Page Text
________________
२३६ ]
सुयमिहुण कहाणए देवसेण- चंदकताणं विवाहो चंदकंतानिव्वेओ य ।
भलावणपुत्र अणुजाणाविय विस्सउरीसरं जहागयं पडिगओ खयरिंदो । नेहाइसएण य पेसेइ पइदिणं विज्जाहरोभगजोगाई अव्वंगाई भोगंगाई सकंताए चंदकंताए । कालेण य परिम्नायासारसंसारसरूवो पव्वइओ सूरतेओ । पडिवो पुइपालत्तं देवसेणो । चंदकता वि अलंकिया रुवाइसयविणिज्जियागंगएण सूरसेणाभिहाणंगरण । किं बहुणा ? -
७५
लीलानिज्जियदुज्जयारिनिवहं वंसस्स सोहावहं तेलोक्कोयरपूरणुज्जलजसं वदंतकीलारसं । रज्जं रंजियसज्जणुकरमणं दुदंतसंतावणं, भुत्तं तेहिं चिरं चिरंतनमहापुनोहसंपावियं ॥ २२३ ॥ अम दिणे रविकिरणराइणा कह वि गरुयत्रक्खेवा । तेसिं न पेसियाई भोगंगाई सुचंगाई || २२४ ॥ पत्थावे उवणीयाइं चेडीहिं वत्थब्वाई उन्बट्टण-विलेवणाईणि चंद्रकंताए । ताई च दट्ठूण तुसारनियराभिहया इव कमलिणी, पवपापुट्ठा इव मालईकलिया सहस त्ति परिमिलाणा एसा, चिंतिउं च पयत्ता
1
'हदी ! किमज्ज न हि को वि आगओ तायपेसणयकारी ? | अवि कुसलं तायगिहे ? पम्हुट्टा हं किमेत्ताहे ?|| २२५ 10 किं किं पि मज्झ कुविओ ताओ कत्तो वि पिसुणवयणाओ ? । किं वा सिढिलसिणेहो एमेव कहिंचि संजाओ ?' | इय चिंतिरीए तीए भणियं हसिरीए कीय वि सहीए । 'कहमेयसाहणेहिं काही देहहिं देवी ? ।। २२७ ।। अवि य—
वेल्लहलेला सल्लइ - लवलीपल्लवरसेहिं दुल्ललिया । छाँया वि करं करिणी कह काही कक्खडकरीरे ?' ॥ २२८ ॥ अन्नाए भणियं—
15
'किं न गमिज्जइ कालो कडुकुडयपसूणएसु भमरेहिं । अलहंतएहिं मालइ कमलंब-कदंबमयरंदं ?' ॥ २२९ ॥ अबराए वुत्तं
'जाइयमाहरणं पिव परदिनसुहं न सासयं होइ । तो तल्लाभालाभेसु हरिस- मन्नू न कायव्वा ।। २३० ।।
माणकारणं चिय होइ परासा जियाण पाएण । इय भाविऊण धीरा संतोसपरायणा हुंति' ।। २३१ ॥
एमाइ सहाससही लावसवणओ सुहाणुबंध पुन्नपरिवागाओ संवेगाणुगया देवी भणिउं पवत्ता “हला 120 सच्चमेयं महाऽवमाणनिबंधणं परासा, परासापहाणा य कामभोगा, जओ
सदा विसयगामो करणम्गामस्स गोयरावडिओ | जणयइ सुहाभिमाणं परप्पसूओ य सो नियमा ॥ २३२ ॥ जता सहाइगुणा मणोरमा संति गायणाईणं । तदसंक्रमणासवणाइणा उ भोगीण को माणो ? || २३३ ॥ जो विसयसंपओगो सुभावो ताव करणवग्गस्स । इय कह न पराहीणं भोगसुहं हंदि ! जंतूणं ? || २३४ ॥ एवंठिए अलमियाणि मोहविलसियपाएहिं हाणुव्वट्टणगराएहिं, करेमि साहीणमुहत्थमुज्जमं, पडिवज्जामि 25 निरवज्जं संजमं” । ति भणंतीए तीए निवारियमुत्रणाई । ताहे सविलक्खदुक्खियाहिं पाएस पडिऊण भणिया वयंसियाहिं 'नत्थि पहवंते देवे तिलोयमंदिरोयरे तुह किं पि पराहीणं, ता सव्वहा करेहि सरीरद्विहं, ण जुत्तं हसि - याणुमग्गेण धाविउँ' ति । देवीए भणियं “हला ! अलमियाणि छंदाणुवत्तिभणिएहिं, मुणिओ मए भवसुहपरमत्थो, चिरं पचिय हि मुणिजणाणुभूयसारस्स परमपयपउणहेउणो पसमामयरसस्स । अत्रिय
धन्नाओ ताओ मन्ने कुमारसमणीओ समियपावाओ । जासिमवमाणमूले विसयसुहे नो मई जाया ।। २३५ || 30 किं पेमं ? को व पिओ ? को विरहो ? केरिसी विसयतण्हा ? । एयपुव्वं जार्सि नमो नमो ताण समणीणं ॥ २३६
१ सकान्तायाः पतिसहिताया इत्यर्थः ॥ २ पवत्ता १ भ्रा० ॥ ३ सङ्केत:- "छायत्ति वुभुक्षिता” ॥ ४ मउव्वं जे विना ॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |