Page Text
________________
७२
पुहवीचंदचरिए तइए देवसीह-कणयसुंदरीभवे
[ ३. १८०जीविएणं?" ति भाविऊण वारिज्जमाणो वि परियणेण बला पविट्ठो तं चियं ललियंगयकुमारो, ठिया सविम्हया सेसा । अवि य
छुहियाण भोयणम्मि व राओ रमणीसु होइ कामीणं । नेहो पुण विरलाणं जो मरणंते वि निव्वडइ ॥१८०॥
तण्हाणुगया बप्पीहया वि बहुसो पियं पियं विंति। सब्भावियं पियं पुण नज्जइ कज्जेहिं विहुरेसु ॥ १८१॥ 5 तो जाव विन्नायतन्नेहसबस्सा उम्मायंती 'हा अज्जउत्त ! किं मम मंदभग्गाए कए दारुणं ववसिओ सि?' त्ति तं समुल्लवइ ताव झड ति मंतिनिउत्तपुरिसेहिं उग्याडियं सुरंगामुहं । तेण य पत्ताणि दो वि मंतिमंदिरं । इओ य लोलबहलजालावलीकरालं चियाजलणं दठुमचायंता विलीयविम्हिया जहागयं पट्टिया पायं रायतणया ताव भणिया मंतिणा संबंधिकुमारा 'अहो ! महासाहस, अहो ! निच्छयकारिया, अहो ! पडिवन्नसारया ललियंगयस्स,
तुब्भेहिं पुण पियजीवियधणेहिं परिचत्ता चेव रायधृया, अओ जइ कहंचि देवयाइसन्निहाणाओ जियंति एयाणि 10 ता भवंतरपत्तं पिब एयं ललियंगओ विवाहिउमरिहइ, न उण तुब्भे' ति । तेहिं वि साणुकोसहियएहिं भणियं 'एचमेयं, न एत्थ का वि अम्हाणमक्खमा, जियंतु नियपुन्नेहिं महासत्ताणि दो वि' ति।
इय जंपिराण तेसिं सब्भावं साहिऊण सचिवेण । आणाविओ कुमारो सहिओ कन्नाए धन्नाए ॥ १८२ ॥ उल्लसियमहाणंदं तओ नरिंदेण कारियं तुरियं । वद्धावणयं वारेज्जयं च कयजणचमुक्कारं ॥ १८३ ॥ अह रन्नाऽणुन्नाओ ललियंगो संगओ पिययमाए । पत्तो नियपुरमाणंदमुहरसं पणइणं दितो ।। १८४ ॥ संपन्नमहाभोगं सुमहाभोगं मणोरमं रजं । जणयविदिन्नं सुइरं कमेण अह पालियं तेण ॥ १८५॥ अह निन्नासियमले कमलेहिं अलंकियम्मि सरयम्मि । सरैयम्मि निरीहमणो मणोरमे हम्मियतलम्मि ॥१८६ दइयाए सह निसन्नो दैच्छइ य नहंगणे महाभोगं । वरपासायसरूवं मेहं बहुवन्नयरवनं ॥ १८७ ॥ • वरसिप्पिनिम्मियं पिव उप्पाइयविम्हयं तह पुणो वि । पवणेण खणेण विलुत्तमुत्तियं सव्यओ खित्तं ॥१८८॥ तो संजायविसाओ राया वज्जरइ 'पिययमे ! पेच्छ । नयणमुहविधाओ णे विहिणा विहिओ कह अयंडे ? ॥१८९ पेच्छ चलत्तं सारयघणाण जं तारिसो सुपासाओ । होऊण गओ निहणं सहसा सुमिणोवलंभो व्व ॥ १९० ॥ एयारिस व सुंदरि ! सयलं संसारियं मुहं मन्ने । माइंदजालसरिसा संजोगा एत्य ज सव्वे ॥ १९१॥ लच्छी करिकन्नचला, रूवं संझाणुरायसमथेजं । जीयं सरयम्भचलं, सुमिणसमो पेमपरिणामो ॥ १९२ ॥ दीसंति जे पभाए न हु मज्झिमवासरम्मि ते पुरिसा । मज्झण्हुवलद्धा न हु निसासु, 'हिज्जो न निसिदिट्ठा ॥१९३ इट्टविओओऽणिट्ठागमो य रोगा जरा य मञ्चू य । पहवंति जत्थ रिउणो कि संसारे मुहं तत्थ ?' ॥ १९४ ॥ एवं वेरग्गगओ पुणरवि पेच्छइ नरीसरो सहसा । नाणामणिभासुरसुरविमाणमालाउलं गयणं ॥ १९५॥ 'नणु एए वि घणा किं ? न हि न हि जं अवयरंति धरणीए। सुबइ य तूरघोसो हंहो ! अच्चन्भुयमपुव्वं ॥१९६॥ इय कोऊहलकलिओ राया उजाणपालपुरिसेणं । भणिओ 'वड्ढाहि पहू ! तुह नयरे आगओ अरिहा ॥१९७॥ सव्वन्नू सव्यपहू सव्वुत्तमगुणनिही सयलदंसी । सव्वसुरा-ऽसुरमहिओ सव्वहिओ सव्वभयरहिओ ॥१९८ ।।
जा पुण तस्सऽत्थाणी मणितोरणतुंगसालझयकलिया। सयराई निम्माया सा न वयणगोयरे मज्झ ॥१९९।। 30 वंचिजामो निययं तमपेच्छंता निमेसमेत पि । एवं ठियम्मि देवो आइसउ जमम्ह कायव्वं ॥२०॥
१ संकेत:-"कमले त्ति कस्य-जलस्य मले-पढ़े" ॥ २ संकेत:-"सरयम्मि ति सरजे-रते, सरके च-मद्यविशेषे . ३ दच्छीय न जे० ॥ ४ सुविणों जे विना ॥ ५ मायंद जे विना ॥ ६ सङ्केत:-"झो(हिजो) ति यः(श्वः)-कुल्ये" ॥ ७ अरहा जे विना ॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |