Page Text
________________
१७६
पुहवीचंदचरिए नवमे कणयज्झय-जयसुंदरभवे
[ ९.६२सावा-ऽणुग्गहदाणा नचिय-हसिएहिं कूड-कवडेहिं । अम्हाण निविसेसा एगंतहिया न जंतूणं ॥ ६२ ॥ अनाणिणो वि नियमा जेण छलिज्जन्ति ते वरच्छीहिं । कीलारया पयाम बाल व्व हिया-ऽहियाकुसला ॥६३॥ ता कहणु तदुवइट्ठो लट्ठो धम्मो सिवऽप्पणपडिट्ठो ? । एवं च ठिए मन्ने धम्मो जिणदेसिओ चेव ।। ६४ ॥
ता दुल्लहं निहिं पिव एवं दिलु पि जे न गिन्हति । संसारदुक्खदालिदुवदवो सासओ तेसिं ॥ ६५ ॥ 5 अहवा किं मम परचिंताए ? करेमि एयस्स भगवओ पायमूले परलोगहियं । ति संपहारिय विश्नत्तो वैयमंत
रेण गुरू । लद्वगुरुसमाएसो पविट्ठो नयरं । तो पसत्थमुहुत्ते काऊण कणयज्झयकुमारस्स रायाभिसेयं, दाऊण जहोचियपसाए सामन्ताईण, महया विच्छड्डेण पन्चइओ सुमंगलमहाराओ।
कणयज्झय-जयसुंदरा वि जाया परमसावगा पालिंति रज्जं, अहिलसंति पयज्ज, भुंजति भोए, ऊसुया गुरुसंजोए, सलहिज्जति जणेण, न मज्जति धणेण, वड्दति हरि-करि-रह-जोहसंदोहेण, न य छिप्पंति लोहमोहेण, 10 कयप्पसाया खयराणं, निरीहा परगाम-नयराणं । कि बहुणा?
रणसंकहा पणट्ठा, पम्डुटुं चारयस्स नाम पि । सारेसु बंध-बह-मारणाई जाणइ जणो तइया ॥ ६६ ।। ते राम-केसवा इव जाया जं अड्ढभरहविक्खाया। वेयड्ढकूडबहुखयरमिहुणसंगीयगुणनिवहा ॥ ६७ ॥ जाणंति अरिं चकं, कडयं करमूलभूसणं चेव । जुज्झं तु मल्लजुझं अट्टणसालापवेसम्मि ॥ ६८॥
एगंतसुहपसत्ता विचित्तकीलाविणोयगयचित्ता । दोगुंदुग च देवा गयं पि कालं न याणंति ॥ ६९ ॥ ___ अह अन्नया पहाए पिंजरिए तरणिसारहिपहाए । पढियं किर मंगलपाढएण उद्दामसदेण ॥ ७० ॥
'जयइ पिहुपुहइमंडलपहियपयावो सुमंगलंगरुहो । जलज्जिओ व सूरो पेहइ उदयदिअंतरिओ ।। ७१ ॥ कह व न लज्जइ सरो कणयज्झयपुहइसामिणो तस्स । एगत्थठियस्स वि जस्स तिहुयणे पसरइ पयावो ॥७२॥ जयइ सुमंगलतणओ न माइ एक्को वि जस्स जसहंसो । रुंदे वि इंदि! वसुहासरम्मि लीलाए विलसंतो॥७३॥
एयं च मुणमाणेण चिन्तियं कणयज्झयराइणा 'किपमाणा पुण एसा मेइणी?, केत्तिया वा मम वसे वट्टइ ? 20 ति महंतमेयं कोउगं, ता करेमि दिसियत्तं । जओ भणियं -
निग्गंतूण गिहाओ जो न नियइ पुहइमंडलमसेसं । अच्छेरयसयरम्मं सो पुरिसो कूवमैण्डूको ॥ ७४॥ तहा बंदामि जिणिदजम्मण-निक्खमण-नाण-नेव्वाणभूमीओ, पूएमि पउरपुर-गामा-ऽऽगर-नगर-निगम-सन्निवेसेसु भवियजणविणिम्मावियचेइयाई, सासेमि जिणसाहुपडणीए, उद्धरेमि सडियपडियाइं जिणभवणाई, संथुणेमि
मुणिगणं, सम्माणेमि साहम्मियजणं' ति। निवेइओ नियमणोरहो जयसुंदरस्स मन्तिमण्डलस्स य। तेहिं वि तह'त्ति 25 वुत्ते दवाविया पयाणयढक्का । तओ सेणाहिवाएसेण चलियाओ कयचलंताचलभंतीओ मत्तदन्तिपंतीओ,
संपत्थिया समुप्पाइयसुरविमाणसम्मोहा संदणसंदोहा, पयट्टा विसट्टगहिरघग्घरारावसमुद्धरंगा विविहतुरंगा, पहाविया विविहपहरणविहत्या पयाइसत्था। तयणु नाणाविहभंडभरियजाणवत्ता वणियपुत्ता। तओ वि खर-करहारोवियगुणलयणीओ पनरमणीओ । किं बहुणा?
सव्वे सिप्पी सव्वे वि पन्निया मग्गणा वि बम्गंता । चलिया कोउगकलिया अदिट्ठजत्ता समन्ता वि ॥५॥ 30 तत्तो वि सुहमुहुत्ते संतेउर-मित्त-मंति-सामन्तो। चलिओ महानरिंदो चंदो व्व सतारओ तुरियं ॥ ७६ ॥ तओ
१ "प्रतविषये" खंरटि• ॥२ मंडुको जे विना ।।
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |