Page Text
________________
१२४
पुहवीचंदचरिए पंचमे पुण्णचंद-पुप्फसुंदरीभवे दोण्हं देवलोगगमणं । [५. १६३-१७९] उप्पनो रज्जधुराधरणसमत्यो वीरुत्तरो नाम पुत्तो । ठविओ जुवराया। अन्नया पउत्तिनिउत्तपुरिसाओ णिसामिऊण जणयस्स नेव्वाणगमणं राया हरिस-विसायसंगओ भाविउं पवत्तो
“धन्नो महाणुभावो महामुणी मह पिया महासत्तो। तह लालिएण जेणाइदुक्करं साहियं कजं ॥ १६३ ॥
अयं तु अप्पसत्तो पावपवत्तो तवज्जणासत्तो । विसयामिसप्पसत्तो जराए पत्तो अमयतत्तो ॥ १६४ ॥ 5 जाणामि 'चलं जीयं, तुच्छा विसया, सिरी थिरा नेय । निययविओया सयणा' तहा वि धम्मे पमाएमि" ॥१६५
इय चिंताभरविहुरो भणिओ सो पुप्फसुंदरिपियाए । 'किं सोइएण पिययम ! इमिणा ववसायरहिएण? ॥१६६॥ सोयंति महिलियाओ ददं परायत्तमंदसत्ताओ । साहसविक्कमसारा पुरिसा कज्जुज्जया हुंति ॥ १६७ ॥ ता चयसु रज्जचिंतं, अंगीकुण बंभचेरमाजम्मं । उज्जम सम्मं धम्मियनामुक्कसिएम सम्वेमु ॥ १६८ ॥
जा एइ एत्थ सुरसुंदरो गुरू गुरुगुणोहमणिजलही । तयणु तयंते चिंतियमणोरहे नाह ! साहेज' ॥ १६९ ॥ 10 तो 'साहु साहु' भणिरो रजं सज्जो मुयस्स दाऊण । तणुइयघरवावारो राया धम्मुज्जओ जाओ ॥ १७० ॥
देवऽच्चणाइनिरओ सामाइयपोसहेकतत्तिल्लो । चत्तसमत्तममत्तो चिट्ठइ गुरुसंगमासंसी ॥ १७१॥ देवी वि तिव्वतवचरणकरणपरिमुसिरसुंदरसरीरा । चिट्ठइ परिवालिंती सुरसुंदरमरिआगमणं ॥ १७२ ॥ नवरमथके रन्नो अइसारख्या सुदारुणा जाया । तप्पीडिओ स धीरो परिभाविउमेवमारद्धो ॥ १७३ ॥
'ते देस-नयर-गामा धन्ना चिट्ठति जेसु मह गुरुणो। ते सकयत्था मुणिणो जे से सेवंति पयकमलं ॥ १७४॥ 15 कइया होही सो हंत वासरो अमयनिम्मिओ रम्मो । जम्मि गुरुपायपउमे भमराइस्सामि मुइओ इं? ॥ १७५॥ परिवज्जियसावज्जो गुरुवयणाराहणेक्करसिओ हं । आराहेज सया वि हु मुणिचरियं भूरिगुणभरियं ।। १७६॥
इय विमलियचित्तो संतिपीऊसतित्तो, वियणमहिसहित्ता देहगेहं रहित्ता। परिकसियकसाओ सो गओ निविसाओ, सुकयमुकयपप्पं आरणं नाम कप्पं ।। १७७ ॥ देवी वि तिब्बतवतावविसोसियंगी, आराहिऊण मरणंतविहिं विसुद्धं । तत्येव देवनिलए सुरपुंगवत्तं, पत्ताऽकलंकगिहिधम्मनिसेवणेण ।। १७८ ॥ एगम्मि रम्मे विमले विमाणे, ते दो वि देवा दढनेहैबद्धा। मुंजंति दिव्वाइं सुहाई तेसिं, आउं च वीसं किर सागराइं ॥ १७९ ॥ इय पुहइचंदचरिए पुन्नचंदसमणोवासगभवगहणं पंचमं समत्तं ॥
[ ग्रन्थानम्-७४७]
१ संकेत:-"नामुक्तसिपसु त्ति प्रयोजनेषु ॥ ५॥" ॥२ नेहनद्धा जे.विना ॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |