Page Text
________________
१७९] निहिकुंडल-पुरंदरजसाणं ललियंग-उम्मायंतित्तेण जम्मो सयंवरस्थउम्मायतीहरयखयरपरिभवाइ च । ७१ असंतेहिं तओ महीयले तेहिं वणनिगुंजम्मि । दिट्ठा पणट्ठचेट्ठा उम्मायंती मेयायंती ॥ १५७ ॥ नायं च जहा एसा दट्टा दुट्टेण दीहपिटेण । किं कायबविमूढा जाया सव्वे वि सविसाया ॥ १५८ ॥ उत्तमवंसपमएण नवरमेगेण रायपुत्तेण । जीवाविया दुयं सा अचिन्तमंताणुभावेण ।। १५९ ॥ तो नीया रहसविसट्टनयणवयणेहिं तेहिं पिउमूलं । नवरं समोवयारा सव्वे वि तयत्थिणो जाया ॥ १६० ॥ अवि यनिहओ खयरो ललियंगरण नेमित्तिदंसिओ नियमा । नीया ते दो वि विमाणकारिणा तत्थ चउरा वि ॥१६१॥
सव्वेसिं मड्डाए निवाइया पन्नगेण सा वरई । गारुडसिद्धेण धुवं जियाविया मंतसत्तीए ॥ १६२ ॥ तेण
चउरो वि महासामंतनंदणा तुल्लरूव-वय-विहवा । बलिणो अलंघणिज्जा कनाबद्धग्गहा य दढं ॥ १६३ ॥ 'तिण्डं उम्मल्लाए देमो दुहियं कहं नु एगस्स ? । को वा इमीए उचिओ होही परिणाममुहओ य? ॥१६४॥ 10 एईए पुण पइन्ना अन्नयरेणावि पुज्जइ इमेसिं' । इय चिंतंतो जणओ न हि लहइ रई मुहुत्तं पि ॥ १६५ ॥ किं बहुणा ? तम्मि दिणे समंति-सुद्धंत-परियणो राया। चिंतासायरपारं अपात्रमाणो ठिओ दुक्खं ॥ १६६ ॥ सोऊण वइयरमिणं उम्मायती वि वड्ढियविसाया । ललियंगयगयचित्ता वियप्पिउं एवमाढत्ता ॥ १६७ ॥ 'ललियंगयं पमोत्तुं न ठाइ मणुओ मणम्मि मह अन्नो। तह वि हु विवायवाओ वित्थरिओ विहिवसा एसो॥१६८॥ आउलचित्तो ताओ संभावियबहुनरीसरविवाओ । हद्धी! अणत्थमूलं जम्मं स्वं च मे एयं ॥ १६९॥ 15 पविसित्तु हुयवहं ता करेमि सम्वेसि निव्वुइमिमेसि । असुहनिवित्तिनिमित्तं न निंदिओ आयघाओ वि' ॥१७० इय चिंतिऊण भणिया अम्मापियरो 'विमुंचह विसायं । नीणेह मज्झ दारूणि जेण सव्वं हवइ सुत्थं ॥१७१॥ इहरा जणसंहारो, संदिद्धा तह य इट्ठसंपत्ती । आससिसूरं अयसो मम तुम्ह य जीवलोगम्मि' ॥ १७२॥ नाऊण निच्छयं कन्नगाए जणएहिं विरहभीएहिं । भणिओ बुहमंती 'भो ! किमेवमच्छसि सुवीसत्थो ? ॥१७३ विसमं कज्जारंभ समीकुणंतो फलं लहइ मंती । समकजसाहणे पुण निवाण मंतीहि किं कज्जं? ॥ १७४॥ 20 तो भणइ महामंती 'कीरउ कन्नासमीहियं देव ! । एवं चिय कीरंतं परिणामे सुंदरं होही ।। १७५॥ अहयं तु तह जइस्सं जह तुम्ह न होइ दुक्खलेसो वि। पुज्जिस्संति य चिंतियमणोरहा कन्नगाए वि' ॥१७६॥
तो तुट्टेण राइणा ‘एवं'ति भणिए निम्माविया मंतिणा सारसुरहिदारुनियरेण महंती चिया, आहूया चउरो वि कुमारा, भणिया य सगोरवं'भो भो ! समगुणविहवा तुम्भे चउरो वि गोरवट्ठाणं । तिहमवमाणणाए दिजउ एगस्स कह कन्ना ? ॥१७७ 25 ता भे न चित्तखेओ कज्जो थेवो वि एत्थ वत्थुम्मि । अणुमनिजउ एसा बाला जलणम्मि पविसंती ॥१७८॥ जो वा अहिमाणधणो पइत्तणं काउ महइ एयाए । सो अणुगच्छउ एयं, नेहस्स फलं जओ नऽनं ॥ १७९ ॥
तो 'अहो बुद्धिपगरिसो, छिन्नो ववहारो, न यावमाणिया वयं सव्वे वि, जुत्तमेयमेरिसरमणीरयणस्स' त्ति माविंताण ताणं समागया तं पएस कयसिंगारा कनया। दाऊण दीणाईण दाणं पविट्ठा चियंतरविरइयं कटकुडियं। पज्जालिओ चउद्दिसि हुयासणो।।
एत्यंतरे 'कहमणाहा एगागिणी मम पिययमा पावपावएण गसिजइ ? किं वा मम एयाए विरहियस्स
30
१ "मृतमिवाचरन्ती, मृतावस्थातुल्येत्यर्थः" जेटि. ॥ २ सङ्केत:-"उम्मल्लाप ति बलात्कारेण ॥ ३ पुज्जिह जे० ॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |