Page Text
________________
५७ ] मारियदंडवालकावालियस्स गिरिसुंदरस्स रयणसारऽन्नेसणथं परिभमणं ।
१५९ चिंतइ सलज्जवयणो 'अहो ! अणज्जेण हयकयंतेण । एगंतापोरुसपुरिसघायणे कह निउत्तो म्हि ? ॥ ४३ ॥
रे ता छणहरिणककिंकिओ सुहडवल्लहजसोहो । रणकेलिमुई पि खणं पि नो मए पावियं एत्तो' । ४४ ॥ अह नायतयाकूओ 'महाणुभावो' त्ति विम्हयप्फुन्नो । तं पुलइउं पेवत्तो अणमिसनयगो वहूनिवहो ॥ ४५ ॥ भणियं च ताव गिरिसुंदरेण 'साहेह पंकयच्छीओ!। जा जत्थ पराणिजउ भोईओ ! अज्ज तुम्हाणं ॥ ४६॥
ताहि पि सुभद्दावयणाओ 'सिरिबलरायनंदणो गिरिसुंदरकुमारो इमो' त्ति नाऊण पाउम्भूयपेमरागाहिं लज्जो- 5 णउत्तमंगाहिं भणियं'लज्जामोऽणज्जाओ दाइंतीओ मुहाई एत्ताहे । सह मुकीलियाणं विसेसओ बंधव-गुरूणं ॥ ४७ ।। ता दाणि तुमं सरणं, मरणं वा सामि ! सामिनिहयाणं । विहिणा विहिणा वि विणा सबासि निच्छओ एस ॥ इय कुणसु पालणं जालणं व जलणेण दीणपणयाणं । करुणेकरसा मुयणा जुत्ता-ऽजुत्तं न हि वियंति' ॥४९॥ एक्कयनिच्छयाओ ताओ दद्रुण फुरियकारुनो । परिभाविउं पबत्तो कुमरो रंजियमणो मणयं ॥ ५० ॥ 10 'ही ! विसमं विहिललियं जमेरिसीणं पि एरिसं वसणं । जायं पराभिओगा सुद्धसहावाण मुद्धाण ॥५१॥ न तरामि मरंतीओ दह्र एयाओ दीणवयणाओ। ता होमि अणाहाणं नाहो एयाणमवियारं' ॥ ५२ ॥
एवं संपहारिऊण निवारियमरणववसायं ठिओ ताहि सममभिरमंतो मासमेत्तं । अन्नया संभरियभाइसिणेहो संठाविऊण पणइणीओ कयरूवपरावत्तो खग्गसहाओ गओ पुण्डउरं। दिटुं च तं असुव्वंततूरनिग्योसं अदीसंतमहूसवं ठाणे ठाणे सोयमाणमाणवसमूहं अकीलंतवाल-जुवाणं । तओ सवियकं पुच्छमाणस्स निवेइयं केणावि जहा 'भो पाहुणग! 15 दूरागओ इत्र लक्खीयसि जमेयं पुच्छसि, ता सुणाहि कारणमेत्य-चोरनिग्गहणत्थं निग्गओ न पडियागो रायसिरिबलनंदणो गिरिसुंदरकुमारो, तनिमित्तं च सोयमहनवनिवडियस्स रायाइलोयस्स किच्छेणाइच्छिओ मासो, अज पुण जुवरायनंदणो रयणसारो सारो इव सयलरज्जस्स कहिचि पउत्थो त्ति सविसेसं दुक्खासिया वट्टइ' ति । तं वज्जप्पहारदारुणं वयणमायन्निऊण संभंतचित्तो निग्गंतूण नयराओ पवत्तो भायरम सिउं गिरिसुंदरो । कहं ?
उप्पयइ खणं गयणे, खणं निहालेइ गाम-नयरेसु । आरुहइ गिरीसु खणं, खणं निरूवेइ विविणाई ॥ ५३॥ 20 देसियसहासु निवसइ, मग्गइ णेगामु सत्तसालासु । गामपरिसासु पुच्छइ, अनेसु वि आसमाईसु ॥ ५४॥ अगणियतन्हुन्हसमो दूरियनिदो अनायअसणाओ। भमिओ चिरं धराए अलहंतो कत्थइ पउत्तिं ॥ ५५ ॥ अल्लीणो य कयाई रयणीगमणाय गामदेवउलं । विविहदेसागयाणं निसुणइ पहियाणमुल्लावे ॥५६॥ जहदिवविसिहच्छेरयाइं साहितयाण अन्नोनं । एगेण तत्थ भणियं-भो भो ! किं आलजालेहिं ? ॥ ५७ ॥ सुणह ताव मए दिट्ठनिसुयं महब्भुयं__अहं खु देसदसणकोउगाओ परिब्भमंतो पत्तो एगं उन्बसदेस । तत्थ य सरलाविरलवरुय-रोहियंस-कुसविकुसाइतणगणनिरुद्धदिद्विपसरे सच्छंदचारिरुरु-रोज्झ-सरह-वराह-संवर-चित्तय-चित्तलाइवणजंतुविसरे वणसेरिहाविरहियविरायतमहंतवसंते अणुच्चीयमाणकुसुम-फलारामाभिरामगाम-नगरोवन्ते कीलंतबलीमुहकुलाकुलसिहरविहारसारे निरुवहयवल्लीगहणदुस्संचारे य मूढदिसो भमंतो कइवयदिणन्ते मिलिओ तियसकुमारायमाणमुत्तिणो एगस्स रायतणयस्स, समासासिओ तेण, जाया कालोचियपीई । अन्नया दट्टण सुन्ननगरं रमणीयं ति सकोउगा पविट्ठा 30
१ पवनो जे० ॥ २ मुहाइमेत्ताहे खं०२॥ ३ सङ्केत:-"सामिनिहयाणं ति अर्द्धमारितानाम्" ॥ ४ संकेत:"विहिणा [विहिणा] वि विण त्ति क्रमेण आचारेण विनापि" ॥ ५ सङ्केत:-"मसणामो त्ति अशनाया-बुभुक्षा" ॥ ६ णमसोमं जे०विना ॥ ७ सङ्केत:-"व(वेसते त्ति वसंतः-पिञ्चल( वेशान्त-पलवलम्)" ॥ ८ 'लविहार जे विना ॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |