Page Text
________________
७२०]
कमलसेण-गुणसेणाणं पवजा तवोणुट्ठाणं देवलोगगमणं च । 'हद्धी ! अणत्यजणओ सबस्स वि एस रिद्धिवित्थारो । स-परावयारकारितणेण नूणं धुणीए व ॥ ७०१ ॥ जेण
उच्छलियलोलकल्लोलजालउम्मग्गलम्गजलपूरा । कलुससरूवा एसा सव्वस्स भयंकरा आसि ॥ ७०२ ।। संपइ पंसंतरूवा वीससणिज्जा पमोयजणणी य । बट्टइ सुद्धसहावा सुहहेऊ सयललोयाणं ॥ ७०३ ॥ सरिसरिसो एस जिओ जलपूरसमाए. बज्झरिद्धीए । वड्ढंतो कूलाण व स-परेसिं कुणइ अश्यारं ।। ७०४ ॥ । एत्तो च्चिय कलुसिज्जइ अणवरयं पावरेणुनियरेण । उस्सिखलभावाओ भयावहो होइ सबस्स ॥ ७०५ ॥
एत्तो चेव परत्थ वि पावइ पाणी अणत्थरिंछोलि । तम्हा अलमेयाए रिद्धीए मोहजणणीए ॥ ७०६ ॥ अन्नं च
जेऊण रणे रिउणो णेगे देसे क्सम्मि काऊण । आयासाओ अन्नं किं साहिजइ नरिंदेहिं ? ॥ ७०७ ॥ एगो हरी करी वा सेज्जा गंडूवहाणयं रमणी । वत्या-ऽऽसणाइ परिमियमुवओगि, निरत्ययं सेसं ॥ ७०८॥ 10 भरियं भंडागारं कोट्ठागारं च रयण-धन्नाणं । सव्वं परपुहिकरं अहिमाणो केवलं पहुणो ॥ ७०९॥ इय निष्फलाहिमाणो एसो सयलो वि रिद्धिसंबंधो । ते धन्ना जेहिं इमो परिचत्तो बुद्धिमंतेहिं ॥ ७१० ॥ संता वीससणिज्जा विमला सुहया निसेवणिज्जा य । हरिसावहा बहूणं हवंति ते संपइनइ व्व' ।। ७११ ॥ इय भावितो मइमं परमं संवेगमागओ सहसा। विसमिस्सभोयणम्मि व गओ विरागं विसयसंगे ॥ ७१२॥
तओ मज्झत्थभावमणुहवंतो गओ नियपासायं । ठविऊण य गुणसेगागम्भसंभूयं सबजेटं सुसेणकुमारं रायाहि- 15 रायत्ते, गुणसेणापमुहेण अंतेउरेण मंति-सामंत-सेटि-सत्यवाहपमुहेहि अणेगेहिं पहाणपुरिसेहिं सद्धिं मुणियतप्परिवागसमयागयाणं सीलंधरसूरिसीसाणं संजमसीहायरियाणं समीवे विहिणा पडिवन्नो समणत्तणं कमलसेणनराहियो, गहियदुविहसिक्खो जाओ महातबस्सी, कहं ?
छट्ठऽट्टम-दसम-दुवालसेहिं मास-द्धमासखमणेहिं । सोसेइ नियसरीरं थुव्वंतो सेससमणेहिं ।। ७१३ ॥ निचं भमरायंतो चिट्ठइ गुरुपायपंकए विमले । वेयावच्चं मुणिपुंगवाण बंधण व करेइ ॥ ७१४ ॥ हरिसिज्जइ सारण-वारणेहिं, तूसइ सुचोइओ किच्चे । रोमंचिज्जइ सज्झाय-झाण-आवस्सयाईहिं ॥ ७१५॥ एसेइ सुद्धमुंछ पायमनायं पि नीरसं लूहं । सबप्पमायरहिओ कउज्जमो सन्चकज्जेसु ।। ७१६॥
सुइरमणुचरित्ता संजमं सत्तसाली, परिमुसियसरीरो सुद्धसंलेहणाए। अणसणविहिणा सो देहचायं करित्ता, सुरभवमणुपत्तो बंभलोयम्मि कप्पे ॥ ७१७॥ सहरिससुररामारामणक्खित्तचित्तो, कयविविहविलामुल्लासलासाणुरत्तो।
मुचरियचरणाओ सो सुही तत्थ वुत्थो, सुरगणमणहारी सागराई दसेव ॥ ७१८ ॥ गुणसेणा वि गुणड्ढा तवसंजमभारधरणऽणुव्याया। तत्थेव देवभावं पत्ता मेत्तिं च सह तेण ॥ ७१९ ॥ सम्भावसारं तव-संजमेसु, कुणंति जे उज्जममुज्जुभावा । ते संखराया इव सुद्धमग्गं, भवे भवे भव्चजिया लहंति ।। ॥ इय पुहइचंदमहारिसिचरिए बीयं चरित्तलाभवण्णणं कमलसेणभवगहणं समत्तं ।। [गन्थाग्रम्-१००५]
30
20
१ "विकृतिहीनं वल्ल-चणकादि" जेटि० ॥ २ संकेत:-"अणुव्वाय त्ति अखिन्ना । इति द्वितीयः २" ॥ ३ सम्मत्तं जे०॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |