Page Text
________________
10
११८] सुरसुंदरमणिकहियऽत्तकहाए हिंसादोसपक्खावयं सत्तुंजय-सूरकहाणयं ।
१११ पलायमाणो वावाइओ मरिऊण समुप्पन्नो तम्मि चेव वणे सबरदारओ । पारद्धिनिमित्तं च परिभमंतो दिवो पुन्चदीविएण, तहेव समच्छरेण वावाइओ, दीविओ वि सेससबरेहिं । दो वि तम्मि चेव वणे जाया महावराहा । तरुणभावे परोप्परालोयणुप्पन्नमच्छरा जुझंता विणिवाइया सबरेहिं । जाया अन्नत्थवणे दो वि कुरंगा, तहेव जुझंता वावाइया वाहेण । जाया एगम्मि चेव गयजूहे गयपोयया । तहेव मच्छरंधीकया जुझंता भट्ठा जूहाओ गहिया वणयरेहिं । परंपरेण पत्ता चंदरायस्स । तत्थ वि न सहति अन्नोन्नदंसणं, जुझंता य दुक्खं निरंभति । अन्नया समागओ 5 तत्य केवली, वंदिओ राय-नायरेहिं । कोउगवसेण पुच्छियं राइणा बारणोणं मच्छराइसयकारणं । सोऊण जहट्ठियं संविग्गो राया सुयस्स रज्जं दाऊण निक्खेतो, जाओ कालेण वेमाणियसुरसंपयाभायणं । इयरे वि अणु बदमच्छरा मरिऊण पत्ता पढम नरयपुढवि । तत्थ परमाहम्मियसुरकयाई परोप्परुप्पाइयाई च दुक्खाई चिरमणुहविय कुजोणिगहणे परिब्भमिहिन्ति ।
[सत्तुंजय-सूरकहाणयं समत्तं.५] ता सावियाओ ! पाणिवहविरया-ऽविरयाणमेवंगुण-दोसपरंपरा पाउब्भवइ । एयं सोऊण संजायसंवेगाहिं पडिवनं ताहिं पढमाणुव्वयं।
__ तओ कुमार ! मए चिंतियं 'सुंदरमिणं, संपयं कुवियाओ वि एयाओ न ममाकुसलं ववसिस्संति, ता एक्केक्कूणे चेव पंचपहारे दाई'ति । एत्यंतरे पुणो भणियं साहुणा
'भणियव्वं निचं सच्चमेव धम्म-ऽत्थ-कामसुहजणणं । सग्गा-ऽपवग्गसंगमनिबंधणं धम्मियजणेण ॥ ११३ ॥ 15 सव्वस्स सच्चवाई होइ पिओ तह य पञ्चयट्ठाणं । चिटुंतु नरा, अमरा वि तस्स आणं पडिच्छंति ॥ ११४ ॥ वियरंति नावयारं जल-जलणाईणि दस वि दिव्वाणि । विमलं च कुणंति जसं सवियाई सचवयणेण ॥ ११५ ॥ जे पुण चवंति अलियं दुगुंछणिज्जा जणम्मि ते होंति । मित्ताण बंधवाण य विस्सासमुहं अवहरंति ॥ ११६ ॥ मृया अणि?वयणा कुहियमुहा दुस्सरा अणाएज्जा । जीहाछेयाइकिलेसभायणं होति अलिएण ।। ११७ ॥ वंचिजंति न केणइ धणो व्व सच्चरियसालिणो सच्चा । अप्पाणमप्पण च्चिय इयरे वंचंति धरणो व्य' ॥ ११८ ॥ 20 तओ ताहिं 'भयवं ! के पुण ते धण-धरण ?' ति विश्नत्तेण वुत्तं मुणिपुंगवेण
[६. धण-धरणकहाणयं] इहेब विजए सुनंदणे नयरे सुदत्तनेगमस्स धण-धरणनामाणो दुवे पुत्ता अहेसि । धणो निसग्गओ सुयणो सरलो पियंवओ सच्चसंधो य, धरणो उण तबिवरीओ । अस्थि य तेसिं परोप्परं पीई, धणस्स निक्कवडा, कवडेण इयरस्स।
___ अन्नया धणं सयणगणेण गोरविजमाणमालोइऊण 'न मम एयम्मि धरते गिहे वि गोरवं' ति भावितेण पइरिके भणिओ धगो इयरेण 'भाय ! पूरेहि मे पाणवल्लहस्स भाउणो एगं कोऊहलं, गच्छामो भुयदंडमेत्तसारवणा धणोवजणत्थमनदेस' । धणेण भणियं 'वच्छ ! कहं पुण तत्थ धणमन्जिणियव्वं ?' । इयरेणं वुत्तं 'छिंदिस्सामो गंठीओ, तोडिस्सामो कन्ने, खणिस्सामो खत्ताई, गिन्हिस्सामो बंदाई' ति । तओ तेण ससंभमं ठइयकमेण वुत्तो एसो 'वच्छ ! मा एरिसं पावमुल्लवेहि, एरिसं खु चितियं पि पावनिबंधणं, भणियं पि नरयसंधणं, सुयं पि अणत्थ- 30 वद्धणं ति, ता पडिहणाहि एयं पावं देव-गुरुनामग्गहणेणं, मा वीयं पि एवं जंपिहिसि' । 'न एस एवं संचल्लइ' त्ति कलिऊण ईसिहसियपुव्वं वुत्तं धरणेण 'भाइ ! मए तुह चित्तमेवमणुमाणियं, न उण एरिसं मणेणावि कामेमि,
१ भाइ ! जे०विना ॥ २ ण भणियं 'छि ख२ ॥
25
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |