Page Text
________________
15
८८] कुसुमाउहस्स जम्मो ।
१९३ वसिम ते दंसेमो' त्ति । तओ पियमई देवी संजायजीवियासा बहुमग्निऊण तव्वयणं ठिया तत्थ केइ वासरे। अन्नया विश्नत्तो ताहिं कुलबई । तओ तेण परिणयतावसे हिं सह पेसिया सिरिउरं । दंसिऊण वसिमं नियत्ता तावसा । इयरी वि गम्भभरालसा किच्छेण पत्ता नयरुजाणं, समासत्था सहयारच्छायाविस्सामेण, सोऊण य समासन्नचेइए जिणत्थुइनिनायं सहरिसा गया जिणहरं, वंदियाओ पूयासामग्गिविरहाओ अंसुजलपव्वालियगंडयलाए कालोचियविहिणा जिणपडिमाओ, तयणंतरं च साहम्मियवग्गो । तओ बहुमाणसारमासासिया जिणसुंदरि- 5 सावियाए, पुच्छिया य 'कओ साहम्मिणि ? 'त्ति । पियमई वि सोयभरनिरुद्धकंठा कि पि अकहिऊण रोविउं चेव पवत्ता । तओ 'न एयागिईए एसा सामन्नमहिला, अवि उत्तमवंमुभवा का वि' ति भाविंतीए साणुणयं भणिया जिणसुंदरीए 'महाणुभावे! भावेहि संसारसरूवं, किमेइणा सरीरसंतावयारिणा रोइएण ? । अवि य
एगंतदुक्खनिलए संसारे को दुहेसु उव्वेवो ? । अवगाहिऊण जलहि तिम्मियदेहो किमुब्बियइ ? ॥ ७५ ॥ एयारिसे वि एयम्मि पाणिणो अभिरमन्ति मोहंधा । मन्नन्ति खरा खारे लोहन्ता निव्वुइं परमं ।। ७६॥ 10 धनेहिं एस पावो भावियतत्तेहिं दूरओ चत्तो । न रमन्ति रायहंसा पेयवणे पूइगंधम्मि ।। ७७ ॥ सुलहाणि सुयणु ! दुक्खाणि एत्थ, दुलहो जिणोइओ धम्मो । लद्धे इमम्मि दिनो दुक्खाण जलंजली तुमए । ता मुंच विसायं सुयणु ! संपयं संपयं कुणसु धम्मं । एत्तो परं न विजइ महोसहं सव्वदुक्खाणं' ॥ ७९ ॥
एवं मिउमणोहारिभारईसारणीए निन्दावियहियया जिणसुंदरीए नीया सा नियमंदिरं, दंसिया जणणि-जणयाणं, तेहिं वि पडिवना धम्मदुहिया । साहियनियवुत्तन्ता जणयगिहे ब सुहमच्छिउं पैयत्ता ।।
अह गिम्हचरडविद्दवियजणवयं महियलं निहालितो । पसरियघणतूरखो अवयरिओ पाउसनरिंदो ॥ ८० ॥ आयड्ढियमुरघणुणा पूरसरासारवरिसिणा तेण । निव्वावियाई सहसा हिययाइं कुडुविलोयस्स ।। ८१ ॥ पत्तघणोदयसंगा उच्छलियनवंकुरोरुरोमंचा । कुणइ धरा सिंगारं परिहियतणनीलकंचुलिया ।। ८२॥ दतॄण घणासत्तं पुहइसहिं लन्जिय व्व नहलच्छी। घणवणगहणंतरिया न हि नज्जइ कत्थइ पउत्था ।। ८३ ॥ सुरगोवयच्छलेणं पायडरागं महीवहुं दट्टुं । पमुइयमण व मेहा पहसंति वलायपंतीहिं ॥ ८४ ॥ 20 नाऊण चिरुव्बूढ घणसंगरयं गिरीहिं महिमहिलं । लज्जाए व मुहाई घणनिबिडपडेहिं ठइयाइं ॥ ८५ ॥ निज्झरदीहरहारा नवकुडय-कयंत्रपुप्फपरिमलिया । निव्वुयमण व्व गिरिणो विरलिंति सिहण्डिदलकेसे ॥८६॥ घणरसियमुच्छियाओ पए पए पंथियाण परिणीओ । आसासिउं व परिओ 'पियं पियं' विति वप्पीहा ॥८७॥ इय पाउसे पवत्ते सायं पायं पियस्स सरिऊण । नेहनडिया रुयंती रोयावइ पियमई सहियं ॥ ८८ ॥
साणुणयं च भणिया जिणसुंदरिजणएण धणंजएण 'पुत्ति ! तुहासामन्नसोजन्नरंजियमणाणमम्हाण वि महई 25 मणपीडा वट्टइ, किन्तु गिरिसरीहिं दुग्गमा मग्गा, न संचलंति संपयं सत्था, ता चिट्ठ धम्मकम्मनिव्वुया वासारत्तं जाव, ततो परं सुत्थसत्थेण तुह समीहियसंपत्ती भविस्सइ' त्ति । पियमईए भणियं 'ताय ! तुह पायसुस्वसणपराए न मे काइ अनिव्वुई, किंतु दुरंतो पेमतंतुवंधो बला वि दुक्खमुईरेइ, करिस्सामि य जहासत्तीए तायाइ8'। ति भणंती निवडिया जणयचलणेसु । एवं च मुहं चिट्ठमाणी अन्नया सुहमुहुत्ते पसूया नयण-मणाणंदयारयं दारयं, गहिया हरिस-बिसाएहि, पडियरिया जिणसुंदरीए, कारियं धणंजएण रायाणमणुनविय चारयमोयणाइयं महावद्धावणयं । पस- 30 त्थवासरे रूवगुणरंजिएण सेटिणा कयं नामं दारयस्स कुसुमाउहो त्ति । वोलीणे वि पाउसे 'बालबच्छ' त्ति न विसज्जिया धगंजएण, टिया तत्थेत्र बरिसदुगं ।।
१ सङ्केत:-"संपयं ति शं-सुखं तस्य पद-स्थानम् , यद्वा साम्प्रतं-युक्तम्" ॥ २ पवता जे विना ॥ ३ परहिय जे. सं२ ॥ पु०२५
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |