Page Text
________________
६५५]
कमलसेण-गुणसेणापाणिग्गहणं । लोलं लोयणपंकयं कयमलं लज्जाए मंदप्पभ, भालं सेयलवेहि मोत्तियमणिच्छष्णद्धमिवमं । रोमंचेण पसाहिया तणुलया वाणी खलंतक्खरा, सक्खं चेव वियक्खणेण तुमए तीसे न किलक्खिया ?॥६४१ एवं च ठिए तीसे मणोरहा अणुमिया कुमारेण । पूरिज्जंतु घणेण व वरेण रुंदा सरुच्छंगा ॥ ६४२॥ एस मए परमत्थो विन्नत्तीए निवेइओ तुम्ह । संपइ परत्यनिरया अम्ह वि तुम्भे पमाणं ति ॥ ६४३ ॥
तो 'अहो ! सुपत्तदाण-सीलपालणाणं फलाइसओ, अहो ! सूरिवरस्स नाणसंपया, अहो ! वेरग्गरसस्स 5 माहप्पं जं तारिसी सुहसंपया परिजुन्नतणं व गणिया राय-विणयंधराईहिं, अहो ! बुद्धिनिउणया मंति-महादेवीणं जं केणावि अलक्खियं रक्खियं चिरमेवमणायगं रज्ज' ति सविम्हयं भगमाणेण कुमारेण दक्खिन्नपाहन्नाओ मन्नियं मंतिवयणं । पुत्वभवब्भासाओ रूबाइगुणप्पेगरिसाओ य जाओ से रायकन्नं पइ पेमराओ । अवि य
जाईसराई नृणं नयणाई मणं व हुंति लोयस्स । पञ्चभियाणंति जओ पिया-ऽपियं दिट्ठमेत्तं पि ॥ ६४४ ॥ एसो कलावइजिओ उववन्नो रायकन्नयत्तेण । जाओ बला वि राओ तेण कुमारस्स एयाए ॥ ६४५॥ 10
वियाणिओ एस सबो वि वुत्तंतो विजयंतीए । तओ अउव्यमाणंदसुहेमणुहवंतीए पारद्धो विवाहमहूसवो । तओ वि पसत्थे तिहि-करणमुहुत्ते उच्चट्ठाणट्ठिएसु सोमग्गहेसु नीयट्ठाणगएसु इयरेसु पणईयणमणोरहाइरित्तदाणसम्माणसुंदरं कयं कुमारेण गुगसेगाए पाणिग्गहणं, पडियन्नमंगदेसाहिवइत्तं । सबहा सधओ पसरियपउरप्पयावो दिवायरो इव पाविओ एस परमं पसिद्धिं ति ।।
इओ य विन्नायवुत्तंतेण वच्छाहिवइणा समरसीहेण 'चिरं पर्व चिया मो त्ति सामरिसेण पेसिओ दूओ राय- 15 कमलसेणंतिए जंपिउं परत्तो'भो भो सयंभुपत्थिव ! आइटं सुप्पइट्ठियजसेण । मह सामिएण तुम्हं नयनेउन्नं वहंतेण ॥ ६४६ ॥ भुज्जइ नरिंदलच्छी कुलकमेणाऽऽगया वि किच्छेण । तं पुण पहिओ पहिओ अप्पहियं किं न चिंतेसि ? ॥६४७ काऊण सामिसालं जुज्जइ निचिंतमच्छिउं एवं । नंदति न जाउ चिरं दुम्मइणो देव्यपरिचत्ता ॥ ६४८॥ ता पडिवज्ज ममाऽऽणं, रज्जं मोतूण वा पलाएहि । सज्जो रणसज्जो वा भवाहि, किं भूरिभणिएण? ॥६४९॥ 20 __एयमायन्निऊण अंतोजलंतकोवानलेणावि सहासमुल्लवियं कमलसेणेण"रे दूय ! सच्चमेयं सयंभुराया अहं अपरनाहो । झुंजामि रायलच्छि तुह पहुबुद्धिं अणिच्छंतो ॥ ६५० ॥ तं पुण वच्चसु तुरियं, भणसु य नियसामियं पयत्तेण । 'होऊण समरसीहो मा संपइ होसु रणसुणओ ॥६५१॥ पियपणइणीण पुरओ जह जंपिज्जइ पयासहेलाए । तह जइ सुहडेहिं रणंगणे वि ता किं न पज्जत्तं ? ॥६५२ पेच्छामो दो वि जणा स-परविसेसं सगबठन्याया। सुहडाण सुहडभावे रणंगणं चेव कसबट्टो' ॥ ६५३ ।। 25 एस पयट्टो अहयं तुमं पि पउणीकरेहि नियसामि । 'जं रासहस्स कम्मं पारद्धं तं भरेणेव ॥ ६५४ ॥ मुहसुत्तं पंचमुहं खलियारिय को णु जाइ खेमेण ? । पेच्छह लहुं विवायं यय ! उद्दामभणियाण" ॥६५५॥
___ एमाइवयणपुव्वं विसज्जियदूरण दवाविया णेण पयाणढका, मिलियाई दो वि बलाई विसयसंधीए, पयट्टमाओहणं । साणुकोसयाए भणियं कमलसेणेण 'भो समरसीह ! किमेइणा निरवराहजणसंहारेण ? अहं तुमं च मउम्मत्ता जुज्झामो जेण संगामो समप्पई । पडिवणं समरसीहेण । तो ते दो वि दप्पुद्धरा मत्त व वणसिंधुरा 30 रोसग्गिदिप्पंतया जुज्झेउमाढत्तया। कहं-- प्पगरिसओ जे॥ २'हमवती जे.विना ॥ ३ "पथिकः प्रथितः" खंटि॥
कः प्रथितः" खंटि० ॥ ४ सङ्केत:-"पहिउ त्ति
सडेत:प्रथितः" ॥ ५ सङ्केत:-"उवाय त्ति उद्वाताः वातलग्नाः" ॥ ६ “यद् रासभस्य भरोद्वहनरूपं कर्म तद् वहनीयरूपेण भरेणैव प्रारब्धम् । 'चौरादुत्ताला मोट्टे'ति लोकश्रुतेः(2)" जेटि० ॥
Jain Education International
For Private & Personal Use Only
www.jainelibrary.org
| SR No. | 001370 |
| Book Title | Puhaichandchariyam |
| Original Sutra Author | Shantisuri |
| Author | Ramnikvijay Gani |
| Publisher | Prakrit Text Society Ahmedabad |
| Publication Year | 2006 |
| Total Pages | 323 |
| Language | Prakrit, Sanskrit |
| Classification | Book_Devnagari & Literature |
| File Size | 9 MB |