्तचारणमणोरहाईयदाणरमणीयं । रमणीयणगिजंतसुतारमहुरमंगलसमिद्धं ॥ १३१॥ मंगलसमिद्धकयविविहकोउयं जणियसयणपरिओसं । परिओसराहवर-बहुतूरन्तमिलंतकरकमलं ॥१३२॥ सयलजणहिययहरणं वढियपणयं अंदाणसंवरणं । तेसिं पाणिग्गहणं वत्तं कुलकिञ्चनिन्चहणं ॥१३३॥ जयसेणकुमारेण वि हय-गय-धण-कणयभूसणाईयं । दिन्नं कलावईए अइरित्तं जणयभणियाओ ॥ १३४ ॥ अह संखमहाराया तिहुयणविजयं व पाविउं सहसा । लाभे कलावईए अहियं मणनिव्वुई पत्तो ॥१३५॥ जयसेणस्स वि अहियं पीई एयम्मि भइणिनेहेण । पडिवत्ति-गोरवेहि य जाया अहिया गुणनिहिस्स ॥१३६॥ 20 गुरुहास-तोस-पंडियकहाहिं सुहमच्छिऊण बहुदियहे । पिइहिययदुक्खभीरू तहा वि गमणूसुओ जाओ ॥१३७॥
भणिओ य तेण राया 'देव ! दुपरिचया तुम्ह पाया, तहा वि पियरो अद्धिइं काहिति ता अणुजाणह, बच्चामि सहाणं' । राइणा वि भणियं--
"पियदसण-धण-जस-जीवियाण सज्जणसमागमाणं च । को पज्जतिं पावइ एक मोत्तूण जियरायं? ॥१३८॥ ता कुमार ! किं भणिमो ?, तहा वि अविग्घेण गच्छह, पुणो तुरियं दंसणदाणेण अम्हे आणंदेजह, न य 25 कायव्यो कलावई विसए चिंताइरेगो । जओ निरुवमगुणगणभूसिया एसा सवपरियणवल्लहा य, नरयणावली कस्सइ चिंताए अग्घई"त्ति । जयसेणेण भणियं-"सच्चमेयं, भणियं च भणियवमिह विसए तारण 'ता सव्वहा तुन्भेहि एसा चिंतणीया नासगभूया य मन्नियब"त्ति । एवमाइकयसंभासो विरहविहुरं रुयमाणिं कलावई बहुहा संठवऊण कयाणुगमणो राइणा पयट्टो कुमारो । कमेण पत्तो देवसालं ति ।
संखराया वि संपत्तमणोरहो कलावईए सद्धिं भोए भोत्तुमारद्धो । अवि य
१"त्वगेला पत्रकैस्तुल्यैत्रिसुगन्धं त्रिजातकम् । नागकेसरसंयुक्तं चतुर्जातकमुच्यते ॥१॥" जेटि० ॥ २ सङ्केत:-"रीरियं ति भूषितम्" ॥ ३ सङ्केत:-"राह त्ति निरन्तरः शोभितः सनाथो वा" । 'रोमाञ्चित" जेटि० । “पुलक" खंटि० ॥ ४ “न दानस्य
30
निषेधः" जेटि०॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |