Page Text
________________
[ तइओ देवसीह-कणयसुंदरीभवो]
अह अत्थि महिमहेलातिलए निलए सिरीण सयलाणं । देसम्मि सूरसेणाभिहाणए वरपुरी महुरा ॥१॥
___जा सा पसाहिया विमलचित्तेहिं हम्मिएहि धम्मिएहि य, अलंकिया बहुसाहारेहिं भवणेहिं उववणेहि य, 5 टिविडिकिया सुरयणरायंतंगणेहिं नाडएहिं धणवइपाडएहि य, पवित्तिया समुन्नयसहावेहिं मुरभवणेहिं सज्जण
जणेहि य । जीए य भुयंगदंसणं पण्णविलयानिलएसु, खलुप्पत्ती तिलजंतेसु, दंडकरणं धय-छत्तेसु, बंधणं कन्वकुसुमेसु, मारणं सारिजूएसु, करपीडा जुवइसिहिणेसु, खंडणं दइयाहरेसु, भंडणं मुट्ठिय-तंबचूडेसु, भंगो चिहुरेसु, मओ कुंजरेसु, तासो असुद्धमणीसु, वंचणं पहरणपरिगुणिएसु, परदारगमो भिक्खायरेसु, दोजीहत्तमुरगेसु, गुण
हाणी छाइल्लएसु चेव लक्खिज्जइ त्ति । 10 तीए वरनयरीए मयरद्धय-धणय-केसरिसरिच्छो । रूप-प्पयाण-पोरुसगुणेहि मेहो निवो होत्था ॥ २॥
भयमप्पणो असतं एगमणेगाण वीरवेरीणं । दितेण जेण जुगवं जणाण जणियं महाचोजं ॥३॥ तावियपडिबक्खेण वि जस्स पयावेण वित्थरंतेण । परिनिमविया नियदेसवासिणो पयइसंदोहा ॥ ४ ॥ तस्स य विमलसुवित्ता गुरुगुणसारा मंणोहरायारा । मुत्तावलि व्व सुहया देवी मुत्तावली नाम ॥ ५॥
तीए विज्जुज्जलविग्गहाए उज्जोइओ कुलनहम्मि । रेहइ मेहो मेहो म दाणसलिलेण वरिसंतो ॥ ६॥ 15 तीए हिययगयाए निचं विजाहरो ब विजाए । मेहो महंतनेहो करेइ किच्चाई सवाई ॥७॥
अन्नया वासभवणं पविसंतेण वामकरयलनिहित्तकवोलमोणयमुही थूलमुत्ताहलविन्भमेहिं बाहबिंदर्हि सिंचमाणी कुट्टिमतलं पलोइया एसा महाराएण, अतक्कियनियदोसलेसेण य साणुणयं पुच्छिया उव्वेवकारणं । सदुक्खं च जंपियं तीए 'कहं सयलजगपायर्ड पि ममुव्वेवकारणं देवो न योणेइ ?' । राइणा भणियं 'कहं सयलजण
पायर्ड पि अहं न याणामि ? विम्हओ मे, ता साहेउ ताव देवी' । इयरीए भणियं “सपुन्चमेयं सुभासियं देवस्स20 को नाम गुणमरटो ? सोहम्गमडफरो य को तासिं ? । का वा सुहासिया वासियाण जासिं सुओ नत्थि ? ॥८॥ तहा
धावंत-खलंत-पड़तयाई धूलीए धूसरंगाई । धन्नाण रमति घरंगणेसु दो तिन्नि डिंभाई ॥ ९ ॥ ता देव ! किं मम मंदभग्गाए सयलजणउवहसणिज्जाए एगेणावि पुत्तभंडेण विरहियाए जीविएण ? जओ
देवस्स वि नत्थि ममोवरि चित्तं, जमे हमेत्तं पि दुक्खनिबंधणं सयं न लक्खेइ" । ति भणंती परुना एसा । 25 पुणो राइणा ससिणेहं भणिया “देवि ! देवायत्तमेयं, न विसओ पुरिसकारस्स । जओ
१ सङ्केत:-"विमलचित्तेहिं० इत्यादौ [प्रासादपक्षे] चित्राणि, [धार्मिकपक्षे] चित्तानि च । [भवनपक्षे] बहुस त्ति जनबाहुल्यं तदाधारैः, [उपवनपक्षे] बहुसहकारैश्च । [नाटकपक्षे] सुष्ठुरचनो रागस्य-वसन्तादेः अन्तः-प्रकर्षों यासां तथाविधा अझना येषु बद्धाः, [धनपतिपाटकपक्षे] सुरचनाः सुरदना वा राजन्त्योऽङ्गना येषु, सुरलै राजन्त्यङ्गनानि येषु, यद्वा सुरतेषु प्रागल्भ्याद् नरायमाणाः-पुरुषायितं कृर्वन्त्योऽजना येषु । [सुरभवनपक्षे] समुन्नतस्वभावः, [सज्जनजनपक्षे] समुत्-सहर्षों नतश्च स्वभावो येषाम्" ॥ २ परिगुणविपसु जे विना ॥ ३ सङ्केत:-"छाइलपसु त्ति प्रदीपेषु" ॥ ४ ण-पोरिस खं१॥ ५ सङ्केत:-"[मुक्कावलीपक्षे] विमला चासौ सुवृत्ता चसुवर्तुला, [राज्ञीपक्षे] विमल-शोभनं वृत्तम्-आचारो यस्याः । [मुक्का०] सुखदा, [राज्ञी.] सुभगा च" ॥ ६ मुत्तावली वसु जे०विना ॥ ७ कजाई जे विना ॥ ८ उन्वेयका खं१ भ्रा० ॥ ९याणाह जे. खं२ ॥ १० संकेत:-"वामि(१ सियाणं ति स्त्रीणाम्" ॥ ११ संकेत:-"पहहमेतं पिति एताबन्मात्रमपि" ॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |