Page Text
________________
१६० पुहवीचंदचरिए अट्ठमे गिरिसुंदर-रयणसारभवे
[८. ५८तयन्भंतरं । निरूवंताण य गओ अईसणं दिवायरो। तओ रयणिअइवाहणत्थं ठिया एगत्थ पासाए । पसुत्तो अहं, पजग्गिओ रायपुत्तो।।
एत्थंतरे छिप्पेप्पहारायंपियपिहुपुहइवीढो गहिरगुंजियारावरावियसावयवियाणो समागओ तमुद्देसं छुहियवग्यो भणिउं च पवत्तो 'भो रायपुत्त ! छुहिओ हं ता देहि मे एयं पुरिसं, करेहि पाणरक्खं, दयापहाणा खु महाणुभावा 5 भवंति' । रायसुएण भणियं 'न एस मम पाणेसु धरंतेमु लम्भइ ता ममं चेव भुंजाहि'। इयरेण भणियं 'आयरक्वणं चेव रायनीइसारो, ता देहि ममेयं, चिट्ठसु तुम कुसलेण' । कुमारेण वुत्तं 'सरणागो ममेस, तुमं पि भोयणत्थी पत्थेसि, ता होउ खगभंगुरेण सरीरेण दोन्हं पि जीवरक्खा, एस चेव मम लाभो । जओ भणियंकिं जीविएण? किं वा धणेग ? किं पोरुसेण पुरिसाण ? । जायइ जओ न जीयं सरणागय-दीण-पणयाणं' ॥५८
एवमुत्तरपडिउत्तरेहिं किंचि कालमच्छिय लद्धनिच्छएण समुल्लवियं पुल्लिणा 'अहो महासत्त ! साहु ते 10 सरनया, तुट्ठो मि संपयं पत्थेहि किं पि' । रायमुएण भणियं “चिट्ठउ ताव सेसं, 'को तुमं ? ति साहेहि तत्तं"। तेण भणियं 'देवो हमेयदेसाहिवो' । 'जइ एवं किमेवमुचसो एसो ? त्ति बाढयरं विम्हओ मे । अवि य
पागयनरो वि निययं पुराइ सव्वायरेण वासेइ । मणचिंतियकन्ज करा किं नाम सुरा न वासिंति ? ॥ ५९ ।। इय पुट्टो दणुतणुओ पयासिउं पयइमुंदरं रूवं । वज्जरिउं पारद्धो परमत्थं पत्थिवसुयस्स ॥ ६ ॥
"एत्थेव पुहइसारे गंधारे सयलसिरिकुलागारे । नयरम्मि रम्मरम्मे रिउ-कुसुमालाण दुग्गम्मे ।। ६१ ॥ ___15 आसि पयावपयंगो सोसियसीमालपस्थिवपयंगो । नरनाहो नयसारो रविचंदो लद्धर्जयसारो ॥ ६२ ॥
रइचंद-कित्तिचंदा तस्स य दो आसि बल्लहा पुत्ता । सव्वत्तो पसरियकित्तिकंतिणो चंद-सर च ।। ६३ ॥ राय-जुव रायभाव तेसिं दाऊण रायरविचंदो । पुनपुरिसाणुचिम्नं वणवासवयं समल्लीणो ॥ ६४ ॥
तओ रइचंदनरिंदो पुनिमाचंदो व्य अखण्डमण्डलो सूरो व फारप्फुरंतपयावपूरियदियंतरो निरवज्ज रजमणुपालिउं पवत्तो। नवरं गंधवाइविणोयवल्लहयाए गंभीरगरुयभावाओ य 'अत्ताणनिविसेसो' त्ति निउत्तो णेण 20 सव्वरजकजेसु कित्तिचंदो । सो वि वसीभूयमंति-सामंतो गहिओ रज्जगिद्धीए, अभिभूओ महालोभेण, अहिडिओ
दुह्राहिमाणेण । तो अणावेक्खिऊण कुलकलंक, अगणिऊणायसपंकं, अनिरूविऊण परिणाम कीलापमत्तो बंधाविओ णेण रइचंदो, समाइट्ठो वज्झो । तओ सवेरग्गं भणियमणेण'भो भाइ ! न जुत्तं चिय सम्भावियभाउणो विणासेण । कुंदिंदु-संखविमले कुलम्मि मसिकुच्चयं दाउं ॥६५॥ जइ रज्जलालसो तं ता दिन्नं चेव तुह मए एयं । किं. वारिओ सि कस्सइ दितहरितो मए वच्छ !?॥६६॥ गणणाईएहिं पुरा भुत्ता भूवेहि भो ! इमा पुइई । न गया केणावि समं वायावद्धा णु किं तुज्झ ? ॥ ६७ ॥ कस्स थिरा रायसिरी ? कस्स व समवत्तिणा समं पेमं ?। को सुकय-दुक्कयाणं फलं न पावेइ कम्माणं? ॥६८ ता वच्छ ! तुच्छमुहलोहमोहिओ मा कुलं कलंकेहि । न हि पावविलसियाणं सुहावहो होइ परिणामो ॥६९।। चिरकालप्पियनिवसंपओ वि जइ पत्तियाहि नो मज्झ । तायाणुचिन्नमग्गे लग्गामि अहं पिता मुंच' ॥७॥
इय भणिओ वि न गच्छइ विस्सासं तस्स सो महापावो । पेच्छंति पावसील पायं पावा अपावं पि ॥ ७१ ।। 30 जाहे न चेव मुंचइ ता पुणरवि जेद्वभाउणा भैणिओ । 'जइ सचहा न मुंचसि तहा वि मा होउ ते अयसो ॥७२
१ सङ्केत:-"छिप्पप्पहार त्ति पुच्छप्रहारः" ॥ २ जीयरक्खा खं२ ॥ ३ संकेत:-"पुल्लिण ति व्याघेण" || ४ संकेत:-"कुसुमालाण त्ति चौराणाम्" ।। ५ "जयपसरो जे० ॥ ६ रजगेहीए खं१ ॥ ७ बधवले भ्रा० ॥ ८ हरतो जे०विना ॥ ९ भणियं जे० ॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |