Page Text
________________
- 10
१२२] गिरिसुंदर रयणसाराणं मेलावओ सनयरागमणं च ।
१६३ देवाइट्टदिणे, ता होयव्वमिमिणा मंताइमाहप्पविहियरूवंतरेण गिरिसुंदरेण, संभवंति य देसंतरविहारे विचित्तसिद्धीओ साहसेक्कधणाणमुत्तमजणाणं' ति । ___ इय निच्छिऊण हियए भणियं 'जइ नाम तुल्लवित्तित्तं । नेहम्मि पसंसिज्जइ ता एसो किं असम्भावो ? ॥१०९ अवि य
सब्भावी सब्भावियजणम्मि, उवयारियम्मि उवयारी । धुत्तेसु महाधुत्तो, वियक्खणो सव्वहा होइ ॥ ११० ॥ 5
एत्थन्तरे 'लक्खिओ म्हि' त्ति सहरिसो जाओ सहावत्थो गिरिसुंदरो । तओ 'चिराओ दिट्ठो' त्ति सउकंठो, 'मुट्ठ लक्खिओ' त्ति सहरिसो, 'असंभावणिज्जरूवो' त्ति सविम्हओ, 'एयविरहे जीविओ म्हि' ति सहिरिओ, 'गोरवारिहो' त्ति ससंभमो सचहा महानाडयाडोवो व्याणेगरसारंभरमणीओ अपत्तपुवामंदाणंदमणुहविउमारतो रयणसारो। किं बहणा?
आणंदविम्हयघणं घणघोसतूरं, तूरंतवारविलयं लयतालसारं ।
सारंगहाररमणीरमणीयमग्गं, मग्गंतपत्तमहियं महियंगलोयं ॥ १११ ॥ जायं मणाभिरामं सवाहिरब्भतरे पुरे तेसि । वद्धावणयं सुसिणिबंधवाणं समाओगे ॥ ११२ ॥
तओ वि अन्नोन्ननिवेइयनियवुत्तंता ठिया तत्थ केइ दि अन्नया खेत्तवालाणुमएण 'महोवयारि' त्ति अहिसित्तो णेहिं महसेणनामो पुन्चोइयसहयरो रज्जे । भणिओ य'तं तइयबंधुभूओ वट्टसि अम्हाण माणसे धणियं । अकयपडिवक्खसंको ता चिट्ठसु जंजिरो भोए ॥ ११३ ॥ 15 अम्हे उ विरह विहुरियजणणी-जणयाणमाणणमयंका । अवणेमो सोयकलंकपंकमुकंठिया गंतुं' ॥११४ ॥ इयरेणावि पवुत्तं 'अहयं आएसकारओ तुम्ह । न उ पारदविघाई ता पट्टिस्सं जहाऽऽइ8 ॥ ११५ ॥ एवं कयसंभासा पउणीकयकरि-रहोह-जोहा-ऽऽसा । तूररवुप्फुन्नासा चलिया ते दो वि पुनासा ॥ ११६ ॥
तओ पूइज्जंता परिभतंतरालनरिंदेहि, पलोइज्जंता भउब्भंतभामिणीसंसिलिट्ठकंठपुलिंदविंदेहि, संकिज्जता कयावराहपणट्ठदुट्ठसेवएहिं, निहालिज्जमाणा गयणंगणगयखयर-देवएहि कमेण पत्ता सच्छंदचारिगोहणाणुमग्ग- 20 लग्गबलायावलिविसेयं पुंडविसयं । तओ वि पेच्छमाणा गुरुतोरणाभिरामे गामे, विसट्टहट्टसोहे पुरोहे', अज्झयणपयट्टभट्टसारे अग्गाहारे, घणगंभीरतूरखुल्लासियपणचंतमोरपउरं पुंडउरं पि त्ति। विनायमुयागमणो सिरिबलराया वि सयवलाईहिं । सहघुट्टसागओ हरिससंगओ निग्गओ समुहो ॥ ११७॥ दट्टण महारिद्धिं जणया तणयाण विम्हिया दो वि । पभणंति 'अहो ! धन्ना पुन्नब्भहिया इमे कुमरा ॥११८॥
ताव य पायचारेहिं पणमिया कुमारेहिं । तेहिं वि नेहनिब्भरमालिंगिया कुमारा । एत्यंतरे पडुपडहपाड- 25 पडंसुयहलबोलमुहलियनहयलो संगीयसणाहजयजयरवसंवलिओ समुच्छलिओ मंगलतूरसहो, पवत्तं जणमणविम्हावणयं वद्धावणयं । तओ
कं पि अउन्बसरूवं आणंदममंदमणुहवंता ते । सव्वे पुरं पविट्ठा धावंतखलंतमिलियजणं ॥ ११९ ॥ निव्वावियं च चिरविरहतावियं अम्मयाण मणभवणं । आणंदवाहसारं कयप्पणामेहिं कुमरेहिं ॥ १२० ॥ वद्धावणयपमोए वहते अवसरम्मि नरवइणा । कोऊहला सहेलं भणिओ गिरिसुंदरकुमारो ॥ १२१ ॥ 30. 'ता कहनु वच्छ ! सो दुह्रतक्करो कत्थ पाविओ तुमए ?। कह तस्स निग्गहाओ पुरस्स खेमं कयं तुरियं ? ॥१२२
१ "धवलम्" खंरटि० ॥ २ "हे, पज्झयण जे० विना ॥ ३ "प्रतिरवः” खंरटि० ॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |