Page Text
________________
११०
पुहवीचंदचरिए पंचमे पुण्णचंद-पुप्फमुंदरीभवे 'धम्मस्स ताव मूलं जीवदया वन्निया जिणिदेहिं । ता तत्थ चेव पढमं जइयच्वं धम्मकामेहिं ॥ १०४ ॥ तं दाणं तं च वयं तं च तवो सा य देव-गुरुपूया । जीवाणं जत्थ दया, गयण्हाणं तं विणा सव्वं ॥ १०५ ॥
चिरजीवियमारोग्गं सोहग्गं कामभोगपियसंगो । कुल-रूव-जसो-सुपया दयामहासालफलमेयं ॥ १०६ ॥ किंच5 दया सग्गस्स सोवाणं, दया मोक्रवस्स वत्तिणी । दया दोग्गइदारस्स पिहाणं विहिणा कया ॥ १०७ ॥
जीवाणं पुण घाओ कडुयविवाओ मुणीहिं अक्खाओ। जं दुहजणणसमत्थोहोति समत्था तओऽणत्या ॥१०८॥ जंगभगया वियलंति केइ विहडंति जायमेत्ता वि । वाला तरुणा भोगंगसंगया अंगिधाएणं ॥ १०९॥ बहिरंध-काण-खुज्जा दोहग्गिय-रोग-सोग-गहगहिया । घोरनिरंतरवसणा होंति नरा पाणिघाएण ॥ ११० ॥
एत्तो अविरत्तमणा कजा-कज्जाइनाणपरिहीणा । जणयं तणयं पि हणंति निग्धिणा कोह-लोहिल्ला ॥ १११ ॥ 10 तत्तो नरएसु सहति दारुणं दुइपरंपरं पारा । सत्तुंजय-सूरा इव पिर्यं-पुत्ता मोहमलजुत्ता' ॥ ११२ ।। तओ ताहिं 'भयवं ! के पुण ते पिय-पुत्त ?' ति वुत्ते पवुत्तो मुणिवरो
[५. सत्तुजय-सूरकहाणय] इहेव विजए जयउरे नयरे सत्तुंजओ राया होत्था, पुत्ता य से सूरो चंदो य । पढमो 'मुटु इट्टो' ति ठविओ जुवराया। इयरो वि 'अलद्धजीवणो' त्ति परिभवुव्वेविओ गओ देसंतरं, मिलिओ रयणउरे सुदंसणमुणिस्स । सुय15 धम्मोवएसो पडिवन्नो सुरवित्तीओ अन्नत्थ निरवराहजीववहनिवितिं । पारद्धो तत्थेव जयसेणरायमोलग्गिउं । जाओ विस्सासट्ठाणं । अन्नया एगते निउत्तो णेण पयंडवेरिणो कुंभस्स अभिमरत्ते । साहियनियमवइयरो न पयट्टो सो तत्थ । तओ सुट्ट्यरं विस्ससिएण ठविओ णेण अंगरक्खो, पडिवनो पुत्तो, परिणाविओ पहाणसामंतदुहियाओ, निउत्तो सयलरज्जकज्जेसु ।
___ अन्नया तुरियसाहणेण कयदुग्गभंगमाणीओ तेण कुंभचरडो, उवणीओ राइणो । तेणावि पडिवनसेवो 20 सम्माणिय विमुक्को गओ सट्टाणं । चंदो वि चंदो इव लद्धपसिद्धी सुहमच्छिउं पवत्तो।।
इओ य सो जेट्ठभाया सूरो जुवरायरिदीए असंतुट्टो रज्जलोभेण जणयवहपरिणओ वंचिऊण जामइल्ले रयणीए गओ रायवासभवणं । अन्नोमुहं च जणयं गाढप्पहारीकाऊण पडिनियत्तमाणो दिवो देवीए, 'हा ! अभिमरो अभिमरो'त्ति को कोलाहलो, नासमाणो गहिओ अंगवाहरिएहि ।
एत्थंतरे 'कस्स संतिओ ?' ति जाणणत्थं रक्खावियो राइणा । पभाए पञ्चभिन्नाओ रायभडेहिं निवेइओ 25 राइणो । तेणावि कोवग्गिधगधगितगत्तेणावि जणावन्नवायभीरुणा सव्वस्सहरणपुच्वं कओ निधिसओ । भणिया
य मंतिणो 'लहुं लहेह चंदकुमारं' ति। तेहिं वि चरनरेहितो विनायवुत्तंतेहिं कहिओ रयणउरवइयरो । ततो गहियपहाणलेहा तुरियकरहवामाहिं पेसिया तयाणणत्थं पञ्चइयपुरिसा। सो वि अवहारियलेहत्थो जणयदंसणुकंठिओ जयसेगमणुनविय महया तुरियतुरयसाहणेण लहुं चेव समागओ जयउरं । साणुणयं ठविओ पिउणा नियरज्जे ।
कयसाहुकारं पडिवन्नो मंति-सामंतेहिं । 30 राया वि पहारदारुणयाए कइदिणे तिव्वं वेयणमणुहविऊण समच्छरो सूरम्मि देहं चइऊण जाओ एगत्थ गिरिदुग्गे दीविओ। सूरो वि अकज्जायरणकलंकपंकंकिओ पणट्ठपोरुसो तहाविहकुकम्मजीवियाए कंचि कालं गमिऊण भवियव्ययानिओगेण तमेवारम्नमागओ दिट्ठो दीविएण । तओ जाइकूरयाए पुव्बवेरपञ्चयं च समुप्पनमच्छरेण
१ संकेतः~-"सुपय त्ति सुप्रजाः-शोभनापत्यानि"॥२ या य गलंति जे.॥ ३ हुन्ति जे विना ॥ ४-५ पिउ-पुत्ता जे विना ॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |