Page Text
________________
९.१-१९] कणयज्झय-जयसुंदरराहावेहविन्नाणरंजियाणं सकनयाणं सुरवेग-सूरवेगाणं तामलित्तीसमागमणं । १७३ तीर मुयकामाए मयनयणाए मयंकवयणाए । उयरम्मि समुप्पभो गिरिसुंदरमुणिमुरो धन्नो ॥११॥ दिट्ठो य तीए सुविणे नाणामणि-रयणमंडियसुदण्डो । लम्बंतकणिरकिकिणिमुहलियगयणंगणाभोओ ॥ १२ ॥ फलिहं-उंक-कुंद-हरिणंककिकिओ' कुसुमदामचिंचइओ । वयणेण कयाणंदो महज्झओ उयरमणुपत्तो ॥ १३ ॥ परिओसमुहारसपीणियाए तत्तो उ पीणसिहिणाए । वज्जरिओ नरपहुणो, तेणावि मुओ समाइहो ॥ १४॥ नाओ सत्तममासे चेइय-मुणिपूयडोहलो तीसे । तुटेण मुट्ट संपूरिओ य रमा वि सविसेसं ॥१५॥ काले मुहं पस्या सूरं सरयम्मि मेहलेह च । तेयड्ढं जणमण-नयणहारयं दारयं देवी ॥१६॥
तत्तो चारयमोयणाइविहिणा दिज्जंतदाणुत्तमं, नचंतंगणपंगणं पइयरं वजन्ततूरं वरं । रना वदणयं पुरे विरइयं वित्थारसारं तहा, जायाणंदमय ब सबनयरी वग्गन्तवन्ना जहा ॥ १७ ॥ एवं परमपमोए मासे समइच्छिए महाभोए । विहियं मणोभिरामं सुयस्स कणयज्झओ नाम ॥१८॥ चंदो व विवड्दंतो सयलाहिं कलाहिं एस पडिवन्नो । वित्यारियगुणकिरणो कुलंबरुज्जोयणो जाओ ॥ १९ ॥ 10
इओ य रयणसारमुरो वि चविऊण तस्स चेव राइणो सयंपभाए देवीए कुञ्छिसि पुत्तभावेणोववन्नो । जाओ य उचियसमए कयजयसुंदराभिहाणो पाविओ एसो वि जोवणारंभं । पुत्रभवन्भासेण य अन्नोन्नमणुरायनिब्भरा दो वि एगत्य चेवाभिरमंति, उपसंता सरूवेण, परम्मुहा पाववावाराणं । पगरिसो तेसिं धणुव्वेए, अओ चेव राहावेहविणोएण चिट्ठति ।
अभया सुरवेग-सूरवेगखेयरराएहिं कहंचि कज्जागएहि दिवा ते रॉहं विधेन्ता । तओ ठाण-करण-दिहिनिवे- 15 साइसाइसयं तन्निभाणमुवलब्भ परिओसरसपरव्यसा मोत्तूण तदुवरि कुमुमवरिसं गया सट्ठाणं । विम्हिओ कुमारपरियणो, 'देवपूइया एए'त्ति वित्थरिओ जणवाओ, परितुट्टो सुमंगलनरिंदो। ___ अभया राइणो नमंतमन्ति-सामन्तमहुयरनिउरुम्बचुम्बिज्जमाणपायपंकयस्स सहस त्ति उत्तरदिसाए समुचलियो हंस-कुंच-सारसरसियसंवलियखुहियमहोयहिरवाणुगारी तूरनिग्योसो । 'अउव्वसरूवो 'त्ति विम्हिया रायाइणो, संभावियपरचक्कागमा खुहिया सुइडा, ‘अदिट्ठसंभमोत्ति आउलीभूओ नयरीजणो। निउणनिरूवणाए 20 'गयणंगणे इमो' ति कयनिच्छया सविम्हया ठिया सव्वे तओमुहा । ताव य समोइना दो विज्जाहरकुमारा, सम्माणिया कालोचियं राइणा, सुहासणत्था सविणयं भणिउमारदा___ "देव ! अत्थि उत्तरदिसाए पुव्वा-ऽवरसमुद्दसंपत्तोभयपेरंते सरयबलाहयसिहरिहारिसिहरहरियहरियस्सविहारपसरे वेयड्ढगिरिम्मि लीलाविलामुल्लासोवहसियसुरलोओ खयरलोगो । तत्थ अणेगगाम-नगरा-जरामरम्मविविहदेसपसाहिए सेणिदुगम्मि सुरवेग-सूरवेगनामाणो एगोयरा रायाणो सामित्तमणुहवंति । तेर्सि पुण अमनदेवी- 25 संभवाणं स्वलायन्नपहसियसैग्गसुंदरीणं सयलकलाकलावसंगयाणं सयं सयं कनयाणमस्थि । दिट्ठा य कयाइ तेहिं तुम्ह मुया राहावेहे पवत्ता, विनाणपगरिसरंजिएहि य मुक्का तदुवरि कुसुमबुट्ठी, पसंसिया य सुबहुं नियनियसभामु । तमायभिऊण 'राहावेहरंजियजणया वंगाहिवतणया भे पइणो' ति सुमरियनिमित्तियाएसाओ जायाओ असेसाओ तयत्थिणीओ खयरेसरकन्नयाओ। विनायतयाकूया नेमित्तियनिरूवियवीवाहवासरा दारियाहिं सह समागया एए ते खयरेसरा । नयरसंखोहरक्खणत्यं च तेहिं पेसिया वयं तुम्ह वद्धावया । संपइ देवो पमाण"ति। 30
तो असंभावणिज्जयाए कजस्स ' किंकायब्व यावाउलिओ किं पि संकिन्नं रसंतरमणुहवंतो जाव राया न १ “सित" खंटि• ॥ २ नरवहुणो जे० ॥ ३ नचंतं गणियंगणं भ्रा० ॥ ४ राहं वेधंता भ्रा० ॥ ५'सव्वसुंदरीणं जे.॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |