Page Text
________________
पुहवीचंदचरिए दसमे कुसुमाउह - कुसुमकेभवे
[ १०.८९
एत्यंतरे पत्थिओ तभयरवासी वासवदत्तो सत्थवाहो चंपाउरिं । 'अत्ताणनिव्विसेसो त्ति दिनवाहणाइपरियरा भलाविया तस्स पिंयमई धणंजाण । पंत्ता सिंधुवद्भणनयरं, आवासिओ तयासभुज्जाणे सत्थो, तयासन्नसहयारपियमईवि । तम्मिय नयरे सुंदरी नाम राया गुरुमूलधम्मसवणपडिबुद्धो पुरंदरभायरं रज्जेऽभिसिंचिऊण पव्वइउमिच्छइ । सो त्रिसंसारविरत्तमणो न तं पडिच्छइ । 'नत्थि अन्नो रज्जारिहो' त्ति अहिवासियदिव्वेहिं रायारिह5 मनिसावे । कम्मधम्मसंजोएण पडिवनो दिव्वेहिं कुसुमाउहो सदेवीओ नीओ रायमंदिरं । 'कल्लाणागि ' ति हरिसिया सुंदर - पुरंदरा । 'माय !' त्ति भणिय पणमिया पियमई, भणिया य 'अम्ब ! पडिवज्ज रज्जभारं, उत्तरामो तुहप्पसारण पडिवन्नसंजमजाणवत्ता दुत्तरं संसारसारं ' ति । पियमईए भणियं 'पुत्त ! अबला अबला चेत्र होड़, बालिसो य एस तुम्ह भाया, ता संपयं जमेत्थ जुत्तं तं सयं चैव वियारेह' ।
एत्थन्तरे विनायवृत्तंत्तो समागओ तत्थ वासवदत्तो विघ्नविडं पैयत्तो 'देव ! एसा अंगा हिवइणो जयरायस्स 10 महादेवी नासगभूया मम संपयं, ता मुंचह एयं जेणाहं नोवालंभभायणं भवामि त्ति । तओ 'किं पियमई कलिंगाहिवधूया मम माउच्छा चेव तुमं ?" ति सुंदरेण पत्ता परुना देवी समासासिया सुंदरेण, सत्यवाहो वि भणिओ 'पत्ता एसा नियघरं, ता वच्च निव्वुयमणो, जाणावेज्जासि एयवइयरं जयराइणो' ति । ताहे देविमउच्छिऊण गओ सत्यबाहो । सुंदर-पुरंदरात्रि 'अम्ह चेत्र बंधवो एसो' त्ति मंति-सामंताणं जाणाविय कुसुमाउहस्स कयाभिसेया समीहियमणुचिट्ठिउं पवत्ता । कुसुमाउहो वि अखंडियसासणो राया संकुत्तो ।
15
या अवतिदेसाहिवो रायसेहरराया सोऊण तं बालरज्जं नियबलुम्मतो कुसुमाउहस्स दूयं विसज्जइ, भणइ य 'समप्पेहि मे गय-तुरयाइयं, पडिवजाहि य भिचभावं जेण सुहेण चिट्ठसि । अवि यन जिय सुहं विहंगो गहिएण महामिसेण चंचूए । पेच्छंतेसु छुहालुयओलावय ढंक-कंकेसु ।। ८९ ।। star #ईओ महिवईणमसि होसु मा गम्मो । चिद्वसु निन्भयहियओ मउ व ताराहिवल्लीणो ॥ ९० ॥ इय दूयगिरं सोउं संदिट्ठे सालमंतिणा तस्स । 'सेवाविहिं न याणइ अज्ज वि कुसुमाउहो बालो ॥ ९१ ॥ अज्ज विकीलिकामो गय-तुरयाईहिं एस सयमेव । ता तुज्झ कहं पेसइ बालसहावा अबीहंतो १ ।। ९२ ॥ नइ पुण अवस्सकज्जं तुह पहुणो तुरय- दंति- भिचेहिं । पेसउ भण्डागारं जेण किणावित्तु पेसेमि' ॥ ९३ ॥ इय सावन्नं भणिओ दूओ पडिभणइ कोवपज्जलिओ । 'एरिसमंतीहिं चिरं काही कुसुमाउहो रज्जं ! ॥ ९४ ॥ कारिज किर रज्ज राया मंतीहिं दीहदंसीहिं । वालत्तमबालत्तं न कारणं पुइपालाणं ।। ९५ ।। दाणेण पणामेण व साहिज्जइ दुब्बलेहिं बलसाली । लीलुल्लावेहिं न तस्स रोसणं संगयं एवं ॥ ९६ ॥ पणईए जो पसज्जा किं तस्स पवढिएण कोवेण ? । न हि नहछेज्जं कज्जं कीरइ हु कुहाडयच्छेज्जं ॥ ९७ ॥ देइ पन्नो सोक्खं देवो इत्र रायसेहरो राया । कुविओ जमो व्व दावानलो व्त्र सहसा खयं नेइ' ॥ ९८ ॥ इय जंपतो दूओ भणिओ सालेण मइविसालेण । 'अट्ठावियमतित्तं करेसि किं मूढ ! परगेहे ? ॥ ९९ ॥ किं तस्स पसायाओ भुंजइ कुसुमाउहो इमं रज्जं ? । जं तुज्झ सामिओ सो निल्लज्जो एवमाणवइ ॥ १०० ॥ - बालं कलिऊण इमं पडिवो पोरुसेण तुह सामी । छलमभिसंति निययं कीवा लीवाँ वि (? व) भसणाणं ॥ रे दूय ! बुज्झ फुडं एसो बालो वि तुम्ह न हि सज्झो । दुब्बलो वि सीहो गंजिज्जइ जंबुयाईहिं ? ' ॥ १०२ इय निठुरवयणपण्डकण्डसन्ताडिओ महाकोना । साहइ जहट्ठियं दुट्ठमन्तियं नियनर्रिदस्स ।। १०३ ॥
20
25
१९४
30
१ पता सिववद्धण जे० विना ॥ २ पवत्तो जे० विना ॥ ३ जाणविज्जासि खं १ ॥ ४ माउच्छिय गओ जे० विना ॥ ५ पन्ना | जे० ॥ ६ 'मदीयः' इत्यर्थः ॥ ७ संकेत:- "लीवा वि ( १ ब ) [ भसणाणं ] ति शुन मालका [ ? इव ]" ॥
Jain Education International
For Private Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |