Page Text
________________
५४
पुहवीचंदचरिए बीए कमलसेण-गुणसेणाभवे
[२.६१०मयणविसधारिएण वि सुठु तए राय ! चेइओ अप्पा । कल्लाणकलावो अज वि निययं लहेयवो ॥६१०॥ इय सीलमहातरुलेसपालणाफलमणुत्तरं सोउं । संपुग्नसीलभरधरणमायरो जुत्तमहुणा ते ॥ ६११ ॥ __इय केवलिवयणघणेण चुनिए निविडमोहगंठिम्मि । सम्मत्तदित्तजोइक्खलक्खियत्थो निवो भणइ ॥६१२।। 'भयवं! मुलद्धमेसिं जीयं धण्णाण जेसि भुवणम्मि । एगो पवित्तवित्तंतपल्लवो सबसुइमुहओ ॥ ६१३ ॥ अहयं तु पावचरिओ एरिसयाणं पि जणियसंतावो । निंदाण निंदणिज्जो, तहा निहीणो निहीणाणं ॥ ६१४ ॥ अहवा मए वि पुन्धि सुकयलयो को वि अजिओ आसि । कण्णंजलीहिं जमिणं पीयं वयणामयं तुम्हें ॥६१५।। आइटं च फुडं मे गुरूहि संपुण्णसीलभरधरणं । संपांडेमि तयं चिय संपइ ता किं वियप्पेहिं ?' ॥ ६१६ ॥ इय चरणधरणकयनिच्छए निवे निवइए गुरुकमग्गे । विणयंधरो सभज्जो कयंजली भणिउमाढत्तो ॥ ६१७ ॥ 'भयवं ! सुट्ठ पणट्ठो अम्हाण वि तुम्ह वयणमंतेहिं । विसयग्गहगरुयगहो नीसेसविडवणाहेऊ ॥ ६१८ ॥ ता इच्छामो तुह चलणकमलमूले सुनिम्मलं चरिउं । निरखजं पयजं भीया संसारवासाओ' || ६१९ ॥ 'जुत्तमिणं कुसलाणं, मा पडिबंध करेह' इय गुरुणा। भणिए धणियं तुट्टा नरवइपमुहा गुरुं नमिउं ॥ ६२० ॥ पत्ता गिहेसु तुरियं पकया य समग्गदिकावसामगि । नवरं न अस्थि रनो पउप्पए को वि पयजोग्गो ॥६२१॥ इय पणयमंति-सामंत-पउर-अंतेउरेहिं दीणेहिं । विनत्तो 'परिवालसु पुत्तुप्पत्तिं' ति नरनाहो ॥ ६२२ ॥ वेरग्गरसाइसया तहा वि छम्मासगन्भसंपुग्नं । विजयंति नियदेवि अहिसिंचिय निययरज्जम्मि ॥ ६२३॥ अभिउंजिऊण नीसेसरजकज्जेसु मंति-सामंते । विगयंधरं च खामिय पञ्चक्खं सयलपउराणं ॥ ६२४ ।। काराविऊण जिणचेइएसु अट्ठाहियं महामहिमं । दाणाणंदियलोगो निक्खंतो सो महाभागो ॥ ६२५॥ विणयंधरो वि सह गेहिणीहिं पउरो जणो तहा विविहो । पन्चइओ तेण समं सम्मं संवेगजोगाओ ॥६२६॥ विजयंती वि रुयंती अणुणिज्जती महंतयाईहिं । परिवालिङ पवत्ता गम्भं रज्जं च थिरसत्ता ।। ६२७ ॥ अह अन्नया मुहुत्ते गहवलजुत्ते जणे सुहपसुत्ते । नयणमहूसवभूयं मुहं पसूया इमा धूयं ।। ६२८॥ तं दद्रुण विसना चिंतइ देवी 'अहो ! अहमहन्ना । जाया दढं अणाहा संपइ वड्डियहिययदाहा ॥ ६२९ ॥ किर होही मह तणओ वररज्जधुरंधरो महासूरो । विहिणो वसेण नवरं विवरीयं चेव संजायं ॥ ६३० ॥ ता न मुणिज्जइ इण्डिं परिणामो एत्थ केरिसो होही ? । अहवा पच्छन्नं चिय एवं साहेमि मंतिस्स ॥६३१॥ पच्चइयअंगपरिचारिगाए जाणाविओ तो मंती । तेणावि तक्खणं चिय वद्धावणयं समाइ8 ॥ ६३२ ॥ धरिया रहम्मि देवी सुयजम्मो सीसिओ सयललोए । जाओ परमाणंदो सामंताईण सव्वेसि ॥ ६३३ ॥ कयनरनेवच्छाए पयत्तपरिवालणेण बालाए । केणइ अलक्खियाए संपत्तो जोवणारंभो ॥ ६३४॥ तो भणिो देवीए मंती 'मग्गेहि अज! एयाए । पाणिग्गहणस्सऽरिहं किंचि महग्धं पुरिसरयणं' ॥ ६३५ ।। तेणावि कया सेवा सपाडिहेरस्स नयरिजक्खस्स । तइए दियहे दिनम्मि दंसणे साहियं कज्जं ॥ ६३६ ॥ नाणनयणेण निउणं निरूविऊणाऽमरेण बजरियं । 'हिज्जो वरं लहिस्सह उज्जाणसरे मयाऽऽणीयं ॥ ६३७ ॥ पोयणपुराहिवसुओ होही नाहो इमस्स देसस्स । पुनाहिओ पयावी स इमीए पुनभवभत्ता' ॥ ६३८ ॥ सो हं तं सुरवयणं पडिवज्जिय अज्ज नंदणं पत्तो । कन्नानिवेण सहिओ सेसं तुह चेव पञ्चक्खं ॥ ६३९ ।। अत्थि य तुमम्मि तीसे अणुराओ जेण दिट्ठमेत्तम्मि । गहिया अगहियपुवा मयणवियारेहिं सयराहं ॥६४०॥ अवि य१ सङ्केत:-"नोक्ख त्ति प्रदीप." ||
20
30ो
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |