Page Text
________________
६१ ]
कणयज्यपिउगो सुमंगलस्स मर्चिता आयरियदेसणा य ।
सोऊण पुनाहो सुमंतियं मैन्तिणा सउच्छाहो । संपत्ती अत्थाणं वयम्मि काउं व पत्थाणं ॥ ३४ ॥ ताव य खणेण गयणं पच्छाइयमुच्छलन्तरोलेहिं । नयरुत्तरदिसिभाए अमरेहिं कयं व भ्रमरेहिं ॥ ३५ ॥ जयजयरवसंवलिओ दुंदुहिसदो य तत्थ उच्छलिओ । असमप्पमोयकलिओ तं पड़ नयरीजणो चलिओ ॥ ३६॥ तं पुलइउं पवत्तो खयरागमसंकिओ पुरीनाहो । भणिओ पणामपुव्वं सहसा उज्जाणत्रालेण ॥ ३७ ॥ 'देवाऽऽयाओ कल्लं उज्जाणे तुम्ह मुणिगणसमेओ । धम्मो व मुत्तिमंत्तो सूरी सेयंबरो पत्ररो ॥ ३८ ॥ जो भयारिसा वि धणियमालिंगिओ तवसिरीए । उत्रसमरओ वि निम्महियरायसीहो अइनिरीहो ।। ३९ ॥ तस्स उण रयणिसेसे निरुद्धनी से सकरणवित्तिस्स । झाणुकरिसविसेसा जायं नाणं जयपहाणं ॥ ४० ॥ य एए सुरभमरा बद्धकंठा सहावसुहयम्मि । लीयंति सुतुरंता मणोरमे तस्स पयपउमे ॥ ४१ ॥ ता जुत्तमे मुहकमलदंसणा पूयपात्रमप्पाणं। काउं, नाउं च तदा अइदियं किं पि परमत्थं ' ॥ ४२ ॥
एयं निसामिण 'सिद्धं समीहियं' ति सपरिओसो सव्त्रसामग्गीए गओ गुरुसमीवं नरिंदो । पणमिऊण 10 गुरुं सपरियरं निसन्नो धरावीढे । ताथ य पारद्वा भयवया धम्मका । कहूं ?
'भो भो ! संसारकंतारेऽणोरपारे भयंकरे । सिद्धिं गंतुमणाणं पि सुद्धमग्गो सुदुल्लाहो ॥ ४३ ॥ कुप्पहा बहवो जेण संति जेहिं त्रिमोहिया । जीवा नेव्वाणकामा वि पाउणंति घणं दुहं ॥ ४४ ॥ कत्थई रागसीण, कत्थई दोसल्ला । कत्थई मोहरक्खेण, गसिज्जंति रसंतया ॥ ४५ ॥ उज्झति को दावेण खलंती माणपव्वए । मूढा मायाकुडंगेसु, लोभकूवे पडंति उ ॥ ४६ ॥ विस विसरुखे वीसमन्ता सुसिणो । निच्चेयणत्तमात्रम्ना न याणंति हिया ऽहियं ॥ ४७ ॥ मित्तरूवेहिं धुत्तेहिं मुसिज्जंति पुणो पुणो । मग्गाभिमुहमायंता निज्जन्ते कुप्पहन्तरं ॥ ४८ ॥ अन्नाणदिसिमोहेण पडिप्पहपहाविणो । पडते कुगईगत्ते मच्चदुत्तडिपाडिया || ४९ ॥ नाणावित्तिकंटी विलग्गंता निरंतरं । भवकंतारपारं ते पाउणंति कयाइ नो ॥ ५० ॥ तम्हा कुमग्गचाएण सुद्धमग्गम्मि लग्गहा । जेण पावेह भो ! सिग्घं नेव्वाणनयरं परं ।। ५१ ।। सरूवं सुद्धमग्गस्स सव्वसावज्जवज्जणा । सत्तु-मित्ताइरूवेसु सत्तेमु समचित्तया ॥ ५२ ॥ पाणघाय-मुसावाय चोरिका ऽवंभरंभणं । परिग्गह परिचाओ पंचिदियविणिग्गहो ॥ ५३ ॥ अत्ती खंति-मुत्तीणं मद्दव - ऽज्जवसारया । मणो-वाय - सरीराणं सव्वहा सुपउत्तया ॥ ५४ ॥ एयमग्गेण वच्चंतो सुमित्तपरिवारिओ । रागाइएहिं खुदेहिं मणागं पि न तुज्जए ॥ ५५ ॥ तओ संसारकंतारं लंघिऊण लहुं जओ । नेव्वाणं पट्टणं जाइ तेणेसो सुप्पहो मओ ॥ ५६ ॥ दिट्ठो एस वरिद्वेण केवलमाणसालिणा । राग-दोसविउत्तेण सव्वाणुग्गहकामिणा ॥ ५७ ॥ तित्थंकरेण वीरेण सुरा--सुरसुसामिणा । तम्हा एस असंदिद्धो सिद्धो मुत्तिपुरीपहो ।। ५८ ।। अप्पच्चएण तिस्थेसे होइ अप्पा हु वंचिओ । एगंतवच्छलो एत्तो ननो जन्तूण विज्जई ॥ ५९ ॥ ता सव्वा महाभागा ! भाविऊण सुबुद्धिए । वीयरागोवइट्ठम्मि मोक्खमग्गे पट्टा' ॥ ६० ॥
एयं च सुणमाणस्स राइणो वियलिओ कम्मगंठी, पणट्टमन्नाणतिमिरं, उज्जोइयं मणोमंदिरं विवेगपईवेण, 30 चितिउं च पत्रत्तो
'एए लोइयदेवा राग-दोसेहिं दूसिया सव्वे । दारपरिग्गह-पहरणरणरसिया जेण सुव्वंति ॥ ६१ ॥ १ मंसिणो जे बिना ॥ २ कजमित्र कमलमिवेत्यर्थः ॥ ३ सङ्केत:- " रायसिंहो ति राजा सिंहश्व, राग एव सिंहः सिंहो सङ्केतसम्मतः पाठः ॥
Jain Education International
For Private & Personal Use Only
""
१७५
5
15
20
| राय
25
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |