Page Text
________________
[छट्ठो सूरसेण-मुत्तावलीभवो]
पुनाणुबंधिपुनप्पबंधसंबंधसुत्थिया सुइरं । वसिऊण चुया तत्तो संपत्ता जं तयं सुणह ॥ १ ॥ अत्यि विदेहादेसो दाहिणभरहद्धमज्झिमे खंडे । वियरंतदीहभुयगोवसोहिओ नागलोगो व ॥२॥ तत्य य उन्नयकोट्टा विचित्तपत्ता सुभोगिआहारा । मिहिलापुरी पसिद्धा घणमुइया मोरमुत्ति व्च ॥३॥ परमहिला परमहिला वि जत्थ हिययं जणाण नो हरइ । न रयपयं नरयपयं ति भाविराणं सरीरं से ॥४॥ जत्थ य सनच्चणाई जिणचणाई जणो नियच्छंतो। विंदइ परमाणदं सुरमाणं दंसयंतो व्य ॥५॥ दीसंति सया रामा अंतो बाहिं च जत्थ सुविसत्था । अंतो नत्थि विरुद्धो, दीसइ बाहिं तरुसमूहो ॥ ६॥
तीए नयरीए दरियारिदंतिकेसरी तरुणिनलिणीवियासणेक्कणेसरी बंधुकुमुयपुनिमायंदो अस्थिसत्थविहगपैकमायंदो दुट्टकंठीरवसरहो नियपयावकंतविउलभरहो अपुत्तवित्तनिरीहो राया नरसीहो सामित्तमणुहवइ । अवि य- 10 जस-कित्तिपक्खपसरं अपावमाणस्स रायहंसस्स । अइमडहपंजरं पिव भासइ भुवणत्तयं जस्स ॥ ७ ॥
तस्स य सरसी व सव्वंगालीणसारसोहा, रायहंसि व्व विसुद्धोभयपक्खा, मेरुमेहला इव सत्तमालवणा, गंगा इव सर्रलसच्छसहावसारतरंगा, दूरावगिनदोसजाला गुणमाला नाम महादेवी। संपुनमहाभोग अपरकंतं महिं पणइणि च । उपभुजंतो जंतं न मुणइ कालं नरिंदो सो ॥ ८॥ अह अन्नदिणे पइरिकसंठिओ चउरचारपुरिसेण । विणयपणएण निउणं विनविओ सो महीनाहो ॥९॥ 15 "देव ! मए पुरचारं निरूवमाणेण वाविसरणीए । पुरसुंदरीण निसुओ अज नवल्लो समुल्लावो ॥ १० ॥ पक्खुलियाए भणियं एगाए 'जियउ रायनरसीहो' । अन्ना भणइ 'न सीहो एसो नरजंबुओ मुद्धे ! ॥ ११ ॥ जो पुत्तरयणरहियं अप्पाणं पेच्छिरो वि अप्पाणं । भुंजइ मुवइ विसत्थो न पउंजइ विक्कमुज्जोयं ॥१२॥ जे मंत-जोय-विज्जावियक्खणा सयलसिद्धिपैडिहत्था। ते गरुडस्स व अहिणो इमस्स आणं न लंघति ॥१३॥ वायामेत्तेण समीहियाइं सिझंति जस्स सेसाई। तह वि परकमरहिओ किं न इला! जंबुओ एसो?" ॥१४॥ 20 इच्चाइ चित्तवत्तं सोऊण चरा नरीसरो सहसा । मुयलाभत्थी मंतीण मंडलं पुच्छइ उवायं ॥ १५॥ तेहिं भणियं 'महापहु ! सुबइ इह चोजडंबरो जोई। संपइ पत्तो सत्तो समत्थजणपत्थियत्थेसु ॥ १६ ॥ सो देव ! सोवयारं मग्गिज्जाउ नंदणं किमनेण? । इयगरुयकज्जभरधुरधुरंधरो नावरो भुवणे' ॥१७॥ सोऊण वयणमेयं आहूओ तक्खणेण सो रना । पत्तो य सहामझं गजंतो मत्तदंति च ॥ १८॥
१ संकेत:-"अस्थि विदेहेत्यादी दीर्घ जईरुपशोभितः, दीर्घभुजर्गोपैथ शोभितः । [गा. ३-] उन्नता प्रीवा प्राकारश्च यस्याम्। पत्राणि-पिच्छानि वाहनानि च । सुष्ठु भोगिनः-सर्पा आहारो यस्याः, सुन्छु भोगिना-विलासिना आध्रियते अस्यामिति । घने-मेघे सति, घनं वा-अत्ययं मुदिता-हृष्टा । [ गा. ४-] परमहिला वि त्ति प्रकृष्टभुजलताऽपि, न-नैव रतस्य पद-स्थानम् , यतो नरकस्य पदं हेतुभावेन । [गा. ६-] सदा-सदैव रामाः, शोभनाऽऽरामाश्च । सुष्ठु विश्वस्ताः; शोभनविभिश्च शस्ताः, यद्वा शोभनो वीनां सार्थो यत्र । विरुद्धः-द्वेषी, विभिश्व-पक्षिभी रुद्धः-व्याप्त." ॥२ संकेत:-"णेसरि ति आदित्यः' ॥ ३ संकेत:-"पकमायंदो त्ति पक्वाना॥ ४ संकेत:-"सर्वाङ्गे आलीनः सारसौषः, सारा शोभा च यस्याः" ॥ ५ संकेत:-"सत्-शोभनं तमालवनम् , सत्तमं च आलपनं यस्याः"॥ ६ संकेत:-“सरलाः स्वच्छस्वभावाः साराश्च तरङ्गा यस्याम् , सरलानि स्वच्छानि सहावानि च-शृङ्गारचेष्टाविशेषान्वितानि सारतराणि च अनानि यस्याः" ॥ ७ संकेत:-"सम्पूर्णो महान् आभोगः-विस्तारो यस्याः, सम्पूर्णाश्च महान्तो भोगा:-विषया यस्याः । न परेण-शत्रुणा उपपतिना [ च ] आक्रान्ता" । संपन्न' जे०विना ॥ ८ संकेत:-"अप्पाणं ति अप्राणम्-अयलम्" ॥ ९ परिहत्था जे विना ॥ १० धुरुधुरं ख२ भ्रा.॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |