Page Text
________________
5
10
15
20
25
पुहवीचंदचरिए छटे सूरसेण मुत्तावलीभवे
[ ६.१९
पवरासणोषविट्ठो कयसकारो निवेण संलत्तो । 'जोइंद ! कहसु केत्तियमेत्तं सामत्थमुव्हसि ?' ॥ १९ ॥ ईसि हसिऊण भणियं तेण 'महीनाह ! किमिह पुच्छाए ? । आइस कज्जं सज्जो संपाइज्जउ जमेत्ताहे ॥ २० ॥ किं नागकन्याओ आणेमि वसं ? उयामरबहूओ ? । अह दुट्ठवइरिचकं पणई कारेमि चलणेसु ? ॥ २१ ॥ गय-तुरयरयणमहवा दूरत्थं झत्ति अज्ज आणेमि ? । अन्नं पि किं पि विसमं पओयणं भणसु साहेमि' ॥ २२ ॥ 'जइ एवं ता जोइंद ! कोउगं एक्कमम्ह पूरेहि । आणेहि नागरायस्स पिययमं एत्थ अत्थाणे' ॥ २३ ॥ इय नरवरणा भणिए समाहिमापूरिऊण तुरिएण । आणीया ताराहरणहारिणी तेण दिग्वित्थी ॥ २४॥ पप्फुल्लवयणकमला कयकरमउला समुद्धसियरोमा । 'आइसह'त्ति भणंती ठिया य सा जोइणो पुरओ ||२५|| तेणावि 'सुयणु ! कुण नरवइस्स आणं'ति भणियमेत्ताए । तीऐ वृत्तो नरसीहपत्थिवो 'सामि ! आइसह' ॥ २६ ॥ ना भणियं 'सुंदरि ! का सि तुमं ? कह णु आगया एत्थ ?' । तीए भणियं “ नागिंदपणइणी णागलोयाओ ॥२७ लोकाखंडिय सासणस्स एयस्स जोगिणो वयणा । पत्त म्हि तुम्ह परिसं 'कहं ?" ति सम्मं न याणामि" ॥२८॥ तो जायजो जंपियपच्चयमइविम्हिएण नमिऊण । रम्ना विसज्जिया सा गया य असणं सहसा || २९ ॥ 'अव्वो ! महप्पभावो जोइंद ! तुमं' ति संलवंतेण । काऊण विवित्तं नियपओयणं साहियं तो से ॥ ३० ॥ भणियं च तेण 'नरवइ ! केत्तियैमेयं पओयणं मज्झ ? । संतिनसायराणं का चिंता गोपउत्तरणे ? ॥ ३१ ॥ नवरं हो सहाओ कसिणचउद्दसिनिसाइ एगागी । सक्खं जालिणिदेविं जेण दवावेमि ते पुत्तं ॥ ३२ ॥
अहवान पुत्तयं चि दाह जम्मग्गियं तुहं सव्वं । तुम्ह पभावा मज्झ वि अणुग्गहो तीए सिद्धीए' ॥ ३३ ॥ नत्रमेहगज्जिरं तं सोऊण नरिंदवरहिणो हिट्टो । पडिवज्जिऊण भणियं पूइतु तयं विसज्जेइ ॥ ३४ ॥ मुणियसमएहिं भणियं मंतीहिं 'नरिंद ! सुंदरी मंतो। किंतु न वीससियव्वं एगंतेणेरिसजणस्स ॥ ३५ ॥ रक्खेव्व अप्पा सप्पाओ इव इमाओ जत्तेण । चित्तचरिया हु जीवा हवंति कम्माण वेहम्मा' ॥ ३६ ॥ पडिवन्नमंतिवयणो कसिणचउदसिनिसापओसम्मि । पत्तो तस्स समीवं खग्गसहाओ महाराओ || ३७ ॥ पत्ताय ते मसाणं संकेयगिहं व अंधतमसाणं । रोलंतनरकरंकं कायरउक्कंपण करंकं ॥ ३८ ॥ कत्थइ रुद्दघरं पिव दीसंतल संतसिवैसिवारूवं । अन्नत्थ खेर्डेय पित्र सच्छंदभमंतवेयालं ॥ ३९ ॥ हरनाडयं व कत्थई पिसायअट्टट्टहासबीभच्छं । अन्नत्थ रणगणमित्र अलंघनस-मंसहिक्कासं ॥ ४० ॥ सम्मज्जिऊण धरेणी चियग्गिदीवेण मंडलालिहणं । पारद्धं जोइंदेण पत्थिवो पुण इमं वृत्तो ॥ ४१ ॥ 'अत्थेत्थ दाहिणेणं नग्गोहतरुस्स पुव्त्रसाहाए । उब्बद्धगो मणुस्सो आणेहि तयं असंभंतो ॥ ४२ ॥ सुबहु पि जंयमाणस्स तस्स पडिउत्तरं न दायव्वं । न य कैस्सइ भेतव्यं आगंतव्यं तुरंतेण ' अह तत्थ गओ राया साहं आरुहिय छिंदए पासं । ओइनो य निहालइ तं लवतं तहिं चेत्र ॥ ४४ ॥ एक दुइ पि वारं, ताहे साहागओ वि गहिऊणं । तोडियपासो सहसा ओइनो पडिनियत्तो य ॥ ४५ ॥ तं जंपर वेयालो सबहिओ 'तमसि मूढ ! सेयालो । मोत्तण खत्तधम्मं करेसि इय कुच्छियं कम्मं ॥ ४६ ॥ अणुहरसि रक्खाणं हिंडतो रत्तिमेरिसमसाणं । हीणो सि निहीणाण वि छिचमाणो परकरंकाई ॥ ४७ ॥
॥
४३ ॥
1
१२६
१ तीप भणिओ न खं१ २ ॥ २ यमेतं पं जे० ॥ ३ भणिओ जे० ॥ ४ संकेत:- " कातराणामुत्कम्पनकरः अङ्कः - उत्सहो यस्य " ॥ ५ संकेत:-'शिपन्वतं - रुद्रान्वितं शिवायाः- गौर्या रूपम्, अशिवम्-अमङ्गलभूतं शिवारूपं यत्र ॥ ६ " अप्राहारम्" खं२टि० ॥ ७ संकेत:- "वेदाला वेदविदो विप्राः, वेतालाच" ॥ ८ संकेत:- "अलंघ्यो वशा-मांसयोः हिक्कासो कर्दमो यत्र" ॥ ९ धरणि जे० विना ॥ १० अस्थित्थ जे० विना ॥। ११ कस्लय मेयष्वं जे० ॥ १२ " ग्राम्यः " खं२टि● ॥
Jain Education International
For Private Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |