Page Text
________________
६२
पुहवीचंदचरिए तइए देवसीह-कणयसुंदरीभवे
[३. २३परिभाविऊण सम्म भणियं मंतीहिं "नूणमेयाए । आसी नेहाइसओ पुच्चभवे कम्मि वि नरम्मि ॥ २३ ॥ तं वज्जिय एयाए रंजिज्जइ माणसं न अण्णेण । अवगच्छामो एवं पोराणकहाणुसारेण ॥२४॥
तस्स परियाणणत्यं पडिरूवाइं नरिंदतणयाणं । दंसिजंतु इमीए एस उवाओ इह पसत्थो ॥२५॥ जओनाम पि सुयं, पडिरूवयं पि दिटुं मणिह-ऽणिहाणं । जम्मतरियाण जए राय-विराए पयासेई" ॥२६॥
'जुत्तमेयं ति परिभाविऊण राइणा गहियकन्नापडिच्छंदया पेसिया सबरज्जेसु चित्तयरदारया । आणीयाई तेहिमणेगाइं अब्भुयभूयाई रायउत्तरूवाई। तीए वि निरूवियाणि अपनाए, 'किमेएसिं कज्जंतरविधायहेउणा पलोयणेणं?' ति भणंतीए सासूयं परिचत्ताणि य । विसन्ना रायाइणो।
एत्यंतरे समागया महुराओ चित्तयरमुया । दसियं तेहिं राइणो देवसीहकुमारपडिबिंब । तमालोइऊण विम्हिओ । सपरिसो एसो, भणिउं च पयत्तो
"भो भो ! विनाणसीमा फुडमह विहिणो रूवसबस्समेयं, मच्चा-ऽमच्चाण सच मयमहणकए को वि देवोऽवइनो।
एयं दट्टण मन्ने विसमसरमुरो हंत ! जाओ अणंगो, निस्संकं संति लोए गुणिनररयणा सुंदरा सुंदराणं ॥२७॥ सव्वहा जइ एएणावि न रंजिज्जइ मणो मम तणयाए ता अविसेसण्णुयाणं वीयरागाण वा सिरोमणी एसा"। 'भो! कहेह ताव, किमेत्तिओ कालो तुम्हाणं ? को वा एस ? कहिं तुब्भेहिं उबलद्धो ?' त्ति भणिए नरिंदेण 5 साहियं चित्तयरदारएहिं “देव ! महुराहिवइणो मेहनरिंदस्स नंदणो देवसीहो नाम कुमारो एस, चिरावणकारणं पुण लज्जाए न पारेमो अक्खिउं। जओदिट्ठो अत्थाणगओ, वाहितो तह तुरंग-दोघटे । राहावेहपवत्तो, निउणं वीणं च वायंतो ॥ २८ ॥ कर-चरण-दिदिठाणाई तस्स अच्चतविम्हयकराई । सञ्चविउं कह विन सकियाई सुबह पि दिवाई ॥ २९॥ अणुदियहदसणाओ तुरयारूढस्स निच्चलिहणाओ। कह कह वि किंचित्तं निव्वत्तियमेत्तियदिणेहिं ॥३०॥ ता देव ! फुडं सीसइ दीसइ एयम्मि चित्तयम्मम्मि । लक्खसो वि न सुद्धो तयंगलायन्न कंतीणं" ॥३१॥ __ तयायण्णणाओ सुट्ट्यरं तुद्रेण राइणा पेसिया चित्तवट्टिया दुहियाए । तीए वि निउणं निरूविया । कहं ? पढमं जणयाऽऽएसा, पुणो 'अउ' ति कोउगविसेसा । तो चंगिमहरिसाओ, तओ वि मयरद्धयरसाओ ॥३२॥ अइरूवविम्हियाए धुणियं तीए पुणो पुणो सीसं । उप्पाडिउमसमत्थाए तत्थ दिहिं चहुएं व ॥ ३३ ॥ रोमंचचच्चियंगी विहसइ नीससइ कुणइ हुंकारं । सेयजलकलियभाला मंद मंद तो भणइ ॥ ३४ ॥ 'पियसहि ! अमञ्चलोइयमालिहियं केण एरिसं रूवं ? । संभवइ किं नु कत्थइ पुरिसो जस्सेस पडिछंदो ? ॥३५ भणियं सेंहीहि 'सामिणि! पयावई सनसत्ततत्तिल्लो । तेण य तुह निम्मावणमणेण पढमं इमो घडिओ ॥३६ पडिभणइ ईसि हसिउं सविलक्खा कणयसुंदरी तत्तो। 'कत्तो पियसहि ! अम्हारिसाण एयस्स संपत्ती ?' ॥३७॥ तओ पढियं वियडढसहीए'वियरंती सच्छंदं सुहेण विगिरिवणनिगुंजेसु । करिणी चिरेण विहिणा आलाणे अज्ज संजमिया' ॥ ३८॥
सहासं च भणियं 'सामिणि ! एस महुराहिवसुओ देवसीहनामो कुमारो सुचइ, ता लिहेउ सामिणी एयस्स समीवे किंचि अणुरूवं जुवइरूवं' । तओ आणाविऊण वत्तिसमुग्गयं लिहियं तीए नियपडिरूवं । 'किमणुरूवमेय
१ चित्रपट्टिका ॥ २ संकेत:-"गुणिनररयणा सुंदरा सुंदराणं ति गुणिनराणा रचनाः सुन्दराणामपि सुन्दराः सन्तीत्यर्थः" । ३ कई जे० ॥ ४ अमर्त्यलौकिक दिव्यमित्यर्थः ॥ ५ सहीए सा जे०विना ॥ ६ विझरि जे० विना ।।
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |